طريقة صنع سمن في البيت بالصور (غيرمنقول)
مجتمع رجيم / الموضوعات المميزة فى التجارب والحلول المنزلية
كتبت :
ام فيروز
-
في رجيم بس وحصريا تعالوا معايا اعلمكم طريقتي في صنع السمن بالبيت
اولا بغلي اللبن من بالليل ولما يبرد اخليه بالثلاجه لثاني يوم
في الصباح اخد القشطة من علي وش اللبن واجمعها في علب في الفريزر
وبكده بستفيد انه اللبن بيكون خالي الدسم
ودي بعض العلب بعد فترة من التجميع
احطهم كلهم في طبق بلاستيك وافضل اقلب فيها جامد جداااااااا ولمدة طويلة
واوعي تستعملي المضرب لانه بيغير لون القشطة
هنلاقي القشطة بقت طبقتين من فوق زي الكريمة ومن تحت لبن
ودا اللبن اللي من تحت علي فكرة دا بيكون لبن رايب ممتاز تستعملية في صنع الفطائر
ودا اللي كان علي الوش حطيته في حلة تيفال وعلي نار هادية لمدة ساعتين تقريبا مع التقليب المستمر
ودي النتيجة
وهنا من قريب
يارب تستفيدوا من الموضوع واللي يعجبها متنساش التقييم
واي سؤال انا حاضرة
