ممكن بنات من وقتكن شوي؟

مجتمع رجيم / الحمية و الرشاقة و الرجيم
كتبت : صمت كلمات
-
السلام عليكم ورحمة الله وبركاته

اخباركن بنوتات ؟ ان شاء الله الكل بخير

بصراحة
من كنت صغيرة واخواني ينادوني "بالدبدوبة"
ولو اني بوقتها ما كنت بالبنت الدبة كثير
يوم كبرت
صرت احب اكل واكل وقت الفراغ لان احس بملل كبير
ماعرف شو اسوي فأروح اكل
سمعت ان الفول السوداني فيه سعرات حرارية كثيرة
فرحت اكله !!!
والله شيء يقهر اني ما صرت اقدر امسك نفسي على الاكل smile27.gif

اكثر المناطق الي اعاني من المسنة فيها
هي الزنود والبطن
بشكل فظييييييييييييييييييييييييييع ويحرررررج بصراحة
في بنات دبدوبات بس ماعندهم زنوود
مرات احسد الي كذيه النوع الي ما يمتن من ايده
انا حتى القمصان ما تدخل علي زين
والله تعقدت
اخواتي كلهن ضعاف وانا الي يطلع شكلي اكببرهم
كله بسبب الوزن

شو الحل لمشكلة الزنود والبطن ..طبعاً الكرش ماخذ نصيبه؟
لأن لو تشوفون شكلي وشكل حرمة اخوي الحامل
تقولو انا الحامل مب هي smile05.gif
للعلم انا ماقدر اروح نوادي رياضية او اخصائي تغذية ..
عمري 18
وزني 70
طولي 158

كل ما خططت أسوي ريجيم
يوم تجي الدورة لي..
يخترب كل شيء !!!! احس بتحطيم
خاصه انها مب منتظمة عندي
مرة تجي كل اسبوعين مره كل 3 اسابيع



[grade="00008B FF6347 008000 4B0082"]..كل من تفيدني بدعيلها من قلب..افيديوني بليز ..[/grade]
كتبت : وقتي ذهب
-
مرحبا اختي صمت الكلمات ..

وحابة ابشرج واقولج ان مشكلتج مقدور عليها وفي لها حل ..

قبل ما تحاولين تغيرين اسلوب حياتج ونوعية اكلج .. لازم تغيري طريقة تفكيرج ..

اعتقد انج ما تحتاجين رجيم عشان توصل لهدفج واللي هو " الوزن المثالي "

انتي تحتاجيم اسلوب حياه يديد ..

لأنج لو اتبعتي رجيم انتي حاطه في بالج ان الرجيم بيكون لفتره معينة سواء كان قاسي ولا رجيم صحي ولا غيره ..

عالاغلب بتستمرين عليه ليين تخلص الفتره اللي جسمج ونفسيتج راح تقدر تتحمله وعقبها بترجعين لأسلوب حياتج القديم اللي عشتي عليه 18 سنة "اقل او اكثر ما يفرق"..

واذكر مره سمعت الدكتور إبراهيم الفقي " رائد في التنمية البشرية" يقول ان الانسان يقدر يوصل لأي هدف بحياته بس عن طريق كلمتين سحريات وهم " التغير التدريجي "

وفعلا شي صعب واقرب للمستحيل انج تغيرين حياتج وطريقة اكلج ونومج وحركتج فجأة !! جسمج راح يخاف ونفسيتج راح تتعب ...

عشان جذي نصيحتي لج ابدي حبة حبة , يعني اول شغله حددي اليوم اللي تبين تبديه فيه ويناسبج ..

عقبها ابتدي خففي من الكميات اللي عودتي نفسج عليها ولاحظي انج اذا حرمتي نفسج راح تتحولين وحش ياكل الاخضر واليابس اول ما تحصلين فرصه ..

ومع الوقت راح تحسين انج بديتي تقدرين تستغنين عن هالنوع من الاكل وتبدلينه بأكل صحي ..

وبخصوص الرياضة , دامج ما تقدرين تسيرين مركز ,, شرايج تتصلين في اي سوبر ماركت ولا اي بقاله وتقولين له اييب لج " الحبل" اللي كنا نلعب فيه ونحن يهال

اول مره نطي عليه خمسين على راحتج , يعني نطي وارتاحي نطي وارتاحي

ومع الايام زيدي عدد النطات باللي الله يقدرج عليه ..

وان شاء الله بإذن الله بتقدرين توصلين لهدفج ..

ادري طولت عليج فالرد بس حبيت اكتب كل اللي مر على بالي ..

اتمنى اكون قلت شي مفيد ^_^
كتبت : القانته
-
املئي وقت فراغك وروحي اخصائيه بتعطيكي رجيم يناسبك وان شاء الله خير
كتبت : ^مون^
-
السلام عليكم حبيبتي
اول شي لاتسدينها بوجهك خلي ثقتك بنفسك كبيره ودشي اقري بتجارب الريجيم الناجحه وراح يزيد حماسك وتتشجعين وتعرفين مافي شي مستحيل
وشوفي التمارين اللي للزنود >>>عندي نفس مشكلتك بس الحمدلله مع انه وزني مانزل واااايد للحين في بداية الطريق بس غير ان الكل ملاحظ تغير جسمي انا ملابسي صايره علي غير في تمارين للزنود اقري واستفيدي وبكذا ماراح يكون لج وقت فراغ بالعكس بستفيدين وتقوى عزيمتك اكثر
وربي يوفقك للي فيه الخير
كتبت : الكيكه
-
تعالي خيتو بقولج شي


اول شي لازم تثقين بنفسج وانج قويه وتتحملين الرجيم والرياضه

ثاني شي حطي في بالج انه الرجيم والرياضه متعه مو هم وتعب

ثالث شي ابدي بتخفيف الاكل وبعدين اختاريلج نظام حلو وتحسين انه ينزل وزنج وجربي

ما نزل من هذا النظام لا تياسين وتقولين خلاص مافي فايده لا يا حبوبه لازم تشدين حيلج وتختارين نظام ثاني ينزلج

والله الله بالرياضه والمشي

واهتمي برياضة الزنود وركزي عليهم

http://www.rjeem.com/forum/t76516.html هذا رابط في رياضه حلوه

وصدقيني انتي لا تشيلين همهم واهم بيضعفون

ولا تركزين على ضعف مناطق معينه من جسمج

قولي انا ابي جسمي كله يضعف وصدقيني مع الدايت بيضعف كله ولا تشيلين هم

وشدي حيلج وابدي بالدايت والرياضه



وادعيلي اوصل لوزني المثالي ..

التالي
السابق