الأمومة..سعادة و تعب...أنا تعبانة

السلام عليكم و رحمة الله و بركاته اهلا بيكن جميعا دي اول مشاركة ليه في المنتدى الجميل ده بس انا بتابعه من زمان و حبيت اشترك معاكوا و بداية اشتراكي...

مجتمع رجيم / مسجات الجوال
أم أنس2009
اخر تحديث
الأمومة..سعادة و تعب...أنا تعبانة

السلام عليكم و رحمة الله و بركاته

اهلا بيكن جميعا

دي اول مشاركة ليه في المنتدى الجميل ده بس انا بتابعه من زمان و حبيت اشترك معاكوا
و بداية اشتراكي حتكون ان شاء الله بموضوع شاغلني و تاعبني كتير الايام دي...


انا اتجوزت من سنة و نصف تقريبا و الحمد لله ربنا رزقني بابني أنس عنده دلوقي 9 شهور

المشكلة يا بنات اني كنت قبل الجواز مدلعة و مش بعمل حاجة فالبيت تقريبا غير اني اطبخ و حتى بدأت اطبخ لما خلصت كلية و علشان كانت امي بتشتغل كان لازم اساعدها بالذات اني مشتغلتش

بعد الجواز محستش بالفرق اوي يعني اللي ميتعملش النهاردة يتعمل بكرة و ماما ساعات تعملي اكل ...

المشكلة ظهرت بعد ولادة أنس ...أنا عمري متعودت على كمية الشغل دي كلها و التعب ده كله كل يوم مع عدم امكانية التأجيل...من أول تغيير الحفاضات لحد وجع الايدين و الظهر من كتر الشيل بالذات انه بيعيط كتير و بعتقد ان ده بسبب انه اول حفيد من ناحيتي و من ناحية زوجي فمدلع شوية...

طبعا دا زائد الدش كل يوم علشان الحر و عمايل الاكلات اللي ممكن بعد التعب فيها تترمي و الاكل اللي بيوقعه على الارض و يمسح بيه فمه و شعره و عينيه و ملابسه... و كمان لحد دلوقتي بيصحى اربع او خمس مرات بالليل عايز يرضع فمش بنام اكتر من ثلاث ساعات متواصلة و دي حاجة قربت تعملي انهيار بالذات اني جربت كل الطرق انه ينام طول الليل منغير ما يصحى و معرفتش

وكمان لازم اعمل الاكل و ارتب البيت و اتزين و اخد بالي من اكلي و جسمي علشان زوجي ميحسش انه اتجوز فيل

كمان مامتي و حماتي بيشتغلوا يعني مفيش حد يساعدني تقريبا

طبعا بعد كل ده معنديش اي وقت لنفسي ... حتى لو عايزة اشرب كوب شاي و لا اعد شوية استريح على الكرسي... لانه طبعا لما ينام انا بروح جري انام و لو منمتش (زي دلوقتي كده هو نايم و انا مش نايمة) بيطلع التعب عليه بعد كده

فكرت اجيب خادمة بس لقيت مينفعش... اولا ماديا حتبقى حاجة مرهقة جدا... ثانيا بسمع مصائب بتعملها الخادمات مع الاطفال... ثالثا انا مستحملش وجود حد غريب فالبيت 24 ساعة يسمع كلامنا و يعرف اسرارنا...

انا فعلا يا بنات مش قصدي اشتكي و عارفة ان الاطفال نعمة و ان احنا في عافية من حاجات تانية كتير و ان ده حال كل الامهات بس انا حاسه اني بدأت اكتئب و ان ده ممكن يأثر على أنس و على زوجي و بدأت اصرخ ساعات في أنس لما يبكي كتير مع انه مش بيبقى فاهم انا ليه بصرخ فيه و بدأت ميبقاش ليه نفس للأكل ... مع اني بحاول احتسب اني بعمل كل ده لله و اني احفظ الامانة و اربي ذرية صالحة بس في أيام بكون خلاص تعبت و عايزة حد يساعدني و بعد ساعات ابكي كتير و ساعات ارضع أنس و انا ببكي مع اني سمعت ان ده غلط

عايزاكوا يا بنات تشاركوني و لو في واحدة مرت بالمرحلة دي تقوللي قدرت تتخطاها ازاي و ترجع لحياتها من تاني
سحر هنو
اهلا بيكى ياغالية

نورتينا وشرفتينا بقدومك

وقلبى معك ياغالية

وبس حبة اقوللك تحملى فما اجملها متعة الامومة

فعندما تكبر ابنتك بارك الله لك فيها

ستتمنى هذة الايام ترجع وهى صغيرة

وتحمليها بين يديك وستفتقدى كل شئ تفعلينة اليوم

تحاملى فالامومة ليست سهلة وهى نعمة احمدى ربك عليها

ومع الوقت ستتعودى على هذا المجهود كل ما فى الامر انك محتاجة

تنظمى وقتك قدر المستطاع وتقسمى شغل البيت على مراحل حتى لا تجهدى

وححدى الاهم ثم المهم ولا تشعرى نفسك
بان كل شئ لابد ان يكون على اكمل وجة

فهذة فترة قصيرة وستكبر ابنتك يوما عن يوم
وان شاء الله ربنا ييسر لك امرك

الله يعينك ويمتعك بالصحة والعافية

ويخليلك بنتك ويحفظها لك من كل شر
أم أنس2009
السلام عليكم و رحمة الله و بركاته

حبيبتي بنت اسكندرية

سعيدة لردك فانا احب مواضيعك و مشاركاتك جدا
انا اعرف انها فترة صغيرة و ان اول ما أنس يكبر شوية ان شاء الله حشتاق للحمل و الاولاد تاني بس هو عدم التعود على المجهود اللي تعبني و ان شاء الله احاول انظم وقتي

و انا انصح كل ام عندها بنت انها تعودها على شغل البيت و تحمل المسئولية من صغرها علشان متتعبش لما تتجوز ان شاء الله

و جزاكي الله خيرا اختي في الله
♥♥♥..تـرتيـل ..♥♥♥
منورة ام انس هلا وغلا شرفتينا ياغاليه
والله يحميها بنت الاسكندريه كفت ووفت ربي يعطيها العافيه
موفقه حبيبتي
أم أنس2009
جزاكي الله خيرا اختي غنوة على مرورك
بسمه امل
جزاكم الله خيرا جميعا

التالي
السابق