ينفع دردشة لمريضات السرطان ؟؟

وعليكم السلام ورحمة الله وبركاته
الحمدالله ان الله شفاج ويارب ماتشوفين شر ابد ولا في احد من اهلج بعد

انا بصراحة ماصادني المرض ولله الحمد والله يبعده عنا .... امين
بس خالتي صادها وكانت وايد جريبة مني وااايد احبها مثل امي(الله يطول في عمرها ويحفظها)
خالتي طلعت لها غده في الابط راحت فحصت قالو لها مافي شي كانو مخربطين في النتائج
يعني كان فيها بس المستشفى اغلطوا بالتشخيص
مرت سنة تغير شكل صدرها ويوم فحصت الا انتشر شوي
استأصلو الصدر بس كان خلاص منتشر عانت تقريبا 4 سنوات بين علاج وسفر وشفاء مؤقت ويرد يرجع المرض اللعين وقصة طويلة يعني
تغير شكلها كانت ملكة جمال والله حتى ياهه المرض من العين الحسودة ... طاح شعرها وكانت متاثرة ان ماعندها صدر واهية مب متزوجة يعني بس كانت دايما تحاول جدامنا ان تكون قوية وماتضعف
اهية كانت منفصلة وتعذبت بدون مايواسيها احد حتى احنا صج كنا معاها بس انا متاكدة ان كانت تحس بالوحدة ومايابت عيال مسكينة لان اهية يوم كانت صغيرة صادها المرض في الغده الدرقية (نشاط) طول حياتها واهية تعاني مسكينة
بس تالي ارتاحت... راحت للرحمن ( يارب ارحمها وان شاءالله تكون من اهل الفردوس الاعلى)
يوم توفت تقطع قلبي والله حسيت شي فيني تغير ولايمكن ارجع نفس قبل
شي انفقد راح ضاع مادري شنو اهوه
صرت مااحب الدنيا نفس قبل


وانا لليوم اخاف من هالمرض
اهوه وراثي بعائلتنا
انا مااخاف على نفسي
اخاف على امي وخواتي الله يحفظهم انا قلعتي والله
يارب احفظهم
وان شاءالله الي تشافو من هالمرض مايرجع لهم مرة ثانية ابد

السموحة اذا طولت عليج