السلام عليكم ورحمة الله وبركاته
احب اقولكم عن تجربتي
كان وزني 46 قبل الزواج وبعد الزواج بديت اسمن بدون ما اهتم
وبعد سنتين بديت احس ان زوجي بدا يتضايق من وزني لأني وصلت 77 وطولي 157
كان شكلي غلط والحمدلله
وقررت ابتدي رجيم ورياضه
كان نظامي تقريباً تخفيف او اقل شوي
والله العظيم كان وزني 77 وصلت وزني الى 48 خمس سنين جلست محافظه على وزني
فترات اكل كل شي وفترات ما افكر بالأكل بس كنت يومياً اسوي رياضه وجسمي مايتغير بالعكس مشدود
وبعد خمس سنين جاتني حاله نفسيه وتدهورت صحتي بسبب المرض
وصرت اخاف من شي اسمه رجيم ورياضه وادوية الحاله النفسيه دمرتني اكثر
الحمدلله على كل حال
ورجعت اسمن كل شهر اسمن اكثر
وتحسنت صحتي شوي بفضل الله ورجعت اتبع الرجيمات واضعف كثييييييييييييير
وللأسف بس اشوف نفسي ضعفت واروح اعوض كل شي اكل بشراهه وارجع
والحين لي شهرين مع الدكتور محمد الجزار وضعفت كان 92 وصار وزني الحين 70
وبديت اخرب الدنيا وان شاءالله ارجع للرجيم
هذي تجربتي مع الرجيم
يابنات اهم شي الإراده تجي فرته ارادتي تهد جبال وفتره تحت الصفر
والله من اضعف شكلي يصير احلى واصغر
ترى يابنات السمنه تشوه اشكالنا ونبين اكبر من اعمارنا وننحرم من الصحه الحلوه
ومن البس الكشخه وتجريح اللي حولنا
وسلامتكم