أرشيف رجيم تنقل إليها المواضيع المكررة و التي ليس لها فائدة في المنتدى...

ما عاكستهاش ليه ؟؟

موضوع مغلق
الصورة الرمزية نور الإيمان
نور الإيمان
رحيق الوردات مشرفة سابقة لها عبير الورد
قديم 06-15-2010, 02:02 PM
#1
ما عاكستهاش ليه ؟؟ mm8p5kjcy4b1mrlx6z0u




واحد راح يبات هوا و المدام فى الهيلتون ليلة

تانى يوم الصبح بيطلب من موظف الاستقبال الحساب و دار بينهم هذا الحوار :

الرجل : الحساب كام من فضلك ؟


الموظف : 1000 جنيه بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة

دى كانت ليلة واحدة يا محترم

الموظف : أجرة المبيت فى الليلة بـ 400 جنيه

الرجل : طب و الـ 600 جنيه الباقيين ليه بقى إن شاء الله ؟؟

الموظف : عندك 100 جنيه أجرة الموظفين اللى بيشيلوا الشنط

سيادتك لما نزلت من التاكسى مش كان فيه شيالين بيشيلوا الشنظ منتظرينك ؟

الرجل : أما غريبة و الله ... بس أنا شيلت الشنطة بنفسى و ماحدش شالهالى

الموظف : ماهو كانوا موجودين قدام سعادتك .. ما ناديتش عليهم يشيلولك الشنطة ليه ؟؟

الموظف مستطرداً... هاكمل لحضرتك باقى المبلغ

عندك 50 جنيه إستعمال سجاجيد! السجادة اللى من غرفة حضرتك للمطعم

الرجل : أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة

الموظف : ماهى السجادة كانت عند سعادتك .. ما مشيتش عليها ليه ؟؟

الموظف : و عندك 200 جنيه إستخدام حمام السباحة

الرجل : بس احن ا ما نزلناش عومنا فى الحمام خالص .. هوا احنا وش عوم و مايوهات

الموظف : حضرتك حمام السباحة كان قدام سعادتك ما نزلتوش عومتوا ليه ؟؟

الموظف : و عندك 100 جنيه إستعمال التليفزيون و قنوات الدش و الريسيفر فى الأوضة

الرجل : دش ايه اللى انت جاى تقول عليه !

احنا ما شغلناش امبارح غير القناة الأولى و التانية .. هوا كان فيه دش !!

الموظف : قنوات الدش كلها كانت عند سعادتك ما اتفرجتش عليها ليه ؟

الموظف : و عندك 150 جنيه إستعمال سخان الميه اللى بالكهربا فى الأوضة

الرجل : الدنيا كانت حر أصلاً و ما أستعملناش السخان فى حاجة

الموظف : مالناش دعوة .. السخان كان عند سعادتك ما إستعملتوش ليه ؟؟

الرجل : أما شيىء سخيف أوى

انتظر الرجل لـلحظات ثم أخرج له 400 جنيه فقط

الموظف : دول 400 جنيه بس

الرجل : الـ 600 جنيه الباقية حق معاكسة المدام بتاعتى

الموظف : ايه الكلام الفارغ ده ... حضرتك عاوز تجيبلى مصيبة

هوا أنا عاكست المدام بتاعتك خالص و لا جيت جنبها !!

الرجل : ماكانت قدامك امبارح ما عاكستهاش ليه ؟؟
الصورة الرمزية *دعاء الكروان*
*دعاء الكروان*
رحيق الوردات مشرفة سابقة لها عبير الورد
قديم 06-15-2010, 02:34 PM
#2
للاسف الموضوع مكرر
الصورة الرمزية SAMA2010
SAMA2010
وردة مبدعة
قديم 06-15-2010, 02:35 PM
#3
يسرنى انى اكون اول واحده مشاركه على الموضوع

ههههههههه موضوع نكته سلمت الايادى يا نور الإيمان
الصورة الرمزية البرنسيسة نونى
البرنسيسة نونى
♥وردة ذهبية♥
احب موقع رجيم
قديم 06-15-2010, 06:48 PM
#4
هههههههههههههههه تسلمى اختى

العلامات المرجعية

ما عاكستهاش ليه ؟؟


« وصفات طبيعيه لتبييض الوجه واليدين اسماء المشاركات في مجموعة المشي والاوربت تراك لشهر ابريل »

أدوات الموضوع
انواع عرض الموضوع


الساعة معتمدة بتوقيت جرينتش الساعة الآن 01:31 AM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
System exit pages by mr.AmRaLaA
منتدى رجيم منتدى مستقل