بتحبي زوجك ... طيب تعالي ندردش شوية
مجتمع رجيم / مقهى وردات رجيم
كتبت :
كلمة صدق
-
class="quote">اقتباس : المشاركة التي أضيفت بواسطة احلي ماما:
كلمة صدق
انا في ابوظبي
وزي ماقلتي هنا احسن من مصر بكتير
وكل ما ازيد في نغمة انا مش بشوفك انا مش بقعد معاك
انا زهقت من القعده هنا بين اربع حيطان
ينزلني اجازه لوحدي مصر شهر ولا شهر ونص
وبصراحه انا مش بحب نزولات الاجازه اللي ببقه فيها لوحدي من غيره
اعصابي بتتعب ودمي بينحرق من كل حاجه
من الاولاد اللي مبيبطلوش مرض ومرواح للدكاتره
ولا من بيت العيله وكل واحده بكلمه وسلايفي وما ادراكي ما السلايف
(انت تخنتي الاجازه دي كده ليه؟)
(انت هتفضلي قاعده كده من غير شغل ياخسارة التعليم)
انت وانت وانت لما بطق
علشان كده بقيت الم الدور واكتم في قلبي ومقلش حاجه
الا بقه لو كلمه خرجت مني غصب عني
خصوصا يوم الاجازه الوحيد في الاسبوع (الجمعه) اللي جوزي بيقضيه نايم من اول النهار لاخره علشان تعبان طول الاسبوع
ياناس هو الزوجه والاولاد ملهمش حق علي الزوج ولا ايه؟؟؟؟
كلمة صدق
انا في ابوظبي
وزي ماقلتي هنا احسن من مصر بكتير
وكل ما ازيد في نغمة انا مش بشوفك انا مش بقعد معاك
انا زهقت من القعده هنا بين اربع حيطان
ينزلني اجازه لوحدي مصر شهر ولا شهر ونص
وبصراحه انا مش بحب نزولات الاجازه اللي ببقه فيها لوحدي من غيره
اعصابي بتتعب ودمي بينحرق من كل حاجه
من الاولاد اللي مبيبطلوش مرض ومرواح للدكاتره
ولا من بيت العيله وكل واحده بكلمه وسلايفي وما ادراكي ما السلايف
(انت تخنتي الاجازه دي كده ليه؟)
(انت هتفضلي قاعده كده من غير شغل ياخسارة التعليم)
انت وانت وانت لما بطق
علشان كده بقيت الم الدور واكتم في قلبي ومقلش حاجه
الا بقه لو كلمه خرجت مني غصب عني
خصوصا يوم الاجازه الوحيد في الاسبوع (الجمعه) اللي جوزي بيقضيه نايم من اول النهار لاخره علشان تعبان طول الاسبوع
ياناس هو الزوجه والاولاد ملهمش حق علي الزوج ولا ايه؟؟؟؟
فعلا والله اسوء حاجة انك تنزلي الاجازة لوحدك
انا جربتها السنة اللي فاتت بس كان غصب عني لاني كنت حامل ومعايا رقيه كنت 8 شهور وخفت اولد هنا لوحدي عشان خاطرها وكمان بابا الله يرحمه تعب فنزلت عشان اشوفه . بجد كانت اسوء 6 شهور في حياتي ... مسئولية على كتفاك .. ومضطرة لمجاملة اهله ولازم اروح اقعد عندهم كل فترة ... انا بحبهم وهم كويسيين معايا بس طبعا الاحتكاك المباشر وفي غير وجوده بيعمل مشاكل
انا الحمد لله ماليش غير سلفة واحدة بس وموجودة هنا مع جوزها برضه بس عارفة يا حبيبتي السلايف وعمايلهم .. فيه مثل بيقول مركب الضراير قامت ومركب السلايف غارت هههههههههه
لما واحدة من سلايفك بقى تحرق دمك
(انت تخنتي كده ليه ) .. قولي لها زي كريمة مختار في فيلم الحفيد هههههههههه .. فيه ناس مطرح ما يسري يمري وفيه ناس زي القطط تاكل وتنسى ههههههههههه
(انت هتفضلي قادة من غير شغل ) .. قولي لها وانت مين اللي قالك انك كنت بتعلم عشان اشتغل .. انا كنت بتعلم عشان اعرف اربي ولادي صح ..
انا عن نفسي كنت بشتغل قبل الجواز من باب التسلية وتضييع الوقت
والله يا بنتي الرجالة كلهم واحد جوزي برضه يصحى يوم الجمعة على صلاة الضهر ينزل يصلي ويرجع يفطر ويشرب الشاي ويصلي العصر وبعدين يدخل ينام لغاية العشا .. ولو قعدت اصحي فيه عشان يقوم يصلي المغرب ولا حياة لمن تنادي ههههههههههههه وبعد ما يصحى يقولي انت عاملة ازعاج ليه اقوله عشان تقوم تصلي .. وبعدين ايه النوم ده كله .. يقولي قري بقى هو انابنام طول الاسبوع اصلا .. مع العلم بيدخل ينام الساعة 12 ويصحى الساعة 8 ونص ههههههههههههههه وانا الغلبانة ممكن افضل صاحية للساعة 3 الفجر واصحى الساعة 9 الصبح
