هام جدا رد على موضوع (هل يوجد فرق بين عقلية الطفل الرضيع وعقلية الرجل)

صباح الخير على أجمل منتدى اخباركوا ايه ؟
وحشتووونى
ندخل فى الموضوع ينفع ياجماعة احنا الستات المغلوب على امرنا المقهورات يوم مانتكلم ونقول رأينا فى الرجالة مرة فى

حياتنا رغم اننا اديناهم حقهم وقولنا اننا فينا عيوب وتواضعنا(انا مش عارفة باتكلم بالجمع ليه) واكتب موضوعى (http://www.rjeem.com/forum/t81228.html)
ارى هذا الهجوم من قبل كل الرجاله اللى فى العائلة ,مع العلم انا مخليتهومش يقرؤه هما اللى الفضول خادهم

وآل ايه مكملوش قرائة الموضوع عشان واثقين فى نفسهم ومش هاممهم رأى الستات فيهم (الناقصين عقل ودين) وفى الأخر


الاقى هجوم من الرجالة كل واحد باعتلى موضوع على الميل بتاعى بيرد على الستات وبيبرر تصرفاتهم دا طبعا معناه انهم


اتحرقوا من الموضوع وهاممهم جدا لدرجة انهم بيدافعوا عن نفسهم ما علينا المهم انا حبين انزل موضوع من اللى اتبعاتلى

النهاردة عشان تشوفوا بيدافعوا عن نفسهم ازاى؟؟



اعترافات مدير مصري ذو خبرة طويلة




مراتك......ولا......شغلك !!!!!!!!!!!!!!!!




(الجواب تحت)


كل نساء العالم يتهمن أزواجهم بأنهم بيحبو الشغل أكثر منهم


وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:




أولا .........الشغل بيصرف عليّ .... بس أنا اللي أصرف عليها!!!






ثانيا........في الشغل ممكن تزعق براحتك و زعيقك يجيب نتيجة...


مع مراتك صعب انك تزعق براحتك ومهما زعقت مش هيجيب نتيجة ...




ثالثا ..! ......ممكن تزوغ من الشغل في أي وقت من غير ماحد ياخد باله أو حد من الزملاء يغطيك


أنما تزوغ من مراتك .. هيهات ..أنسى …..




رابعا ........في الشغل عندك مدير ممكن ترضيه لو اشتغلت كويس ....


إنما مراتك لو عملت قرد .. حمار .. أي حاجة مش ممكن ترضيها !!!





خامسا.......في الشغل من حقك تاخد أجازه...عندك عارض ! واعتيادي


دا غير يوم الجمعة....والعطلات الرسمية.....بصراحة الشغل خفيف ع القلب.....


أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!




سادسا ........في الشغل ممكن تترقى و تاخد منصب بيه.....وباشا كمان ويبقى لك مكتب لوحدك ..... و مراسل.....و سكرتيره

خاصة …. والكل يضرب لك تعظيم سلام.... في ا لبيت حتعيش زوج وتموت زوج...... واللقب الوحيد اللي ممكن تاخ ده لما تنادى

عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه

سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط

في بقك كوتش وتفكر مليون مره.....في المحاكم والمؤخر و النفقة.. والعيال


ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....


أما مراتك لو سبتها قبل ما تموت... أنت اللي حتدفع مكافأة ومؤخر ونفقه......وشقه كمان....... وتتحبس لو ما دفعتش





تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.....! ....





عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين






في النهاية ... بتحب مين أكتر...مراتك ولا شغلك ؟؟






أكيد مراتك ...





أحسن يوقع الايميل دة في ايدها ... تبقى مصيبة


طبعا انا هاسيبكوا انتو اللى تعلقوا بس عندى تعليق (ان شاء الله)صغيور جدا

لو تخيلت ان مراتك بتكتفك (رغم ان الممنوع مرغوب) طيب ليه متتخيلش ان صحبك بيكتفك هو كمان؟؟؟

مش انت بتقابله كل يوم وبتديله حقوقه بالكامل يعنى لو تعبان ومخنوق تسمعه وتحلله مشاكله وتشغل دماغك بيها

ولو عاوزك فى مشوار تفضى نفسك فى ثانية

ولو عاوز فلوس (سبحان الله) تبقى غنى فجأة وتديله

يبقى ليه التفرقة؟؟؟؟

ماطولش عليكوا اسيبكوا تقرأه بتمعن

مع السلامة

حبيبتي ولا احلى الرجالة كده......بيشوفوا عيوبنا وعميان عن عيوبهم
وللمدير انا حعلق بكلمة وحدة ......انت خايف من مراتك...بس المفروض انك تخاف الله وتراعي ربك فيها
انت كل اللي ذكرته ممكن يكون صح...بس من وجهة نظر شخص بيشوف الناحية السلبية في مراته
شوف حسناتها.....حتلاقيهم اكتر

شكرا حبيبة قلبي ولا يهمك اللي يهاجمك.......الدليل ان موضوعك صح كتير بنات وافقوك عليه
موفقة ولا احلى وتقبلي مروري