رددوا يابنــات بالعرض بالطوووووووول ان شاءلله نلبس سموووووووول * تجمعنا الثاني *

الفطور:2بيض مسلوق مع شاي
الغداء:دجاج مشوي مع سلطة
العشا:2بيض مسلوق مع نسكافيهـ

الرياضة: 40 دقيقة مشي وحركات شد البطن التحت واللي فوق 100 مره

ويلا شدوا الهمة نبغى رقم حلو في نهاية الشهر

مساء الخير جميعا
هلا لولي استمري بحماااااااااسك
بصراحة محتارة اي رجيم اسوي يؤيؤيؤيؤيؤيؤ تخيلو اليوم بس اكلت 6 تمرات كيوم مفتوح رديت كيلو
اهئ شسووووووووووي الحين
بكرة راح ابدأ بداية جديه بس وعارفة بأي رجيم الرجيمات القاسية ترجع الوزن بسرعة ومن اقل شيء
بسومة صارت مشكلتنا وحدة شنسوي
الحين بروح ادور ع رجيم معتدل وارد لكم

وووووووووووووووووووينكم بنات
سارونة وهيونة وسوسو متى بترجعو

خلاص قررت قرار لارجعة فية راح ارد لرجيم فدفد بسومة وياي؟؟؟؟ انا عن نفسي نزلت علية 7 كيلو
وخلاص باءذن الله راح اثبت علية مليت والله من الرجيمات القاسية

السلاااااااااااااااام عليكم يا حملة سمووووووووووول


اول شي حبيت اقولكم اني قريت كل ردودكم نوال ولولي وشوشو

واشكركم على ردكم واشكرج شوشو على النظام الي حطيتيه


بس خيتو بقولج شي انا عادي اسوي الرجيم القاسي ورجيم التمر اهو 21 تمره بس انا اكل 9 تمرات او 10 بس ويعتبر قاسي
بس انا اخاف اسوي الرجيم الي حطيتيه واقعد اخبص

شوفي خيتو انا بستمر على رجيم التمر سبووع يعني لي الاحد الجاي وبشوف اذا نزلني واوكي بستمر عليه اذا ما نزل وزني بغيره واسوي الي انتي حطيتيه ...... حلو؟

ورجيم فادي حلو والله وانا نزل وزني عليه اول سبوع بس ثاني سبوع ثبت وزني
ورجيم فادي قريب من رجيم غلا الاشواق فيه بيض وانا ما احب اكل البيض

احس انه علاج واكله غصب الله يزيد النعمه ...

انا قررت يا بنات اني اكمل رجيم التمر لانه الرجيم الوحيد الي نزلني اول بدايه بكمل عليه لمدة سبوع واشوف


وان شاءالله ينزلون اوزانا

وشوشو الكيلو الي رجع تنزلينه بيوم واحد لانه بطنج منتفخه لانج اكلتي
وعادي والله بتنزلينه لا تتضايقين انا قبل في اليوم لفري ارجع كيلوين ومن ثاني يوم انزلهم


وانا اليوم الحمدالله احس النفسيه احسن
العصر اكلت 6 تمرات وكوب لبن

بس في الليل سويت لاهلي فطاير وامدحوها حيل وقالو حلوه اخذت حبه منها وذقتها بس عاقبت نفسي وزدت وقت الرياضه وما اكلت وجبة العشى <<< عشان ما اخبص ثاني مره

واليوم خالتي اعزمتنا على العشى بس ما رحت خفت اخبص وايد لانه خالتي اكلها ينسي الواحد الرجيم لوووول قلت اقعد في بيتنا احسن ..

بس المشكله باجر خالي عازمنا وكلمني وقالي لازم تجين ..

الله يعين بس ان شاءالله ما اخبص ..


=====

واليوم سويت رياضه ونوعت فيها لاني اشتركت في يوميات موجوده بقسم الرياضه عشان يصير تحدي والتزم بالرياضه ..


شكلي وايد سولفت عليكم لوووووول


وان شاءالله اكمل رجيم التمر ..