مجتمع رجيمالنقاش العام

حياتنا فى غربتنا

[center]السلام عليكم ورحمة الله وبركاته [/center]

فى البداية احب اهنيكم واشكركم جميعا على هذا المنتدى الرائع فعلا افادنى فى موضوعات كثيرة ولانى عضوه جديدة حبيت اشارك معكم فى النقاش عن موضوع


الغربه وما فيها من سيئات وحسنات


انا طرحت هذا الموضوع لانى اولا مغتربه ثانيا لانى لاحظت وجود مغتربات كثر بالمنتدى وحبيت ان الكل يستفيد من تجربة الاخر ولانى رأيت نماذج من الناس كله بيتأثر بطريقة مختلفة


وهيكون بعد اذنكم لى البداية

بالنسبة الى طبعا فى البداية كان الموضوع صعب وكنت شايفه كل حاجه سلبية وكانت الايام بتعدى عليه كانها حجر على صدرى وكنت بتمنى اليوم الى ارجع فيه بلدى واكيد ده كان حالنا كلنا لان ده طبيعى لاننا بشر

لكن مع الوقت وشويه شويه حاولت افهم واقنع نفسى ان ده هو الوضوع الحالى ولابد من التأقلم عليه ومافيش حل تانى
ومع مرور الايام ( بصراحة كتير اوى ) اكتشفت ان فى حاجات ايجابية كثير اولها الغربه بتخليكى تقربى اكثر من زوجك لانك معه طول الوقت حتى لو كان بيشتغل طول النهار لكن بعيد عن اهلك واهله الى احيانا كثير بيكونوا سبب للمشاكل حتى ولو كان مش قصدهم وبتقدرى تشوفتى فيه الصفات الحقيقية مش الى مبنيه على رودود افعال لانه واضح وبعيد عن اى مؤثرات خارجية وبتنظرى لمشاكلكم السابقه بنظره موضوعيه اكثر لانك بعيد عنها وبالتالى بيكون عندك مساحه انك تفهميه وتحاولى تغيرى من الحاجات الى كانت بتضيقك فى علاقتكوا مع بعض

ثانى حاجه انك فى غربتك بتتعرفى على كل ما هو جديد فى طبائع اهل البلد الى عايشه فيها وبتشوفى نماذج من الناس مختلفين عنك فى عاداتهم تقدرى تخدى منهم الشئ الكويس وده اكيد اضافه لحياتك

اما الحاجات الصعبه فعلا الى مهما طال الوقت بى مش هنساها ان الغربه بتبعد اوى عن الاهل ومشاركتهم اللحظات الحلوه واللحظات الحزينه وافتقاد الغالين عليكى حتى بدون وداع

لكن اكيد كل خطوه مكتوبة عند الله وكل تجربه لها حسناتها وسيئاتها

واسفه للاطالة وياريت كل واحده تفيدنا من تجربتها مع الغربه وايه اكثر المواقف الحلوه والصعبه الى مرت عليها
حبيبتي الغربة صعبة ومرة
بس .....لازم نتالم حتى الحياة تمشي

كمان فيك تقولي من الايجابيات انك بتربي اولادك على رايك بس...من غير اي تدخل
وكمان الامر السلبي انهم بيكبروا بعيد عن الاهل

الله يعينا......ويهون علينا غربتنا
شكرا حبيبتي الك
فى حاجات ايجابية كثير

اولها الغربه بتخليكى تقربى اكثر من زوجك لانك معه طول الوقت

حتى لو كان بيشتغل طول النهار لكن بعيد عن اهلك واهله الى احيانا كثير بيكونوا سبب للمشاكل

حتى ولو كان مش قصدهم

ياسلام اجمل كلمة قولتيها

ده اكثر شئ بيخوفني عندما نستقر في مصر

شكرا ياقمر ع الموضوع الشيق
طرح رائع عزيزتي
الله يهون عليك غربتك بحب زوجك واولادك
كمان فيك تقولي من الايجابيات انك بتربي اولادك على رايك بس...من غير اي تدخل
وكمان الامر السلبي انهم بيكبروا بعيد عن الاهل


عندك حق فعلا وشكرا يا فطومه على مرورك وربنا يهون علينا جميعا

يالا يا بنات فين ارائكم
ااااه واااه من الغربه
بس كلامك صحيح ان فيها ايجابيات وسلبيات
الايجابيات زي ما اتفضلتوا انك بتقربي اكتر من زوجك واولادك يعني بتكون علاقتكم اقوى كااسره اكتر من لو عشتوا في بلدكم لانكم في الغربه مالكم الابعض وفعلا عدم تدخل الاهل في حياتكم .
اما السلبيات فهي الوحده طبعا وانك بتكوني بعيده عن تفاصيل حياة الاهل في الاحزان والافراح .وانك بتكوني بعيده كل البعد عن التطور اللي بيحصل لبلدك وللناس اللي عايشه فيه .
ربنا يرد غربتنا على خير .
كلمات ذات علاقة
حياتنا , غربتنا , في