اهلا حبيبتى فطمومه
ربنا يبارك فيك حبيبتى ويحفظك
وانا كمان بحبك فى الله
بصى المسابقه انتى رتبتيها كويس جدا بس فيه نقطه رندوده لفتت نظرى ليها
دلوقتى ممكن اكثر من واحده تعمل الحاجت دى
او مثلا تعمل حاجات وتسيب حاجات
احسن حاجه انك تكونى اكثر تحديدا للنقاط علشان ما تظلميش حد فى تقيمك وهم كمان يكونوا فاهمين ايه المطلوب منهم تحديدا
يعنى مثلا
للفوز فى هذه المسابقه يجب على المشتركه القيام بالتالى
1- الاستيقاظ مبكرا لا تتجاوز الساعه 10
2- تنظيف المنزل كاملا يوميا وترتيبه
3 - عمل الاكل فى البيت وعدم الاعتماد على الوجبات الجاهزه
4 - الاهتمام والعنياه بنفسك قبل مجيىء زوجك ( اخذ شاور , لبس ملابس مناسبه , تجميل نفسك بما تريه مناسب لك)
5 - الاهتمام بالاولاد والحرص على نظافتهم الشخصيه
6 - أدآء الخمس فروض اليوميه , تلاوه وردك اليومى من القرآن , الحرص على أذكار الصباح والمساء وأذكار ما بعد الصلاه , صيام الاثنين والخميس
7 - فى نهايه كل اسبوع يجب ان تقومى بتنظيف المنزل تنظيف جيدا من مسح الارضيات وتلميع الزجاج والاخشاب وتنظيف المطبخ والحمام تنظيف جيدا
كده حبيبتى حتكونى لميتى كل الى انتى عايزاه فى نقاط
واعتقد انها حتكون يوميات كل واحده فى نهايه اليوم تدخل تكتب لك عملت ايه النهارده
وبعد كده تقدرى انتى تقيمى الملتزمه اكثر , لان صعب جدا كل واحده بعد اسبوعين تدخل تقولك عملت ايه لانها حتكون نسيت وغفلت تفاصيل كتير
كمان ممكن تزودى عدد المشتركات لان 5 قليلن جدا والمنتدى ما شاء الله عضواته كتير
والاوسمه ممكن تكون وسام للفائزه الاولى ووسام للمتميزات الى اشتركوا فى المسابقه ولم يفوزوا