برياني باكستاني على اصوله<<<حياكم

جبتلكم اليوم اكلة باكستانية مشهورة
على مستوى الخليج ( البرياني )


نبدى بسم الله بالمقادير
1 دجاجة مقطعة 10 اجزاء ويفضل بدون جلد
4 ملاعق زبادي
ملعقتين معجون طماطم
بصل وثوم مفرومين
1 بطاطسة كبيرة
او 2 متوسطة مقطعة مثل ماهو واضح بالصورة
رز بشاوري
بهارات البرياني اللي واضحة بالصورة في انواع كثيرة النوع اكثر نوع
طعمة لذيذواضح بالصورة مانحط العلبة كاملة انا في الطبخة احط
تقريبا 4 ملاعق اكل



اول شي نحمس البصل والثوم بزيت زيتون الين مايذبل البصل مو يتحمر
وبعدين نضيف الدجاج ونقلبة الين مايتغير لونة تقريبا 15 دقيقة
وبعدين نضيف البطاطس ونستمر بالتقليب ونضيف الزبادي ومعجون الطماطم والبهارات والملح ونستمر بالتقليب الين ماتلاحظي ان الدجاج
استوى وباقي فية شوي مرق



وتكوني وقتها سالقة بقدر ثاني الرز مع ملح وحبتين عويدي وحبة قرفة مو استوى كامل تقريبا ثلاثة ارباع الاستواء
وبعدين نحط الرز على الدجاج ونحط شوي صفار زعفران بماي ونحطة على وجة الرز ونغطي القدر الين ماتحسي ان الرز تشرب المرقة اللي باقية من الدجاج
ونجيب طبق التقديم ونقلبة زي المقلوبة



لما نقلبة بنلاحظ تدرجات الالوان الدجاج لونة مايل للاحمرار والرز الابيض واخر شي الرزالاصفر ويزين بالكزبرة المفرومة
ويقدم مع سلطة زبادي


وبالهنا والعافية على قلوبكم مقدما

تسلم ايدك حبيبه اكله روعه