الخوف احساس ينتابنى ويسيطر عليا
مجتمع رجيم / الحياة الأسرية
كتبت :
رقة زمان
-
اخواتى الغالين انا مش عارفة اقولكم اية انا حاسة ان انتوا خلاص هتزهقوا منى و هتقولوا اية البت الملل دى اية الكابة دى
بس اعمل اية بحبكم و بحب اتكلم معاكم
الايام دى ومن اكتر من شهر مسيطر عليا احساس مش حلو بالخوف من كل شئ على الولاد و على زوجى و مش عارفة لية عندى احساس بالخانقة و على طول مسيطر عليا احساس ان حد من الولاد لا قدر الله هيجرى لة حاجة او زوجى و يتصور لى انهم ممكن يصابوا بامراض او ان يحدث حادث
عارفين لدرجة انى مش بقيت بخروج كتير من شدة خوفى و فعلا لما بخروج ببقى سايقة العربية بخوف و كتير اوى بفرمل فاجئة و بتوقع ان حد هيخبطنى بموتوسكل
مش عارف مش عارفة اية اللى جرالى
بس اللى انا متاكدة منة ان ايمانى الايام دى قل
ااااه انا كل يوم اصحى من النوم احط ايدى على خدى و اقول يارب استرها على ولادى و على طول ادعى و اقول يارب لو حاجة وحشة مكتوبة خليها فيا و متحرقش قلبى على غالى عندى لانى مش هقدر استحمل صدمة ذى دى
انا عارفة انى ازعجتكم
متزعلوش منى