مجتمع رجيمالنقاش العام

هنعمل ايه ف عزومه رمضان

بالتوفيق
فطومة .. انت فين كده مش باينة ..
عملت ايه في العزومة بتاعتك ...
انا الحمد لله العزومة عدت على خير .. بس غيرت شوية في الاصناف اللي كنت كاتباها قبل كده
المقبلات :
سمبوسك باللحم المفروم والبسلة والجزر
سمبوسك بالجبنة القريش والموتزاريلا وبرزيدون مثلثات
سلطة خضرا
شوربة بلسان العصفور
الطبق الرئيسي :
طاجن خضار مشكل باللحم الضاني
فراخ مشوية + بط مسلوق ومشوي بالفرن + لحم ضاني مشوي بالفرن
الاطباق الجانبية :
رز بالخلطة (كبد وقوانص وزبيب وكاجو محمص) + محشي كرنب
الحلويات :
قطايف + كنافة جاهزة (بصراحة هم اللي جابوها معاهم وهم جايين )
العصائر والفاكهة:
برتقال بدون سكر + تفاح اخضر + عنب + موز + بطيخ


دكتورة دودو ::
فكرة العزومة بتاعتك جامدة جدا .. اصل انا بعز الاسماك جدا .. دوسي يا قمر ولا يهمك ولو محتاجة اي مساعدة انا موجودة :))
دكتورة دودو كيف حالك

عملتي عزومتك ولا لا

الحمدد لله ياكلمة صدق عزومتي عدت علي خير وكانت جاامدة هههههههههههه

رايحة ادلل علي اكلي ههههههه

منتظرينك د دودو تقوليلنا عملتي ايه في العزومة
دكتورة دودو ده الرابط عليه الاكلات اللي عملتها بس للاسف بدووون صور


عزومتي اول جمعة في رمضان اتفضلوا(وكل عام وانتم بخير
يا بنات بعد ما قولتلكم انى مش هعمل عزايم فى رمضان الظروف حكمت و هعمل تقريبا 4 عزومات و اولهم هتكون يوم الجمعة الجاية
و ان شاء الله نويت و خطط ليها و هتكون كالتالى :

اولا : اللحوم فراخ مشوية , بفتيك لحم ,بانية فراخ , بانية رومى و اللحوم دى خفيفة و فى نفس الوقت ظريفة عن الرومى السليم و البط و اللحم الضانى لانهم بصراحة بيتعبوا اوى فى الصيام هههههههه بتلكك
ثانيا : الخضار و الله انا اخترت اخف خضار و اكتر حاجة الناس بتحبها فى الصيام و هى الملوخية
ثالثا: طبق جانبى طاجن كباب حلة مكون من مكعبات لحمة و مكعبات كبدة
رابعا : النشويات مكرونة باشميل و محشى ورق عنب و محشى فلفل و باذنجال و محشى كوسة باللحم المفروم
خامسا :النواشف او ذى ما الاستاذة كلمة صدق اللى ذكرتنى فى ردها بالخت و مهنش عليها تقول رقة زمان خلاص يا كلمة نسيتينى مااشى مااشى هههههههههه مسميها مقبلات فانا هعمل سمبوسة باللحم المفروم
سادسا :الشوربة هى لسان عصفور
سابعا :السلطة سلطة خضراء عادية احتمال سلطة طحينة و مخلل فواكة
ثامنا :الحلو كنافة و انا اللى هعملها مش جاهزة
تاسعا: العصائر تمر هندى و قمر الدين
عاشرا: المشروبات الساخنة كوفى مكس و شاى بالبرغموت

ياااااة دى انا تعبت من الكتابة امال من العمل الفعلى هعمل اية ههههههههه
طبعا بكرة ان شاء الله هجز العصاج و هشترى كل حاجات العزومة
و يوم الخميس هتيل الفراخ و البانية و البفتيك و هجهز خلطة المحشر و هحشى ورق العنب و و هعمل المكرونة بالباشميل و عندى السمبوسة ملفوفة و هبل قمر الدين و التمر هندى و هتبل كباب الحلة فى البصل المقطع و الفلفل الاسود و التوابل و عندى لسان العصفور محمر جاهز
و يوم الجمعة اول ما هصحى من النوم هعمل الكنافة بس مش هسويها الا الساعة 3 كدة و هكمل حشى الفلفل و الباذنجال و الكوسة وهتبل البانية و البفتيك بالبيض و البقسماط و هركنها فى الفريزر لمدة نص ساعة و من الساعة 2 هسوى اللحوم وهشوى الفراخ و هغطيها بفويل و المكرونة هخليى تسويتها اخر حاجة لانها بتبقى حلوة و هى سخنة و هخروط الملوخية و هدق الثوم و قبل المغرب بدقائق هعملها
بس انتوا ادعولى تكون العزومة حلوة و اللى عندى اى تعليق على كلامى ياريت تقولى علشان اغير
احبكم فى الله

ماشى يا كلمة صدق حسبنا برة هستناكى برة ههههههههههههههههههههههههههههههههههههههههههههههه
1  2  3 4 
كلمات ذات علاقة
ايه , رمضان , عزومه , هنعمل