مجتمع رجيمالاطباق المتنوعة

صدور دجاج حلوة مررررررررررررررررررررررررررررة

يالغاليات هاذي طريقه لصدور الدجاج حلوه وسهله وتقريبا جديده بس الاهم لذيذه
""على بالي امدح طبختي ""
بس من جد لذيذه
الطريقه على طول
جيبي لك صحن صدور دجاج الحجم الوسط عندك انواع كثيره
اغسليه وافركيه بعصير ليمون
بعدين افتحي فتحه صغيره على قد يدك اعلى القطعه ووسعيها من جوى كانك تحفرين الكوسه
تكونين مجهزه خلطه اللي هي
بقدونس مطحون مع بطاطس مهروس مع شوي صوص صويا مع بهارات وملح وماجي ابيض
وذرة فلفل
وقطع صغيره جبن على الرغبه انا احط بارميزان اختي تحط تشيدر
المهم تخلطينهم مع بعض وتحشين قطعة الصدر اللي انتي حفرتيها بالخلطه الين تمتلئ
بعدين تقفليين الفتحه باعواد الاسنان الخشب
وتتبلينها بتتبيله مجهزتها (( صلصه مع صوص صويا مع ثوم مطحون مع ملح وماجي ابيض وبصل مطحون وحسب الرغبه زنجبيل شوي مره على طرق الملعقه مطحون ))
تفركين القطع بها الخلطه
تكونين مقطعه شرايح بصل وطماطم ووفلفل اخضر حسب الرغبه تحطينها بالصينيه وتترشين عليها ملح وبهارات وفلفل اسود وتقلبينها في الصينيه بعدين تساوينها وتحطين عليها زيت زيتون وتصفين عليها قطع الدجاج
انا على شان عيالي يحبون البطاطس احط عليها شرايح بطاطس مقلي بعدين تغطينها بقصدير
المهم تخلينها 20 دقيقه من تحت بعدين تشيلين القصدير وتحمرينها من فوق فقط
((( عند تقديمها تاخذين قطع الدجاج وتصفينها بصحن التقديم والبصل والطماطم في الصينين ضعي عليها نص كاس ماء واخلطيها بالخلاط وصبيها على قطع الدجاج
وبالهناء والعافيه على قلوب الجميع
[marq](العذر والسموحه بالنسبه للصور بس في طريقي للتعلم راسي قاسي عجزوا يعلموني [/marq]
تسلم ايديكي حاولي مره تانيه نزليها بالصور هي و الله طريقه سهله
يسلمووو
كلمات ذات علاقة
مررررررررررررررررررررررررررررة , حلوة , دجاج , صدور