انت منين من مصر؟؟

مجتمع رجيم / مقهى وردات رجيم

كتبت : سعادتى فى رضا ربى

ازيكم يا بنات
عاملين ايه؟
انا قلت بما اننا كلنا من مصر يبقى لازم نعرف احنا من محافطة ايه
ونقول كمان ايه اكتر حاجه بنحبها فى محافظتنا
ايه رأيكم
انا هبدأ

انا امل احمد
من الاسكندريه
انا بحب اسكندريه جدا جدا
لاسباب كتيره اهمها طبعا البحر الجميل
انا زرت من محافظات مصر:
*مرسى مطروح وهى بلد حلوه وبحرها حلو اوى
*القاهره حلوه بس زحمه اكتر من اسكندريه
*المنوفيه بس كنت صغيره
هنا شوية صور لمدينتى الاسكندريه ان شاء الله تعجبكم

http://www.rjeem.com/forum/showthrea...E4%CF%D1%ED%E5

http://www.rjeem.com/forum/showthrea...E4%CF%D1%ED%E5

وانتم رحتم فبن فى مصر ؟
وياترى زرتم اسكندريه؟
وايه رايكم فيها؟shifty

كتبت : مسلمة

موضوع حلو قوى يا أمل أنا كمان من أسكندرية
بحبها جدا و بموت فى البحر الجميل بعشق كل مكان فيها
وزرت محافظات تانية زى القاهرة و الفيوم و مرسى مطروح و رشيد و شرم الشيخ و أسوان و الاقصر و بور سعيد و المنصورة و دمياط
بس مفيش احلى ولا أجمل من اسكندرية
عروس البحر الابيض

كتبت : سعادتى فى رضا ربى

ِِِشكرا يا مسلمه على ردك الجميل
وانا نفسى كل الناس تزورها وتحبها زينا
هى فعلا عروس البحر
وانا كل ما ببعد عنها بتوحشنى

واتشرف بمعرفتك يا مسلمه
شكرااااااااااا لمرورك

كتبت : سمرا مصر

امل موضوعك حلو وفكرته جميله
انا من القاهرة وباحب اسكندريه جدا وكل سنه فى الصيف لازم ازورها
وزرت محافظات كتير منها الفيوم السويس سينا الساحل الشمالى المنوفيه والغربيه

كتبت : مريومه

امل شكرا على موضوعك
انا من المنوفيه اصلا ولكنى من سكان القاهره
وباعشق حاجه اسمها اسكندريه ليه حق كل اسكندرانى يفخر بيها وطبعا بازورها كل سنه
وزرت كمان حتت كتير فى مصر مرسى مطروح والغربيه والمنصوره والاقصر واسوان وجنوب سينا

انت منين من مصر؟؟

مجتمع رجيم / مقهى وردات رجيم

شعوري لكل أخواتي ولأروع منتدى ريجيم

مدونتك في ملفك الشخصي