هحب جوزى ومفيش حاجة اسمها انا عايشة وخلاص

مجتمع رجيم / الحياة الأسرية
كتبت : ام زيزى
-
الحمله دى انا بدأت فيها مع نفسى

وحبيت افيد كل ست بيها

صدقونى ليها مفعول السحر مع نفسك

ومع اولادك ومع جوزك

فى مرحله معينه للجواز بتوصل لمرحله صعبه اوى

وهى انك عايشه وخلاص عشان الاولاد

وجوزك كمان بيوصل لكده

بيت وبتزوقوا فيه زق عشان الحياه تمشى

المضرورين من الكلام ده

اولا : اولادك

ثانيا: انتى ونفسيتك اللى بتتحطم

ثالثا: جوزك

بتبدأ المرحله دى فالحياه بالخرس الزوجى

تلاقى كل واحد فيهم فوادى

مفيش حوار اطلاقا

وبعد الخرس الزوجى تبتدأ مرحله الخناقات الدائمه

كل واحد بيشيل من التانى

والاولاد فالنص بيتفرجوا على مهزله بابا وماما

اللى مش بتنتهى وبتسيب اثار نفسيه عارمه

بس انا توصلت لحاجه غريبه اوى

اوقات بكون فعز غضبى وادخل سوبر ماركت

او اى محل وبابتسامه اللى بتبيعلى

بحس بهدوء وراحه

وشويه شويه ممكن هى تعلق بكلمه واضحك

واخرج كأنى مش انا الى كنت داخله

وعالنقيض التام

ممكن اكون مبسوطه وفمود كويس

اروح لبنتى مدرستها

والكدرسه بتاعتها باسلوبها وطريقتها

تستفزنى واكون على اخر غضبى منها

قصدى هنا حاجه مطلوبه من الست

انتى بايدك لوحدك انك تمشى حياتك صح

مش عايشه وخلاص

دى ممكن تبقا احلى حياه مع جوزك

اللى ياما اتمنيتى تنفصلى عنه لولا وجود الاولاد

ده مش كلام انشاء

دى بدايه لحياه مريحه ليكى وللاودلاك

الى اختارتى تكملى عشانهم

يبقا تكملى صح

هقوللك بقا خطوات النظام اللى هنتبعه

اولا هتبدأى من نفسك

لازم تبدأى ميبقاش فى صوت عالى منك ابدا

وخصوصا للاولاد

عمر الزعيق والصوت العالى ما كان بيجيب نتيجه

ده من اعصابك انتى وبس

وبيفقدك انوثتك قدام جوزك

وبينسى اى حاجه تانيه حلوه منك

لانه شافك فمرحله مش حلوه من الغضب الرجولى

الهدوء اساس نجاح اى بيت واولاد

خليكى بارده وهاديه باستمرار

هتسالينى طب ازاى وبيبقا غصب عنى

هقوللك ياستى بكل بساطه

لما تاخدى على الهدوء والصوت المنخفض

فالكلام وان مفيش حاجه تستاهل عصبيتك

وان الامور بتتحل بالراحه مش بالزعيق

وانك كأنثى مينفعش تكونى كده

هتحسى بقيمه ده وهتنفذيه

حاولى دائما تعملى الحاجات الى بتحبيها خلال اليوم

وتهدى بيها اعصابك

مثلا لو رياضه او مشى او قراءه كتاب

او حتى دعوه لله بطريقه حلوه

داومى على وضوءك طول اليوم عشان الشيطان يبعد عنك

وكل ما تتنرفزى خدى نفس عميق

وافتكرى ان جوزك بيشوف زميلاته فالشغل

على احسن صوره يوميا

وانهم مش احسن منك لانه مراته

ولادك ليهم طرق كتير للعقاب غير الزعيق

فبلاش استخدام وسيله غير مجديه وبتضيعى بيها انوثتك



طب نروح بقا للجزء المهم

هحب جوزى

لما تتبعى طريقه الهدوء والبرود

هتقدرى تمتصى غضب جوزك فاى وقت

بهدوئك التاااااام

وبشئ من الحنان

حاولى تكسبيه كصديق اكتر من انه عدو ليكى

احكيله مين كلمك وكلمتى مين

وبهدوء برضه

لو فى مشكله مع اهلك اى طرف منهم

ونرفزوكى مش اول ما يدخل تحكيله بعصبيه

عشان كده انتى بتدخليه فمود مش هيخرج منه

غير بالطبل البلدى

بلاش حكاوى تضايق على السفره وقت الاكل

لو تخينه خسى

وحاولى تجددى فلبس بيتك واحده واحده

اشترى قمصان نوم وبيجامات جديده

وخليهم فالدولاب

لحد ما يبقا عندك كميه معقوله تكفى اسبوع

او اكتر حسب مادياتك

وكل يوم البسى طقم منهم جديد

ومتساليهوش عن شكلك اطلاقا

ولا طعم اكلك

عشان يحس بثقتك فنفسك

الراجل ماهو الا طفل كبير

بيجى بكلمه حلوه

واسلوب معامله انثوى

ولما الست بتبقا عكس كده

بيكون فريسه سهله لاى واحده بره

لما تكتشفى اى خطأ من جوزك

زى خيانته مثلا

اوعى تقوليلوا انك كنتى كرومبو وعرفتى الموضوع

الحاجه الى هتبقا مستخبيه دلوقتى

هاتبقا عاديه بعد كده لو عرفتى

خلى فيه رهبه من ناحيتك واحترام ليكى

حتى لو صوريه يعنى مش حقيقه

طب تتصرفى ازاى؟؟؟

وقتها لازم تعرفى انك قصرتى

صدقنى التقصير مش تقصير فالطبيخ

ولا فالغسيل ولا التنضيف

هو لما انجذب لغيرك مكنش عشان كده

هو انجذب لانثى

وده الى انا بتكلم عنه

حاولى تكونى ليه زوجه قبل ما تكونى أم

اشغلى نفسك دائما فاى شئ مفيد

وخرجى طاقتك

ولما يجي البيت يكون كل شئ محضر وجاهز

وهدوءك قبل اى شئ

حبيه ولو بالفعل بس ولو شكليا حتى

هو كمان هيحبك بس مش من اول يوم طبعا

يوم ورا يوم هيتغير وهايبقا زيك

لان المود غلاب

انتى لو قاعده فمكان وسمعتى ضحك

هتحسى انك عاوزه تضحكى مع انك مش عارفه فى ايه

حاولى تنقلى الاحساس ده لجوزك

لان فالاول والاخر جوزك جنتك او نارك

وعشان نفسك والاولادك

بلاش تعيشى محطمه

ويبقا دائما فبالك

هحب جوزى وهفرد بوزى

ومستنيه تواصلكم فالموضوع

عشان نتكلم كلنا سوا

ويبقا فى افكار جديده دائما

ومفيش حاجه اسمها انا عايشه عشان الاولاد وخلاص

هتعيشى يبقا تعيشى صح
smile19.gifsmile19.gif
كتبت : غدور
-
انا عايزه اقف لك احتراما يا ام زيزي علي الموضوع الرائع
جزاك الله خير وجعله في ميزان حسناتك وبارك فيك وفي زوجك وفي ابناءك
انا اولا وصلت للمرحله التي ذكرتيها هذه في زواجي من اكتر من سنه
وحاولت اكتر من مره اصلح من اموري حتي لا اصبح عايشه وخلاص
وفشلت كتير ومع كل مره فشل كان حالي بيصبح اسوأمن الاول وكنت بأستسلم اكتر للواقع
خاصه ان زوجي هداه الله ليس من النوع اللي ممكن يساعدك ابدا علي طول يعمل لك احباط
بس بعد طرحك المفيد والجرئ للموضوع انا اول مشتركه معاك
وكفايه علي تشجيعك
لكن لي طلب عندك امشي معانا خطوه خطوه وانا هتابع معك يعني تعالي الاسبوع ده نعود نفسنا علي الصوت المنخفض والابتسامه الدائمه
وكل اسبوع قدمي لنا نصيحه نمشي عليها وهندخل نتشجع بيك
وربنا يصلح الحال
كتبت : ام زيزى
-
ياحبيبتى تفائلى من ناحية زوجك علشان حياتك لا تصبح محطمة

وجزاكى اللة خيرا
كتبت : habibat zaujaha
-
حبيباتى ربنا يسعدكم ويشرح صدور ازواجكم يارب
واهم شى لاياس والدعاء بان يسخر الله عز وجل لكم ازواجكن
وهدا رمضان فرصة لدعوات الطيبة
واهم شى الابتسامة الرقيقة فهى رفيق الصبر والكلمة الحلوة الى تلين اقسى القلوب
واحلاء مافى الحياة الحب وهناك نوع من الرجال لم يعرف الحب صغيرا فهو بالتالى ليس قادر على منحه حين يصبح زوجا
لدلك يحتاج هدا النوع من الرجال لتعلم الحب فكونى انتى معلمته الصبورة المحبة
كتبت : flower1
-
جزاك الله خيرا حبيبتي للطرح الاكثر من رائع

كتبت : ღ♥ بسمة الحياة ღ♥
-
جَزآكــِ اللهُ خَيرَآلجَزآءْ..،
جَعَلَيومَكــِ نُوراً وَسُروراً
وَجَبآلاُ مِنِ آلحَسنآتْ تُعآنِقُهآ بُحوراً..
جَعَلَهُ الله في مُوآزيَنَآعمآلَكــِ
دَآمَ لَنآعَطآئُكــِ..
دُمْتِ بــِطآعَة الله ..~..
تقبلي ردي المتواضع



الصفحات 1 2  3 

التالي

عرضين باوربوينت رومنسيه لأي مناسبه زوجيه خاصه (ملف مفتوح للتعديل + صوت) اهداء للجميع

السابق

شوفو الرجال شلون يدلعون زوجاتهم حسب المهنه

كلمات ذات علاقة
اسمها , انا , حاجة , ينسى , عايزة , هحب , ومفيش , وحماس