السلام عليكم

امس ماكله حلويات وايد لدرجة حسيت بعوار فالمعدة
حتى اليوم ماكله حلويات من القهر
والله اني تعبانه بعد كل اللي سويته ما نزل من وزني الا كيلوين
والله انا قاعده اسوي ريجيم على حساب صحتي انا عندي فقر الدم و ارتجاع المريء
امس بنت خالو شافتني قالت ليش مصفره وليش زاد السواد تحت عينج
دكتورة ساعديني ابغي انزل وزني واحافظ على صحتي

وعليكم السلام والرحمه
عزيزتي أنتي عندك مشكله تنظيم قبل مشكله الوزن الزائد
وهذا واضح في حموضه المعده عندك وفقر الدم
اذا كان نظامك يوم بدون غداء او عشاء وتتناولي فقط تمر ولبن
واليوم الثاني حلويات
واليوم الثالث .. الخ
هذا بيعطي متاعب في المعده وصعوبه في نزول الوزن

لازم ترتبي وضعك تمام
هذي صحتك ومافي اغلى من الصحه الله يديمها عليك : )
امشي على رجيم وسط يعني مو قاسي ولا فيه تفريط
واستمري عليه 6 شهور ولو يكون على طول يصير احسن
بمعنى اخر
عودي نفسك على روتين صحي يستمر معك على طول
تدريجياً بينخفض وزنك وبتصير صحتك احسن
وبتتخلصي ايضا من مشاكل المعده
مافي وصفه تعالج كل الامراض في يوم واحد !
هذا يعتمد على روتينك
وطريقه تغذيتك
انسي الحلويات والمقليات والمعجنات
حتى القلق انسيه لانه بيتعب المعده
طريقه الحرمان هي اسوأ الطرق واقلها نتيجه لخساره الوزن
حتى بيتعبك نفسيا لانك بتحرمي نفسك في يوم مثلا من الوجبات الرئيسيه وبالمقابل تتوقعي ان تخسري 5 كيلو على سبيل المثال
لكن في الحقيقه ماراح تخسريها
لانك كسبتي الوزن في شهور ومستحيل تخسريه في يوم !

السر في وزن مثالي هو الروتين الصحي
والصبر عليه مع الوقت راح يكون احلى روتين لك

دعواتك :)

شكراً على الرد

يغلق الموضوع