تاعبه نفسي بنفسي

كيفكم يا حبيباتي متتصوروش انا اد ايه برتاح لما بدخل المنتدي ده و خصوصا القسم ده انا عارفه اني مزهقاكم بس والله ما في بعد الله غيركم اللي بحكيله

مجتمع رجيم / أرشيف رجيم
اوقات بحن
اخر تحديث
تاعبه نفسي بنفسي

كيفكم يا حبيباتي
متتصوروش انا اد ايه برتاح لما بدخل المنتدي ده و خصوصا القسم ده
انا عارفه اني مزهقاكم
بس والله ما في بعد الله غيركم اللي بحكيله[
والله يا بنات انا نفسي ارتاح
حاسه اني انا الللي تاعبه نفسي بنفسي
انا زوجي كان متزوج قبلي و عنده بنت و انفصل
هو كويس معايا و بيحبني جدا و عمره مقارني باي حد و لا حسسني بالموضوع ده
بس المشكله فيا انا انا اللي دايما بفكر بالطريقه دي
دايما عندي خوف ليكون و هو معايا بيفتكر اي لحظه مر بيها مع زوجته السابقه
لو خرجنا اقول تلاقيه راح معاها المكان ده
لو قالي كلام حلو اقول مهو قاله قبل كده
حتي في اثناء العلاقه الحميمه نفس الحال
والله يا بنات في كل كبيره و صغيره
دايما بحس ان اي حاجه الواحد بيعيشها لاول مره بيبقي ليه شكل تاني و طعم تاني
الاحساس ده صعب جدا
و مش عارفه اتخلص منه
خصوصا انها بتكلمه يوميا علشان تطمنه علي البنت و بعدين تديه البنت يكلمها
المكلمه دي بتدمرني والله
لزمتها ايه انها تكلمه متديله البنت مباشره
و طبعا بيشوف البنت مره كل شهر و ساعات مرتين و هي بتبقي موجوده
اليوم اللي بيقضيه معاهم انا بيبقي جوايا نار
بيخرج البنت هي بتبقي معاهم
بياكل البنت في مطعم هي برده بتبقي معاهم
انا مش متحمله الموضوع ده
مره رحت معاه مرتحش و اتخنقت جدا و قررت اني مرحش تاني
مقدرش اني اطلب انه ميكلمش او ميرحش لبنته لان طبعا ده يبقي حرام و ظلم ليها و انا مش عايزه اظلم حد
الموضوع ده مخليني دايما في حاله عدم رضا و مش حاسه بالسعاده في اي حاجه
والله حاسه اني بنهار يوم ورا التانيو عصبيتي بتزيد بالرغم ان كل الناس كانت بتشيد بهدوئي و حلمي
عارفه ان كل اللي هتقرأ الموضوع هترد و تقولي ان انا تزوجته و انا عارفه انه كان متزوج قبل كده و وافقت فلازم اني اتحمل اختياري
بس والله انا فعلا مكنتش اعرف حاجه في الدنيا دي ولا كنت فاهمه اي حاجه
هو اللي عرفني و فهمني كل حاجه
و في حاجات كتيره لما نسمع عنها نحكم بشكل معين لكن لما نعيشها يتغير حكمنا ده للنقيض تماما


والله يا بنات انا نفسي بس انسي الموضوع ده
يمكن ساعتها احاول احس اني سعيده

اعمل ايه

ساعدوني
معلش طولت عليكم
سامحوني
وكل سنه و انتم طيبين000021541.gif
عبير ورد
السلام عليكم ورحمة الله وبركاته
غاليتي عزيزتي بصراحة معك حق تغارين من حق زوجك يشوف بنته شرعا لا فصال فيه لكن الذي ليس من حق زوجك أن يخرج معها لمطعم بصراحة لا يجوز شرعا ولا يحق له هذا التصرف مهما كانت الأسباب عليك أمرين تعمليهم

اجلسي مع زوجك وفهميه وذكريه إن هذا لا يجوز أن يخرج معها حتى لو كانت معه بنتهم خيريه أما أن يخصص لها يوم في الأسبوع تأتي لكم وحدها بدون والدتها وتخرجون مع بعض في نزهة عائلية

أو إذا أتت لكي تخرج مع بنتها وطليقها في مطعم بصراحة أخرجي معهم

عندي استفسار هل طليقته على ذمة رجل آخر أم لا

إذا كانت على ذمة رجل لا تخافي منها ولكن إذا كانت غير ذلك فالإحتياط واجب

ودمت بخير
زعفورره
انتي حبيبتي موسوسه بس شوفي كل ما حسيتي قمت تو سوسي وتضايقتي روحي وضي وصلي ركعنين بدورن فريضه وربي انا مجربه بس انا مش متزوجه انا صغيرونه بس جد راح يترك اثر اوك انا سعيده اني رديت عليك وعطيتك حل بسيط
فمان الله
اوقات بحن
جزاكي الله خيرا يا عبير
هو عارف يا عبير ان لا يجوز انه يخرج معاها و قلتله الكلام ده لكن المشكله ان البنت صغيره و متعرفش تخرج لوحدها و هي في محافظه و احنا في محافظه تانيه يعني سفر فلازم الام تبقي معاها
اما ان انا ابقي معاهم فانا رحت مره و رجعت تعبانه من السفر وطول السكه من نحيه و انا معيايا طفلين صغيرين و كمان لما كنا هناك كان هو بيلعب بنته و بنتي طول الوقت و انا كنت قاعده معاها و كانت طول الوقت عمالي تحكيلي عن حياتها معاه زمان طبعا اتخنقت و روحت مش طايقه نفسي و مش طايقه زوجي
اما انها تيجي تقعد معانا يوم فامها مش هترضي ابدا لانها خايفه اساسا من ان زوجي ياخد البنت و تعيش معانا و ميرضاش يدهالها
والله يا بنتي الموضوع معقد
و علي فكره الاحساس اللي انا بحسه ده مش غيره ذي ما انتي متخيله لكن ده احساس بالنقص
دايما لما بفتكر الموضوع ده( بفتكر ايه انا مبنسهوش اساسا) بحس اني اقل من اخواتي و صحباتي و قريباتي
الحمد لله محدش بياخد اكتر من نصيبه
اما عن سؤالك:
هي كانت علي زمه رجل اخر و لكن طلقت للمره الثانيه
وانا مش خايفه اساسا انهم يرجعو لان المشاكل اللي بينهم اكتر من كده بكتير لكن ذي ما قلتلك هو احساس بالنقص


اما حبيبتي الصغيره زعفوره جزاكي الله كل خير
نصحتيك كبيره قوي مش حل بسيط ذي ما بتقولي
انا فعلا بعمل كده
و ربنا يهديني و يصلح فساد نفسي

جزاكن الله كل خير
ღ♥ بسمة الحياة ღ♥
عزيزتي
كما تفضلت الاخت عبير لايجوز شرعا باي حال من الاحوال ان يخرج معها 00البنت ممكن يترتب لها زيارة ليكم وانتم تروحون
لاتتركي زوجك لوحدك 00 تحملي ع نفسك وروحي معاه --- واجلسي معهم فمواجهة الواقع افضا من الهروب منه
حتى لايحدث مالا يحمد عقباه 000 واطردي واستعيذي بالله من وسواس الشيطاين وروحي كعهم حتى ترتاحي ويكون كل شي تحت ناظرك
الله يهدي بالك ويحفظ لك زوجك واولادك
اوقات بحن
جزاكي الله خيرا يا بسمه
هحاول اروح و ربنا يصلح الحال من عنده
ادعولي ان الوساوس اللي في دماغي دي تروح
بالله عليكم ادعولي في هذا الشهر الكريم

التالي

أحلى طريقة لقيام الليل

السابق

انا زعلانة

كلمات ذات علاقة
تاعبه , بنفسي , نفسي