كل عام وانتم بخير يارب ماحبيت يكون أول موضوعي لي هنا شكاوي ودموع بس هذا المكتوب صحيح أنا عضوة قديمة بس هذي أول مشاركة ليه هنا
أول شي عشان ماتقولوا عليه اني متشائمة والله العظيم ما أحد متفائل وصبور بالدنيا مثلي وشايفه نعم ربي عليه ماتعد ولا تحصى اللهم لك الحمد لكن الوضع اللي انا عايشه فيه الان ذبحني عمري 29 سنة متزوجة ولي 4 أطفال مرتاحة جدا من الناحية المادية
وصلت لمرحلة أكره فيها نفسي جدا جدا اكيد تقولون كيف ؟؟ عشان كذا سجلت في المنتدى هنا ... شدني اسمه وزني قريب 100 كيلو نفسيتي تعبانة جدا جدا جدا اتعب وانا اقول جدااااا وزني كل ماله يزيد صرت كتله من الشحم تمشي على رجلين هل تعتقدون أن أهم حاجة عندي كيف يطلع شكلي باللبس؟؟ طبعا لا و الف الف الف الف لااااا متاعبي مع الوزن كل يوم تزيد الم الركب والمفاصل سواد الرقبة والابطين من الاحتكاك ترهل الوجه تعب من اقل مجهود جسمي كله يهتز لمن امشي انسانة ضخمة بكل معنى الكلمة اتعب ما احصل ملابس على مقاسي البنات لمن يشترون اللبس يبحثون عن اللون اللي يانسبهم وانا ابحث عن لبس يخفي شحومي كرهت نفسي خلاااااااص كرهت المناسبات وكرهت حفلات الزواج وكرهت الاعياد ولمن اسمع انه في مناسبة جاية وفيها ضيوف جدد علينا اتخيل ردة فعلهم اكيد راح يقولوا ..شوفوا هذي كيف سمينة؟؟ تعرفو ليش اكره اتفرج عالتلفزيون مع زوجي؟؟ لانهم بالتلفزيون دايما يتمسخروا على السمينة ويحطوها هبلة وقبيحة وضعيفة شخصية حتى بافلام الكارتون احسهم بيقولوا هذي انتي يا رنا يادبة
للاسف لاحظ علي الجميع اني اميل للعزلة في الفترة الاخيرة كاني ما كتفيت باخفاء شحومي بملابسي لكن احاولي اخبي نفسي بالبيت بطلت اشتري ملابس ولا احذية ولا ميك اب صارت خزانتي كلها قديم في قديم
كاني لا شعوريا اعاقب نفسي بقسوة وكله كوووم والعجز كوم ثاني صار اي مجهود بسيط يتعبني اشتريت اجهزة للتخسيس وتراكم عليها الغبار وشريت كتب للرياضة ولا قريتها وكل حاجة على الخادمة .. حتى كاسة الموية تجيبها لي بنتي او الخادمة فيني خمول عجيب زي مايقولوا حية .. ميته بالضبط!! برنامجي.. العمل...نوم...تلفزيون... انترنت....نوم ولا في اي نشاط من اي نووووع اروح لنادي صحي ولا استفيد ذبحتني الاخصائية والدايت اللي اعطتني احس نفسي مسجونة الدايت كله قريب فروت وتفاح وزبادي بالله في بشر يستحمل؟؟ ياناس انا اكلي والله العظيم قليل بطبعي ما احب الحلوى و لا السكر والشكولاته يمر 6 شهور ما اكلتها والله والله ما أكل المعجنات و لا المقليات و لا الشبس الا في الثلاث شهور او اكثر
تجي الاخصائية تقولي تفاح وزبادي؟؟ تخليت عن الطباخة والخادمة وبقيت خادمة وحدة فقط لأن البيت كبير قلت عشان اتحرك شوية حاولت بس ماقدرت احس شحومي بتخنقني مجهود بسيط واتسطح بعده ربع ساعة ألهث و لا اعرف اخذ نفس ماما وبابا بدأو يسمعوني كلام كبير وزوجي انتقل من التلميح للتصريح ومرات للاستهزاء وانا بصراحة ما الومه ابدا احسه بيخجل لمن امشي من قدام اهله الكلمة اللي قالها لي وذبحتني وخلتني اكتب هالموضوع البارح قال ... انحفي ياحرمة مو عشاني .. عشانك انتي صرت عجوز خلاص؟؟؟
بصراحة خلاصة الكلام أنا صرت أتقزز من نفسي ايش رايكم في الوضع اللي وصلت له؟؟؟ ما ابغى احد ياخذ عن خاطر بكلمتين ما ابغى احد يجرحني بكلام لاني فقدت الاحساس من كثر التجريح ابغى احد ينور لي الدرب ويمسك يدي غرقت الكيبورد بدموعي يارب اشكوي ضعفي ومهانتي اليك يااااارب
كتبت :
Coeur de Rjeem
-
حبيبتي اعتبريني زي اختك واي حاجه نا تحت امرك
كتبت :
flower1
-
حبيبتي كلنا هنا معاك فضفضيلنا او يارب نقدر نفيدك
كتبت :
ام حنين 1981
-
عزيزتي رنا اهلا بكي في المنتدى واحنا هنا كلنا اخوات مااحد بيتأخر على التاني وتتمنى تكوني اخت لنا وتفضفضي وانشاءالله نفيدك.
كتبت :
°ˆ~*¤®§(* رنا *)§®¤*~ˆ°
-
class="quote">اقتباس : المشاركة التي أضيفت بواسطة nehla: حبيبتي اعتبريني زي اختك واي حاجه نا تحت امرك
class="quote">اقتباس : المشاركة التي أضيفت بواسطة flower1:
حبيبتي كلنا هنا معاك فضفضيلنا او يارب نقدر نفيدك
class="quote">اقتباس : المشاركة التي أضيفت بواسطة الدب الكسلان: عزيزتي رنا اهلا بكي في المنتدى واحنا هنا كلنا اخوات مااحد بيتأخر على التاني وتتمنى تكوني اخت لنا وتفضفضي وانشاءالله نفيدك.
ياحبايبي ريحتوني كثير بردودكم إن شاء الله بعد شوية أعمل تحرير لموضوعي و أفضفض لكم ,,,الله يعينكم عليه
كتبت :
عبير ورد
-
السلام عليكم ورحمة الله وبركاته غاليتي وعزيزتي إنت في العين وفوق الراس كلنا مفتوحة لك قلوبنا لك قبل عيوننا آمري تدللي لا يردك إلا قلمك فضفضي فنحن هنا يدا واحدة وعلى قلب واحد يا هلا وسهلا
