دردشة للمصريات المقيمين بمصر

مجتمع رجيم / مقهى وردات رجيم
كتبت : رقة زمان
-
السلام عليكم
اية يا بنات انتوا روحتوا فين دى الموضوع ناااااااااااااااااااااااااااااااااام
كتبت : رقة زمان
-
السلام عليكم ورحمة الله وبركاته
اذيكم يا بنات انتو روحتو فين كنت عاوزة ادردش معاكم شوية
اذيك يا فطومة انتى فين يارب تكونى دلوقتى كويسة
و انتى يا نهولتى وحشتينى يا احن قلب و رغود و شمس و دعاء و ولا احلا و كل البنات الحلوين وحشتونى
كان فى موضوع شغلنى اوى النهاردة و مش عارفة اخد فية قرار والاستاذ زوجى طبعا كالعادة مش فاضيلى فقولت اشركم الراى معايا
بصى يا ستى انا بشتغل اخصائية مكتبة فى التربية و التعليم و بجد من اول يوم تعيين و انا مش مرتاحة طبعا كلكم عارفين قيمة المعلم فى مصر و بجد المعاملة سيئة للغاية من المديرين و الرواساء و انا مبحبش حد اقل منى يتريس عليا و الله لا سمح الله مش كبر بس تلاقى كدة واحدة اقل منك فى كل حاجة و بتتنطط عليكى و ترسم نفسها لمجرد انك وقعتى تحت راستها
فانا تعبت و الله من المعاملة دى لبان المعاملة دى عاوزة واحدة بتعرف ترد التنططة و انا ايدك و الارض و مش بعرف اتطاول على اى حد قدامى و لا اترسم فانا قدامى فرصة انى اشتغل فى المحكمة و فى مكان مرموق و كل اللى شغلين معايا ان شاء الله هيبقوا متدينين و مستوهم راقى و اصلهم طيب فانا محتارة بقى ما بين ان المدرسة شغلها الى حد ما مريح خاصة فى فترة الصيف و بين المحكمة و مميزاتها الاجتماعية و كمان المادية و لونها و الله اخر حاجة المادية
مش عارفة اعمل اية تف كيرى دلوقتى انى انقل المحكمة و فى فترة الصيف اخد اجازة بدون مرتب علشان الولاد او اعمل بنص اجر
و الله محتارة شوروا عليا اعمل اية
كتبت : قلب المنتدى
-
أهلا رقة حبيبتى أيه المواضيع الجميلة دى طبعا انت عاملة حسابى فى الدردشة الحلو دى وحشتونى كلكم فطومة عاملة ايه خالص التعازى لوفاة خالها وربنا يصبرهم ويرحمة رحمة واسعة
حبيبتى بالنسبة لموضوع الشغل بتاعك أنا شايفة انك تنقلى المحكمة احسن ادام كلها مميزات وبالنسبة للاجازة يبقى خدى اجازة بنص مرتب ذى ما قولتى كده احسن بدل ما حد يضايقك وماتعرفيش تخدى حقك حاكم أنا مجربه حرقة الدم دى ما انا زيك كده برده مابعرفش ارد على حد ولاأكسف حد وطبعا ياحبيبتى اعملى صلاة استخارة قبل ماتعملى اى حاجة واللى هايحصل هايبقى هو الخير ليكى ياحبيبتى ان شاء الله وربنا يوفقك وييسرلك امرك ويعينك
كتبت : رقة زمان
-
[quote=قلب مكسور;1391262] أهلا رقة حبيبتى أيه المواضيع الجميلة دى طبعا انت عاملة حسابى فى الدردشة الحلو دى وحشتونى كلكم فطومة عاملة ايه خالص التعازى لوفاة خالها وربنا يصبرهم ويرحمة رحمة واسعة
حبيبتى بالنسبة لموضوع الشغل بتاعك أنا شايفة انك تنقلى المحكمة احسن ادام كلها مميزات وبالنسبة للاجازة يبقى خدى اجازة بنص مرتب ذى ما قولتى كده احسن بدل ما حد يضايقك وماتعرفيش تخدى حقك حاكم أنا مجربه حرقة الدم دى ما انا زيك كده برده مابعرفش ارد على حد ولاأكسف حد وطبعا ياحبيبتى اعملى صلاة استخارة قبل ماتعملى اى حاجة واللى هايحصل هايبقى هو الخير ليكى ياحبيبتى ان شاء الله وربنا يوفقك وييسرلك امرك ويعينك
[/quote]
ماشلء الله انتى معانا يا قلب يا قمر و الله انا سعيدة جدا بوجودك معانا و بجد الموضوع هينور
يلى بقى عرفينا بيكى و انتى مقيمة فين
كتبت : رقة زمان
-
5
كتبت : قلب المنتدى
-
أزيك يا أحلى رقة أخبارك أيه فين باقى البنات حلوة البنات دى مش كده
يسعدنى اتعرف عليكم كلكم وأبقى معاكم ويسعدنى برده أعرفكم على نفسى
[CENTER]شوفى بقى يا ستى أنا متزوجة من ست سنين وعندى ولد خمس سنين أسمه يوسف وولد سنتين أسمه معاذ ومش عايزة أقولكم مطلاعين عينى وأنا سكنه فى الجيزة وبصراحة المنطقة مش عجبانى ونفسى أعزل منها بأى طريقة أدعوالى ربنا يخرجنى منها على خير وانا ربة منزل ما بشتغلش قاعدة فى البيت ليل نهار لوحدى وجوزى كل وقته للشغل وبصراحة أنا اللى شايله مسئولية البيت لوحدى والمشكلة ان حتى ماما مش ساكنه جنبى ماما ساكنة فى 6 أكتوبر ولو عايزة أروح لها لازم طبعا أستنى لما جوزى يفضى عشان يودينى يعنى تقدرى تقولى كده أنى بروح عند ماما كل شهر أو شهرين أقعد كام يوم وارجع يعنى قاعدة يظهر ان انا ها بدأ أرغى من أولها وأوجع دماغكو معلش أعذرونى ماصدقت ألاقى حد أتكلم معاه سلالالالالالالالالالالالالالالالام:smile22:
الصفحات الأولى ... 2  3  4  5  6 7  8  9  10  ... الأخيرة

التالي

***ياااا حلووووه عرفيناااا عن نفسك ***

السابق

هل سنة 2011 سنة عادية؟؟

كلمات ذات علاقة
للمصريات , للامهات , المصريات , المقيمين , بمصر , دردشة