صديقتى حزينة و فضفضت معايا
مجتمع رجيم / أرشيف رجيم
كتبت :
رقة زمان
-
اذيكم يا بنات اول امبارح فضفضت معايا اقرب صديقة لى عن مشاكلها مع اخواتها فحبيت احكيلكم و اخد رائيكم يمكن اعرف افيدها
هى متزوجة و كانت عايشة فى شقة ايجار و عند انتهاء مدة الايجار طلب والدها منها ان تنتقل للعيش فى شقتها فى عمارة والدها و بصعوبة تم اقناع زوجها لانة كان رافض بشدة خوفا على كرامتة لانة كان حاسس انه هيكون عايش فى ملك زوجتة و كدة يعنى بس والدها اقنعة بالعافية و وافق بس للاسف اخواتها كانوا مضيقين جدا من مجيها البيت و القوا عليها باتهامات كتيرة انها بتستغل من غيظهم انها جات و كانوا دايما يتهموا امهم انها بتصرف عليها و ليها زوجة اخ ربنا يصلح حالها كل شوية تعرف انها قالت عليها انها وحشة و تية و مستغلة امها و بتصبر و ليها اخ كان اقرب واحد ليها قبل زوجهم و هو مرتاح جدا بس محروم من الاطفال و الشئ دى مخليها بتحبة اكتر و حزينة علية يمكن اكتر من نفسها المهم الاخ دى دائم اهالنتها و كل شوية يرمى عليها بانها ساكنة هى و زوجها فى بيت ابوها و يلمح انها متستحقش
فالاب لما عرف كدة حب يامن مستقبلها فى البيت بعد وفاتة لانة خاف لحسن يرموها اخوتها برة البيت بعد موتة فكتب وصية شرعية بان كل واحد من ولادة شقة و بما فيهم البنات كل واحدة شقة و فى المقابل عوض الصبيان باملاك تانية تعوض الشقة بتاعة البت لانهم بنتين و المفروض هما الاتنين شقة فالاب قال لا لازم اعطى كل بنت شقة علشان الزمن لانة مش ضامن حياتهم مع ازوجهم طبعا الاخوة رفضوا و قالوا المفروض البنتين شقة فالاب قالهم انة عوضهم اضعاف الشقة
بس المهم صديقتى دى اخوها اللى قولتلكم علية اول امبارح نزل عندها الشقة و ضيفتها تمام و لقتة بيطلب منها انها تبعد عن صديقة ليها اخت لصديقة اعتقادا منة انها بتنقل اسرارة لاخوا صديقتها عن طريق صديقتها فالاخت رفضت و قالت لة و الله انا مشفتش منها حاجة وحشة و عمرى ما هبعد عنها راح تطاول عليها بالسب و خلع الحذاء اعزكم الله و رفعة فى وشها و دى امام بنتها و هى مثرة تسيب البيت و تمشى فانا مش عارفة اقولها اية و هى هتموت من الزعل و الحزن
عاوزة ارائكم