مجتمع رجيمالنقاش العام

لو منحت 60 دقيقة لتعودي للماضي أين ستذهب ؟

لو منحت 60 دقيقة لتعودي للماضي أين ستذهب ؟





كيفكم ياحلوين ان شاء الله تمام


هذا سؤال طالما تهربنا من اجابته , ونكون احيانا مجبرين على استعادة
الماضي لحظةً بلحظة , نقلب أوراقه بتمعن مميت , و نعيد رسم الوجوه القديمة , وجوه ملت الحياة برونق الإحساس ...لكن ..
الحيرة تسيطر علينا حينها , فلا نستطيع التفكير , ونبدأ بالانسحاب بهدوء ,لنكون ضعفاء أمام الذكريات .


السؤال ؟



لو منحت 60 دقيقة لتعودي بها الماضي , أين ستذهبين بها ؟؟



من تختاري من الناس كي تقضيها معه؟؟



وماذا ستقولين له؟؟


الصراحه يابنات وبدي تفاعل بدون كذب


مستنيه ردودكم الحلوه
اممممممممم

سؤال سهل وصعب استني هفكر شوية كدة واقولك

هو مبدئيا اتمني ارجع اصغر من كدة طبعا يعني ياما طفلة ياما 16 او 17 سنة

بصي خلاص فكرت هقعد ع طوووووووول مع امي ربي يشفيها ويحفظها ومش هخرج كتير زي الاول يعني قبل الزواج

وهقعد او هتمننننننني اقعد مع خالي محمد الله يرحمه

وطبعا تيتا واهلي وهحب اعيش جو الاسرة يعني

وشكراااا ليكي ام شهد ع الموضوع الحلو ياقمر
اقتباس : المشاركة التي أضيفت بواسطة فطومة محمد:
اممممممممم

سؤال سهل وصعب استني هفكر شوية كدة واقولك

هو مبدئيا اتمني ارجع اصغر من كدة طبعا يعني ياما طفلة ياما 16 او 17 سنة

بصي خلاص فكرت هقعد ع طوووووووول مع امي ربي يشفيها ويحفظها ومش هخرج كتير زي الاول يعني قبل الزواج

وهقعد او هتمننننننني اقعد مع خالي محمد الله يرحمه

وطبعا تيتا واهلي وهحب اعيش جو الاسرة يعني

وشكراااا ليكي ام شهد ع الموضوع الحلو ياقمر
الله يخليلك امك يارب ويشفيها ليكي ياعسل
شكرا لمرورك على موضوعي وهذا شرف لي ووسام على صدري
موضوع لذيذ يا ام شهد
انا طبعا هتمنى انى ارجع بيت بابا تانى و ارجع بنوتة و ماكونش اتجوزت و لا انجبت يعنى حرة و هقعد تحت ارجل بابا و ماما و هخدمهم بعنيا ذى ما كنت قبل الزواج لانى كنت الحمد لله بساعد ماما فى كل حاجة و كنت بنوتة شطورة
و رغبتى دى لانى اتخرجت من الجامعة و اتجوزت على طول قبل ما اتمتع بحياتى مع ماما و بابا

فكرتك حلوة حبيبتي
طب انا را اح اقولك اتمنى انو اعيش مع جدي ربنا يرحمو وضحك معاه واتفسح و اتحامى فيه لما بزعج اخوتي ويقوم رايح يضربهم بالعصايا
والله من وانا صغيره يقعدني فوق كرسي فخم بتاعو بنسميه كرسي العرش هههه
ويقولهم اققعدو في الارض و يطلب مني اضرب الي ازعجوني باليوم ههههههههههههه
ربنا يرحمو و يجعل مثواه الجنه
شكرا حبيبتي على الموضوع
موضوع جميل جدا تسلمي عليه
بالنسبة لي ومن غير تفكير اتمنى اقعد الساعة دي مع والدي الله يرحمه .. واطلب منه انه يسامحني على اي حاجة عملتها وزعل مني بسببها .. لاني بجد في اوقات كتير بفكر انه يمكن يكون مات وهو زعلان مني او مش مسامحني .. وبزعل جدا على كل الاوقات اللي كنت بزعله فيها ..
لو سمحتم يا غاليات تدعيَن له بالرحمة
1 2  3  4  5  ... الأخيرة
كلمات ذات علاقة
60 , للماضي , لتعويد , مين , من , منحت , دقيقة , ستذهب