مجتمع رجيمالحمية و الرشاقة و الرجيم

لو سمحتوا إذا تقدرون تساعدوني

السلام عليكم ورحمة الله وبركاته

حبايبي ..

أنا حآبة أسأل إذا فيه بالمنتدى قسم لتفسير الأحلآم لأني مآ لقيت وأنا بصرآحة عندي حلم أبي تفسيره ومخوفني

بلييييز اللي تقدر تفسر ومتأكدة من تفسيرهآ تساعدني واللي شاكة بلييييز لآ تفسررر ..

ما أتذكره كله بس أتذكر الموقف اللي للحين أحاتيه وأفكر فيه .. الحلم هو :

أنا كنت بمكان ومعاي نآس وأتوقع أنهم أهلي لأني ما كنت مركزة كثير فيهم .. وفجأة واحد مسك أختي الصغيرة كرهينة يعني بيسوي فيهآ شيء فأنا جيت بسرعة ودفعت أختي لورى وصآرخت عليهآ أقول لها روحي أهربي وأقول لبنات عمي اللي ورآها أخذوها ودوها بعيد .. وجيت أنا بيد هالشخص بعدهآ بديت أشعر بالخوف وأقول أهم شيء أنقذت أختي خل يسوي فيني اللي يبيه بس بنفس الوقت أحس أني بموت من الخوف من هالشخص مع أني ما أعرفه أول مره أشوفه ومسكني وأحسه يبي يسوي فيني شيء بينتقم أو شيء =( فجأة شفت ورآه نمر كبيرررررررر لدرجة ما تتصورنهآ وهالنمر كان واقف ورآه واحد وكان النمر واقف على عمود وفوق العمود جالسة بنت وهالشخص اللي مآسكني وكنت خايفة منه صار كأنه صغير يعني طفل تقولين عمره 10 سنوات او 12 سنة وبحضني وأقول له النمر أبيه يخاف ويهرب علشان أفتك منه لأني أحسه بيسوي فيني مصيبة بس مآ هرب والنمر جاء لعندنا ووجه النمر بوجه هالولد والولد ولآ خاف مآ تحرك ومغمض عيونه علشان ما يحس فيه النمر وصار وجه النمر بوجهي وأنا كنت بصيح وبهرب بس سويت نفس الولد غمضت عيوني وكتمت انفاسي بخفيف بس النمر كان يتنفس بوجهي وأنا ميته خوف أقول بفتح عيوني بشوف وش يسوي والنمر لآ زال وجهه بوجهي وبنفس الوقت أقول يمكن بيأكلني خلني أشوف لآ فتح فمه يمكن أهرب أو ع الأقل أشوف وش يسوي دام طول الوقت وجهه بوجهي وشوي فتحت عيوني حسيت أني منسدحة على ظهري ولآ أتحرك لأني أحس النمر كان فرحآن أو يضحك < أدري بتستغربون بس حسيت لا زالت الأنفاس بوجهي مع أنه محد عندي وأشوف ظل لشخص أو النمر نفسه بس حسيت النمر صار شخص ويضحك علي وعلى اللي صار فيني مدري حسيته أرتاح بعد اللي سببه لي من خوف .. والولد اللي كان ماسكني وفجأة صار صغير من فتحت عيوني وانا منسدحة ما عاد شفته بس أحس أن في أحد حولي ينتظرني أسوي شيء

أنا طالبة بالجامعة .. بالدين صرآحة مو ملتزمة كثير .. بس ما أحس لي عداوات كل الناس تحبني وعلآقتي فيهم طيبة وعمري 21

أتمنى تساعدوني بتفسير هالحلم
كيفك حبيبتي

كل عام وانتى بخير

لايوجد بالمنتدي قسم لتفسير الاحلام غلاتي
كل سنة وانتى طيبة
المنتدى زى ماقالت فطومة مافى قسم خاص بالتفسير
بس حبيبتى حاولى تتقربي من ربنا صلى واقرئى قران ليحفظك الله من كل شر
دمتى بالف خير
السلام عليكم ورحمة الله وبركاته
عيدك مبارك وكل عام وأنت بخير بارك الله فيك
غاليتي إذا رأيت شيئ يكدرك في المنام قومي وصلي ركعتين وانفثي على يسارك ثلاثا ولا تخافين
ودمت بخير
كلمات ذات علاقة
من , تساعدوني , تقدرون , سمحتوا , هذا