الحمام المغربى فى البيت باقل التكاليف

مجتمع رجيم / المكياج و العناية بالجسم و الشعر والعطور
كتبت : رقة زمان
-
السلام عليكم و رحمة الله و براكاته


align="right">الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامه باستمرار بيفتح البشرة ويوحد لونها بصورة رهيبة واهل المغرب العربي بيداموا على الحمام دة كل اسبوع ولكن عندنا في مصر بيتعمل فى مراكز التجميل واغلب اللى بيعملوه العرايس علشان اسعاره بتكون غالية و انا النهاردة هقولكم على طريقة الحمام المغربى باسهل الطرق واسهل المواد المستخدمة و هنستخدم اكتر من بديل للمنتجات المستخدمة اللى بتجيب نفس النتيجة ويمكن احسن كمان و بلاش نجرى وراء اعلانات مراكز التجميل اللى هدفها الربح فقط يعنى لما يقولوا مينفعش تستخدمى غير الصابونة المغربية السودة اللى تمنها فوق 100 جنية يبقى ازاى يعنى اى حاجة تانى متنفعش ... هو ده كلام المراكز التجميلية اللى مش عايزة غيرالربح المادى بس المهم هنعمل اكتر من طريقة والله لافرق حتى اسالوا مجرب ونشوف المكونات اللى عايزينها للحمام المغربي المكونات -ليفة مغربى- بتتباع في الصيدليات على شكل جوانتى ب 21 جنية وفى نوع ب 33 مفيش فرق بينهم وفى الدول الخليجية نوع من بودى شوب برضة جوانتى او قفاز برضة نفس النتيجة -الصابون المغربى السايل- بيتباع عند بعض العطارين المشهورين هو اسمه صابون مغربى سايل حبايبى ملقتوش مش مشكلة كل مراكز التجميل معندهاش وشوفوا بيستخدموا اية هاتى صابونة لوز او صابونة زيت زيتون كلهم عند العطارين وسعرهم مبيعديش 10 جنية وفى ب5 جنية المهم ابشروها في المبشرة اليدوية عارفينها بتاعة البصل بتاعة زمان المهم بعد البشر هاتى الصابون وحطية فى حلة وعليه نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقيه زى الكريم بالضبط
-حنة ورق- (مش ضرورية بس فيه الي بيستعملها) برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولي للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكي طلبك من غير غش بس الاول اطلبى الحنة الورق الناشفة موجودة عند العطارين الكبار


align="right">-عصير اربع لمونات- واى -حمام كريم- لشعرك زيت طبيعى بيوبوينت اى نوع بتستريحيله بس انا بفضل زيت زيتون وزيت خروع وتدفيهم على النار علشان الشعر يشربهم وكمان -بونية- محكم للشعر اى -كريم مرطب للجسم- انا بفضل كريم جليسوليد الاحمر الاصلى هو جلسريين مجمد العلبة الصغيرة ب6 والكبيرة ب11 جنية واعصرعليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم
-حجر للقدم- بيتباع عند العطارين او فى طبى فى الصيدليات اللى يريحكم يا بنات استخدموه


align="right">طريقة الحمام المغربي بالتفصيل:


align="right">اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرىحتى يملؤه البخار اعملى حمام الزيت او الكريم لشعرك والبسى البونية وخدى بالك متخليش زيت حمام الشعر ينزل على جسمك وانتظرى 10 دقايق فى البخار علشان المسام تفتحو املى البانيو بالماء الساخن وانزلى فية ربع ساعة لو معندكيش بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة فى الفترة دى اعملى ماسك للوجة اى ماسك كويس بتستريحيلة وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاةالقلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلي الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقه ولزيادة سرعة الاكسجين فى الجسم وبعدين ادخلى تانى تحت الماء الساخن واغسلى جسمك مرة تانى ونشفيه كويس وبعدين ادهنى جسمك كلة بالكريم الجليسوليد المضاف الية عصير الليمون اوالجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك كويس وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلي جسمك وشعرك وشوفى النتيجة ولو استمرتى كل 15 يوم على الحمام دة هتشوفى فرق كبيييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهوبينزل معاكى فى الليفة ........
للامانة منقول من منتدى فتكات بس لما عجبنى جبتهولكم
كتبت : ××فراولة××
-
جزاكي الله كل خير علي النقل والافادة
كتبت : ..::[(kinzi)]:::.
-
مشكووووووره والله يعطيك الف عافيه
كتبت : حياتي بدون استغفار ولا شي
-
شكرااااااااااااااااااااااااااااااااااا

التالي

يوميات العناية بالبشرة والشعر

السابق

لا للتجاعيد

كلمات ذات علاقة
المغربي , البيت , التكاليف , الجمال , باقل , في