نعم يااااض!!!...دى البت بتاعتى!!!!!!!
مجتمع رجيم / النقاش العام
كتبت :
Lost Angel
-
السلام عليكم ورحمة الله وبركاته...
هاى عليكوا يا احلى بنوتات
إشطات عسلات حلاوات طحنيات
وحاسب النمل يا معلم
هاى عليكوا يا احلى بنوتات
إشطات عسلات حلاوات طحنيات
وحاسب النمل يا معلم
طبعا مستغربين العنوان..
اممممم
تيجوا نتكلم الاول...
عن البنت المحترمة...اللى عارفة قيمة نفسها....
ولد مثلا من شباب اليومين دول....
بيكلم واحد صاحبه...
اه دى كذا تبقى الجيرل فريند بتاعتى..
صاحبه:ياراااااااااجل..بتكلمها وبتمشى معاها يعنى؟
شكلها مؤدبة يعنى...
هو:لا انا لسه ماكلمتهاش
بس طبيعى لما اكلمها مش هترفض تصاحبنى
صاحبه:لا ماعتقدش
هو:طيب شوف
انا اخدت نمرتها من اخو واحدة صاحبتها
والله غلبت عقبال ماجبتها....
صاحبه:طيب مستنى ايه؟ورينى هتقولك ايه
هو:مش بترد
صاحبه:حاول تانى
هو:الو..
هى:السلام عليكم..مين معايا؟
هو:ااانا.......
هى:ايوة يا.....
حضرتك عاوز حاجة
وطبعا بم انها بنت مؤدبة فلا يمكن ترد على كلامه بزياده
اوحتى تتكلم معاه فى اى موضوع
هى:آسفة البنات كتير والنوع اللى انت عاوزه دا هتلاقى منه كتير
لكن انا مقدرش اعمل حاجة ماترضيش ربنا
ومارضاش انى اخون ثقة اهلى فيا
هو:..(طبعا هيتكسف يعنى بعد الكلام دا يقدر يقول ايه؟)
بكدا البنت دى كبرت فى نظره ونظر اصحابه
اللى مستنيينها تقبل العرض وتبقى صاحبة صاحبهم
بكدا البنت دى رضت ربنا وجزاها الله خيرا على اللى عملته
وجزاها على طريقتها...لا وافقت وقالت اوك وماله
ولا شتمت وهزأت
حفظت ادبها بكل ذوق...
بكدا البنت دى مخانتش زوجها المستقبلى
وكلمت واحد احتمال 99.9 مايبقاش من نصيبها
بكدا هى عارفة ومتأكدة انها حاجة غالية اووووى
مش هتضيع نفسها ولا هتسيب اخلاقها واحترامها لنفسها يضيع
بكدا البنت دى عارفة مصلحتها...
وعارفة ان السن الجميييل اللى احنا فيه دا...
عشان نبنى مستقبلنا ونرضى ربنا ونؤدى واجبنا ناحية العلم
زى ما ربنا سبحانه وتعالى عاوز
بأى شكل من الاشكال وفى اى وقت من الاوقات
واى موقف...لازم تحسى وتحسسى نفسك....
انك حاجة غااااااااالية جددددا ..انك جوهرة...
واللى يستحقك...لازم يكون عارف قيمتك
ومش عاوزك تضيعى فى الدوامه اللى البنات دلوقتى ضايعين فيها
مش عاوز الناس تقول عليكى كلمة كدا او كلمة كدا
نيجى بقى للبنات التانية...
اللى مابتصدق وتتكلم فى موبايلات او فى الشارع
ممكن نمرتك
هى:اه اوى اوى ..اتفضل
وبلاش تكلمنى بالليل عشان بابا بيبقى فى البيت
ياسلااااااااام...لا جادعة
انا ماشفتش بنات كدا قبل كدا
بس احتمال بردو..اللى يعيش ياما يشوف
المهم..
دى بقى مثلا فى الموبايل لما سالها وجنبه اصحابه
وافقت وقالتله ماشى وبقوا فعلا اصحاب
وخد ايميلى كمان يلا هيلا بيلا...
دى بقى...بجد بعد ماكانت حاجة جميلة ونفسه يكلمها
بقت حاجة...
مش عارفة بجد بس كدا بقى
تبقى فعلا زى السيجارة
هيشربك وهيرميكى ويدوس عليكى
او لما تيجى سيرتك ..يبقى طز
مين دى ياعم
كلمتيه؟اه وعمرى ماكلمت غيره
بس هو بقى شايف انك طالما قبلتى تكلميه فى موبايلك من ورا اهلك
او قدامهم يعنى كلها قلة ادب
يبقى بتكلمى غيره وغيره
ليه؟ليه تخلى الناس تاخد فكرة وحشة عنك؟؟
تاخد فكرة وحشة؟لالالالا دى فكرتها صح انتى فعلا وحشة
انتى مش خايفة على نفسك
انتى مش حاسة بقية نفسك
وبعد ماكلمتيه او رديتى عليه او اديتيله وش
مش هيبقالك قيمة اصلااااااااااا
حاسة ان كتير منكم هيقولوا الهبلة دى مكبرة الموضوع
مش مكبراه والله الموضوع كبييييييييير اوى عن كدا....
البنات اليومين دول بقت طايشة واهلهم والله مش واخدين بالهم منهم
انا الحمد لله الحمد لله واثقة فى نفسى وواثقة انى عمرى ماعمل حاجة تزعل ربنا منى
وبابا وماما واثقين فيا..
والله يا جماعة ساعات باقول لماما نفسي تفتشونى
نفسي تفتشى شنطتى وتدورى فى موبايلى وتسالينى مين دى ومين دى
بتقولى احنا واثقين فيكى...وعمرنا مانعمل كدا
فى امهات بقى مابيبقاش عندهم خلفية(آسفة)
بس مش بيبقوا فاهمين بناتهم...او بناتهم قدامهم بيبقوا ملاك
ومن وراهم استغفر الله العظيم..
والله العظيم انا خايفة عليكم اووووى اوووووى
والله بحبكم ونفسي نبقى بنات كويسة....
ونعيش بما يرضى الله...ونموت وهو راضى عنا
محدش عارف هيموت امتا...ومحدش عارف مصيره فين وامتا
بلاش نضيع حياتنا ومستقبلنا عشان حاجة تافهة زى دا
انا زعلانه اوى...لان كتير اوى من الزهرات بكلمهم.
اللى تقولى بحب واحد وبكلمه ع الموبايل بس عادى يعنى
واقول كلام واعيد فيه وهى ولا هنااااا
واللى واللى واللى
خلاص...محدش عارف قيمة نفسه خااااالص كدا؟؟
اوعى تدى نمرتك لاى واحدة...لازم تكونى واثقة ان اللى هتديها النمرة
مش هتديها لحد....
اوعى تطلعى موبايلك فى الدروس..زى ماتكونى بتقولى شوفوا ياولاد
انا معايا موبايل اسالوا على النمرة بقى وكلمونى
اه ماهم عرفوا ان ليكى موبايل
بالعكس كمان لازم زمايلك اللى هتديهم النمرة
تقوليلهم انه موبايلك انتى ومامتك...
ومحدش هيستجرى يكلمك عليه
رغم انى عارفة ظروفكم..وان فى السن دا بيبقى عندكم مشاعر كتيرة اوى
ومش عارفين تروح لمين...وكمان ممكن يكون فى مشاكل عائلية دفعتك لدا
بردو ملكيش حجة...وبردو والله بيسقطوا من نظرى....
ربنا يهدينى ويهديكوا....ويهدى كل واحدة مش عارفة فين الطريق الصح
غلط غلط وغلط كبير اوى...تضيعى نفسك وتفكرى فى الامور دى
حب ايه واعجاب ايه اللى يشغل بالك ليل نهار...لا هتفلحى فى مدرسة ولا فى بيت
نصيبك هتاخديه..بس باحترامك وباخلاقك اللى لا يمكن تتنازلى عنها
نصيبك هيبقى حاجة جميلة اووووى
لو ربنا راضى عنك..صدقينى حياتك هتبقى فى منتهى السعادة
فبلاش تزعليه منك
يارب مايكون كلامى تقيل عليكوا
