رجيم الدكتوره نبيله بجده .. بنات انا جديده ومتحمسسسه.. مين تبدأ معايا هالاسبوع؟

مجتمع رجيم / أرشيف رجيم
كتبت : لولي الدبه
-
class="quote">اقتباس : المشاركة التي أضيفت بواسطة عيوشه87:
يلا شدي حالك .. انا مشتركه بيوميات تانيه .. بس رح اشجعك ان شاء الله بتوصلي للوزن المتالي .. وبالتوفيق

اهليـن عيوشه ..
شكرراً حبيبتي على تشجيعك لي ..
والله كنت عارفه ان الكل مشترك في يوميااات تانيه .. يعني انا جيت متأخر
بس يلا مو مشكله .. يكفيني دعمكم واهتمامكم

تسلميلي يااارب
وان شااء الله كلناا نوصل للاوزان المثاليه في اقرب وقت
كتبت : الكيكه
-
الله يوفقج ويضعفج بصحه وعافيه
كتبت : لولي الدبه
-
align="right">اهليـــن pinkroOose

شكراً لمرورك وتشجيعك .. وابشري ياقلبي رح اعطيك كل التفاصيل اللي طلبتيها وازيد عليها كماان ..

طبعاً انا رحت للدكتوره نبيله بعدما الكل مدحها ليا من اقاربي وصاحباتي . وكمان لقيت كلام كتير عنها في النت والبنات يمدحوهاا ويقولو ريجيمهاا حلوو وتنزلك كيلواات كتير من غيرما تحسي بالتعب
هذا غير ان تعاملها جداً راقي .. واخلاق ومحترمه ماشاء الله عليها وتتقبل كل الاسئله والاستفسارات حتى على جوالها .. وتتابع معاكي اسبوعيا
لكن انا شخصيا عشان اكون صادقه معاكي لسا مابين معايا شيء .. لأني دوبي ماليا غير 5 ايام فقط .. وما ادري هل نقص وزني والا لا .. لأنها قالتلي ممنوع تشوفي وزنك الا عندي في الزياره الجايه .. يعني يوم الخميس ..

وبالنسبه لسؤالك عن انظمتها .. مالها انظمه معينه لأنها بتعمل لكل شخص جدول ونظام غذائي خاص فيه بعد قياس وزنه وطوله وعدد الكيلوات اللازمه للوصل للوزن المثالي
يعني بعدما تحسب دا كله تروح تعمل لك نظام بالاكلات اللي انتي تحبيها او تتقبليهاا وتسجلها عندها .. يعني مابتفرض عليكي تأكلي شيء معين وبس .. بالعكس بتديكي خيارات كتير
وترتبها لكي بحيث ماتتعدى 1100 سعرات حراريه في اليوم ..
طبعاً هذا ح يكون في الاسبوعين الاولى كـ بدايه .. بعد كذاا رح تقل السعرات الحراريه .. يعني بالتدريج عشان مايتعب الجسم
ويمكن زي ماقلتي اللي وزنها كبير يعني لازم تفقد كيلوات كتير .. ماتعاملها زي اللي بس تبغى تفقد شويه عشان توصل للوزن المطلوب .. يمكن تقللها السعرات الحراريه في اليوم .. والله مادري ..

واما بالنسبه للاسعاار .. هيا بتآخد كشفيه 100 ريال .. ومعاها 200 ريال حقت مراجعات شهر كامل .. يعني 4 زيارات في الشهر .. يعني يطلع المجموع 300
وبتعطيك حبوب طبيعيه تاخديها قبل الغدا والعشاا تساعد على حرق الدهون وعلى الاحسااس بالشبع .. تشتريها من عندها قيمتها 185 ريال
وبس
طبعاً اذا حبيتي تكملي معاها لأشهر تانيه .. ح يكون عليكي تدفعي في كل شهر ميتين ريال حقت المراجعاات والانظمه لانها بتتغير اكيد ..

ورح احط برنامجي الغذاائي اللي انا دحين ماشيه عليه عشان تشوفيه يمكن يعجبك وتمشي فيه معايا

مادري اذا كان كلامي كله واضح بالنسبه لكي والا لااء
عموما اي استفسار انا حااضره ياعسل
كتبت : لولي الدبه
-
class="quote">اقتباس : المشاركة التي أضيفت بواسطة رماد اليل:
هااااي ...ماشاء الله همتكي يا لولي ....والله اني ودي ابدي معاكي بس اصوم الحين ...وكمان مشتركه بيوميات ....

الله يكون في عونك يارب ...

اهليـــــــــن رماد الليل .. نورتي ياقمر ..
اشكرك على ردك وتشجيعك لي .. والله يتقبل منك الصيام يارب
ماشاء الله عليكي واضح همتك عاليه .. الله ييسر لك وتوصلي للوزن اللي بتحلمي فيه ..
كتبت : لولي الدبه
-
الشكر لله ..
اشكرك ع المرور .. واكيد ماستغني عن تشجيعك
دمتي كما تحبين اختي ..

زهرة البراري ..

مشكوووره حبيبتي .. ورح انتظر زيارتك لي في اليومياات ودعمك وتشجيعك ..
دمتي بخير ورشــــاقه بإذن الله

الكيكه ..
تسلمين حبيبتي ع الدعوات الحلوه زيك ..
وان شااء انتي كماان تضعفين وتحققين الوزن المثاالي وانتي بصحه وعافيه
كتبت : انا اصوله
-
الله يوفقك انا منتظره اشوف الرجيم اللي ادتك هو الدكتوره
الصفحات 1  2 3  4  5  6  ... الأخيرة

التالي

محتجالك أبوووح و أشكي أرمي همممي عليك و أبكي :‘(

السابق

سعدوني.. ارجوكم

كلمات ذات علاقة
مين , معايا , الدكتوره , انا , تبدأ , بيده , بنات , جديده , رجيم , هالاسبوع؟ , ومتحمسسسه , نبيله