يسلمووو كتير على الموضوع انا حياتي فيها شوي من حياتك
الصبح على 6 ونص بصحى من النوم بلبس بنتي للمدرسه وبعملها الساندوش وبيجي السواق بياخدها على ال7 بنتي طبعا بالكي جي 3
بعديها بعمل البلاك كوفي تبعي وبقعد شوي نت على الساعه 9 بيصحى ابني عمره سنه على ما اغيرله البامبرز الله يكرمكم واغسله واعمله حليب والبسه بطلع على ال9 ونص الجيم
برجع البيت على ال1 ونص تقريبا طبعا البيبي باخده معي هاد الشهر لانه البيبي ستر ليه ما جت وكتير متورطه حطيته بحضانه بنفس الجيم
اول ما ارجع بتيجي بنتي وعلى ما تغسل وتقعد شوي تلفزيون اعمل الغدا مرات اكون محضرته من بالليل او بالصبح قبل ما اطلع
بعد الغدا جوزي بيغسل الطباق كمساعده على ما تيجي الشغاله
بعدين انا بقعد اعمل الهوم ورك مع بنتي عايزلها ساعتين على ما تخلص بتكون الساعه 6 طبعا في وقت الهوم ورك بكون قاعده مرات على النت ومرات لو مانام ابني بكون العب معه
من الساعه 6لل 7 بنتي وابني بتتفرج براعم ولا نكولوديا وقتها انا بكون خلالالالالالاص راسي مقفل ومغفيه جنبهم على الكنبه ونايمه ممكن تسحب لل7 ونص لو كنت تعبانه
بعد هيك جوزي بروح للجيم وانا بنيم الولاد على الساعه8 وبعملي اي حاجه ازبط فيها حالي بيكون وقتي الخاص من ال8 للعشره و على الاغلب جوزي بجيب العشا من بره
مرات بعمله بالبيت حواضر او ساندوش على حسب لانه برجع جعان من النادي على ال10 وبعد ما يتعشى بنلعب بلايستيشن او بنتفرج مباره او موفي على حسب على الساعه 11 ونص او 12 بالكتير بنروح انام
هاد بالايام العاديه اما يوم الخميس بحبه لاني بشبع نوم بصحى على الساعه 9 وبعدين غالبا ما بطبخ غدا بنطلع نتغدا بره او بنكون معزومين او شي وما بكون في هوم ورك لانه اجازه للكل بالبيت ههههههههه
يوم الجمعه هااااااااااااااااد مصيبه بيكون يوم الغسيل بضل اغسل من العشره لل2 واذا كان في شي تعزيل ولا تنظيف بالبيت بنعمله بصراحه ما بنكر جوزي انه بساعدني من يوم ما سافرت الشغاله
والله يعين هاد الروتين اليومي لكل المتجوزين
بس بالنسبه لحلمي اني اعمل شي اغير الروتين هاد لاني بصراحه بملللللللللللللللللللللللللللللل منه ولو عندكم اقتراحات ياريت تحكولي