طريقه سهله جدا لعمل بيتزا وممكن فطائر صغيره

مجتمع رجيم / المعجنات و الحلويات

كتبت : نور2011

السلام عليكم ورحمة الله وبركاته

شوفو يا قمرات انا كان نفسي اعرف طريقة الببيتزا اوي

وقريت كتير

المهم مطولش عليكم جربت طريقتين من منتديات كده ومنفعتش معايا المهم وبعد طول انتظار

قلت امبارح لازم اعمل بيتزا

جبت 1كيلو دقيق لازم يكون نوع كويس

وعلبة زبادي

و2 ملعقه كبيره خميره فوريه

وملعقه سكر صغيره

وطبعا ذرة ملح

والان الطريقه

حطيت علبه الزبادي على كيلو الدقيق وذرة الملح وعجنت

ودوبت في كوباية ميه دافيه (لازم جدا الميه تكون دافيه مش ساخنه جدا ولا ساقعه جدا)

دوبت فيها 2 ملعقه كبيره خميره فوريه وملعقه السكر وتركتها 5 دقايق هتلاقي الكميه كترت ودا دليل ان الخميره سليمه او نوعها كويس

بعد الخمس دقائق حطيتها على الدقيق والزبادي وعجنت وطبعا احتاجت شويه ميه دافيه انتي هتحطي الميه شويه بسيطه كل ما تحتاج لحد ما تلاقيها عجينه مبتلزقش في ايدك

وبس خلاص بعد العجن غطيها كويس جدا لمدة تقريبا ساعه او اقل هتخمر وقطعيها وافرديها في ارتفاع تقريبا نص سم

وحطي على الوش كل الي بتحبيه وخلي الفرن عالي وسويها

وبنفس العجينه مكن تحشي العجين لحم مفروم او مربى او زعتر وجبنه وسويها مع دهن الوش بيض او ملعقة زيت على لبن يعني زي ما تحبي

وبالهنا والشفا

اول مره اكتب وصفه معلش طولت عليكم يارب تعجبكم

كتبت : habibat zaujaha

هلا حبيبتى
مشكورة على الوصفة الشهية
على فكرة حبيبتى البنات ماشاء الله فى قسم الخاص للمعجنات والحلويات عاملين انواع كتيرة من البيتزاء ممكن تطلعى عليها وتستفيدى
ياسلالالام لو ارفقتيها بصورة كان اخدتى احلاء وسام ياقمر
بانتضار ابداعاتك الجميلة

كتبت : نور2011

ربنا يخليكي رفعتي معنوياتي قلت محدش شجعني حتى وانا لسه جديده هنا

تسلمي لمرورك الطيب

وهشوف حالا افكار القمرات الي بالمنتدى

معلش معرفتش اصور البيتزا الي عملتها بس بجد كانت حلو وشكلها زي الجاهزه

احم احم
ببتشكر نفسها هههههههههه

كتبت : فرفوووشه

كتبت : اميرة حلوة

الله يبارك فيك يا نور....نورت صح قسم المعجنات و دخلتي علينا ببيتزا باينة تجي بنينة...يعطيك الصحة و نستنى المزيد من ابداعاتك

طريقه سهله جدا لعمل بيتزا وممكن فطائر صغيره

مجتمع رجيم / المعجنات و الحلويات

فهرس مواضيع حملة سماء الإبداع

تطبيق دوره في المعجنات الجزء الاول