طيبتى سبب همومى .. ياليتك يابوى ترجع تشوف عيالك وش سوى فينى من بعد عينكـ ..

مجتمع رجيم / أرشيف رجيم
صموته
السلام عليكم ورحمه الله وبركاته ..
يمكن تعروفون قصتى مع اخوى .. ويعرفون وش قد انا مقهوره منهـ .. ومن افعالهـ ..

بس اليوم بتكلم معاكم وانا مو قادره اتحمل الظغوط والتعب والهموم اللى ساكنه بداخلى ..

انا ارمله وام 4 بنات و ولد واحد عمره 9 سنين .. الحمدالله موظفه وهذا الشى الوحيد اللى خلانى اعتمد على نفسى ومااحتاج لاحد .. ساكنه فى بيتى وبعد فتره سكنت معاي امى واختى لان صاحب بيتهم طردهم .. وكنا مبسوطين ومرتاحين .. على فكره نسيت اقول لكم انا عندى 4 اولاد بس للاسف انهم اخوان بالاسم .. يعنى ماينفعون بشى ابد .. وماكان هذا مهم بالنسبه لى لانى معتمد على نفسى .. المهم نرجع للموضوع .. اخوى الكبير قرر يتزوج فااقترحت عليه يجى يسكن معانا بما ان البيت كبير ومافيه الا احنا واحسن له من الاجارات... وعشنا فى البيت ومرت الايام .. طبعا مافى احد يصبر على احد .. طبعا شايل ايده من البيت والله مايشترى ولا شى اللهم مره وحده بس اشترى اغراض البيت لما جت زوجته من عند اهلها .. ودفع مره وحده معاي فاتوره الكهرب .. وسكت قررت انى اتزوج ابى لى زوج يكون مسئول عنى يشيل معاى من الهموم وبدا التخريب من جهه اخوي .. وطبعا مايقابل الناس ويوعدهم ومايجيهم .. طبعا امنت انه ماراح يوافق .. وعدلت نظر وكل يوم اتحسب عليه وان شاء الله اشوف فيه يوم .. المهم بديت اعتمد على الناس واطلب فلان وعلان والله يابنات ان الناس صديقاتى وازواجهم يسون لى كل شى ابيه .. واخوانى قاعدين مايحركون ساكن وانا صابره واقول عشان امى .. واخر شى قلت بطلع لى سواق وبجيب لى سياره واخفف من طلباتى للناس .. لانه عيب ياوجه استح .. المهم قدم لى ابوى صديقتى على سواق والله يابنات انى رحت معهم للاستقدام وهم اللى سوا لى اوراقى واخوانى نايمين بالبيت .. وبعد شهرين جاء السواق .. بس مافيه سياره ومااقدر اقدم لان اخوانى مطلعين باسمى سيارات ومااقدر اطلع لى ... فقالت لى صديقتى عندهم سياره اخوها قديمه اقدر استخدمها الين الله يفرجها .. واقدر اشترى سياره .. الامور الحين كويسه وتمام .. الى حد امس ومن هنا تبداء القصه ..

امس قمت الصباح وقلت بروح افطر مع صديقتى فى بيتهم وهى جارتى .. قلت حق بناتى انا طالعه بروح بيت جيرانا .. ولقيت اخوى بالصاله .. سلم على ورديت عليه وطلعت .. والله وكيل ماجلست عند صديقتى الا ربع ساعه .. الا بنتى تتصل تعالى ياماما فيه مشكله بالبيت .. واطلع على طول والقى الاخ كسر سياره الناس ( كسر الزجاج اللى وراء كله ) ومتهاوش مع اختى وقال لاختى والله لو عتبتوا الباب اقتلكم .. وكلام كله سب وهواش .. دخلت البيت وطقيت عليه باب غرفته وتكلمت معاه وانكر يابنات .. ويحلف انه ماهو هو .. مع ان اختى تقول انا شفته شايل الطابوقه اللى لقينها فى وسط السياره .. وبعدها انهديت فيه وطردته هو و زوجته ورحت اتصلت بالشرطه .. ولما سمع طارى الشرطه .. ركب السياره وانحاش .. وكان خايف .. وسويت بلاغ وطلبت تعهد انه مايقرب البيت ولا يجى يمى ولا يهدد ولا يسوى لى شى ..

المهم طول امس عايشه برعب كارهه البيت وخايفه على عيالى واحس انه مجرم .. وخايفه انى يسوى لى شى انا وبناتى ..

ابى منكم مشوراه ايش اسوى .. هو قال راح يطلع من البيت بس انا اعرفه اكيد ماراح يتركنى لحالى لانه من النوع الحقود واكيد بيسوى لى شى او عيالى ..
انا فكرت ابيع البيت واطلع من الديره لان ماعندى فيها احد ابد .. اخون مالهم فايده .. وماعندى زوج او احد مسئول عنى والله ان السواق طلع احسن من اخوانى .. واهل عيالى جابرين بناتى يتنازلون لهم عن ورث ابوهم ولما ارفضوا البنات .. ماصاروا لايتصلون ولا يسالون عنهم ؟
او انى اسكت واجلس فى بيتنا واتوقع انه ماراح يسوى شى ..

انا فى حيره ساعدونى الله يخليكم ..
عبير ورد
السلام عليكم ورحمة الله وبركاته
غاليتي مع الأسف إنت غلطت على نفسك ولا أولادك بأنك جعلت أخوك يتزوج ويسكن معك وأنت أعلم برجال هالوقت ما يصدق أن فيه وحدة تشيل عنه أمور الحياة من أجار وكهرباء وخلافه
ثانيا بارك الله فيك إنك أسكنت والدتك وأختك معك هذا من البر وسع الله في رزقك

ثالثا من حقك الزواج ولا يقدر أي كان أن يمنعك من حقك الشرعي الذي أباحه الله لك

رابعا : يجب عليك البقاء في بيتك ولا تبيعينه إذا كنت في المملكة تعرفين كيف غلاء العقار وأخيرا يجب عليك أن تتخذي قرار بعلاقتك بإخوتك اجلسي معهم وتفاهمي وإذا كان إخوانك ليس من الذين يتفاهمون وخاصة الذي كان يسكن معك عليك التوجه إلى الأمارة وتحسمين الأمر

أرجوا لك حياة سعيدة ودمت بخير
habibat zaujaha
اولا قلبى معاك اختى
تانيا
زى ماقالت الاخت عبير
احنا بزمان النفوس تغيرت كان خطا سكن اخوك معكم
لاتبيعين بيتك وكونى قوية خاصتا قدام اولادك ولاتخافين
البلد فيه قانون ومانا فى غابة وماراح يسوى شى لبناتك
ادعى ربك وتضرعى ليه ان يسترك ويوفقك انتى وعيالك ويحفظكم
اهمس فى ادنك بش مهم غاليتى
تارك انتى الان الام والاب والرجل والمرءاة معن لدلك عليم مسؤؤلية كبيرة
قبل كل شى كان لازم تفكرى
متلا انتى سكنتى اخوك معم ونسيتى انك مسؤلة على راحة عيالك ودراستهم ودخلتيهم فى جو مشحون عدائية ومشاكل مالها داعى
لدلك استفيدى من الدرس اختى
واياك ان تتنازلى فى يوم من الايام على حقك فى ورت او حق ابنائاك فى ورت ابيهم
وان تركهم اهل والدهم دا يعنى فانهم فشلو فى الاختبار ولاخير فيهم لكن رغم دلك فليصلوهم ولو بالعاتف وان رفض اهل ابوهم التواصل معهم الا بشرط التنازل
عندها هم احرار تركهك غنيمة
واكررحبيبتى من تجربة قريبة زوجى مشابهة لقصتك لكنها تزوجت مرة اخرى من رجل طمع فى حلالها فندمت ندم شديد
ربنا معاك وطمنينا عليك
ღ♥ بسمة الحياة ღ♥
اختي الغالية
اسعد الله قلبك ورزقك بر ابنائك كما بريتي في امك
غاليتي
اولا انت اخطئت منذ البداية انك اسكنت اخيك معك لان هذا لست صاحبة القرار فيه للوحدك لديك من الابناء خمسة انت مسئولة عن توفير السكن المريح لهم لماذا جعلتي انسان قادر يشيل نفسه من التعدي على ممتلكاتك الخاصة 000 امك واختك انت ملزومة بهم اما غير هم فلا
عموما لاتسمحي له بالعودة نهائيا لمنزلك ولا تسمحي له بخلخلة عشك الهادي ولا تبيعي منزلك ونحن لسنا بغابة هناك قانون يردعه كوني صارمة وجادة 00 واتخذي قرارات مهمة في حياتك
حياتك ليست ملك لك وحدك 000 وان لم يتعاونوا في موضوع زواجك فهناك الف رجل وهناك الف امراءة بالف رجل 00 استمري في حياتك ولا تتعدي المثبطين يهزموك
تقبلي مروري
موفقه

شمس التوبة
هلا عزيزتي

انا ما بذكر لك الاخطاء فأنتي على علم بها نحن الان بصدد التعامل مع المشكلة

ببساطة زوال الاسباب انتي ام وعاقلة متفهمة تعرفين الاسباب اللي تسبب لحياتك الهم وتجلب لك المشاكل ابعديها عن حياتك وعيالك بترتاحين

الاخوان بها الزمن مامنهم فايدة وانا اقولها لك بصدق ووعي البركة ان شاء الله بعيالك هم نور عينك ومنى الخاطر ابعدي عنهم الهم والغثاء واتركي المجاملات الا هذا اخوي واختي تعاملي معاهم من بعيد بالحسنى

البيت من حق الاولاد لراحتهم لا تسمحي لاي مخلوق يعكر صفو حياة ابناءك ليجدوا الراحة وقلبك الدافيء بعد وفاة ابيهم

والباب اللي يجي منه الريح سده واستريح
flower1
السلام عليكم اختي
اول حاجه انا مع الاخوات برائيهن بانك اخطات من البدايه لكن الان اللوم لاينفع او انا من رائي اذا حاسه انه اخوكي رح يقوم بعمل فيه ايذاء فالافضل ان تبلغي الشرطه حتى ياخذو منه تعهد بعدم التعرض لكم

او ماتنسي اطمنينا عليك
موفقه حبيبتي

التالي

وين صندوق الدردشه ؟؟؟؟؟؟؟؟؟؟؟

السابق

أعرفـي من أنصفكـِ أيتهـا المـرأهـ~

كلمات ذات علاقة
من , برجع , تشوف , بعد , ياليتك , يابني , سبب , سوى , عيالك , عينكـ , فيني , همومي , وَ , طيبتي