اللي حــابه تكووون غير بالعيــد " تشــاركني تجربتي مع رجيـم دكتور نيوترشن " احسن رجيم اتبعته ،،

مجتمع رجيم / أرشيف رجيم

كتبت : شديت انتباهي

مرررحبـــاا . يائمــرآآت ،،

رجعت لكم بيومياااات جديده ،،

" واتمنى من الاداريات مايحذفون موضوعي " ،،

لآني حابه اافيد واستفيد مع كل بنت تشاركني ،،

طبعاً تجاربي مع الرجيم كثيره .. وصرآحه كنت اسوي رجيم وانزل عليه بس ماكنت احافظ على وزني ،،

وبعد الحمل بالذااات صارت لي عقده نفسيه من وزني ،،

وطبعا بعد ماخلصت اجازة ولادتي ولما رجعت لشغلي انصدمت ببنات بالدوام ضعفانين حيييل ،،

واوزانهم كانت كبيره بس ماشاء الله عليهم تغيروا تماماً اللي نازله 12 كيلوا واللي نازله 20 واللي نازله اكثر ،،

فلما سألتهم عن الرجيم . قالوا لي عن " مــركز دكتور نيوترشن " ،،

وطبعا بعض الدول تعرف هالمركز وقلت ماراح انزل موضوعي ورجيم دكتور نيوترشن الا اذا كان مضمون واجرب اول اسبوع واشوف نفسي اذا نزلت ولا لا وبعدين احط الموضوع ،،

والله يشهد على كلامي اني نزلت بأول اسبوع "بدون رياضه" لانه منعني منها في الاسبوع الاول 3 كيلوا ونص كنت 74 وصرت 70.800 وكل ماكان الوزن اكبر ينزل اكثر واكثر . وطبعا قالي الدكتور راح تحسي بشكلك يضعف اكثر من وزنك لان وزنك مو كبير وهذا اهم شي انه يبين بالشكل وربي من اول اسبوع حسيت بفرق كبير حتى بملابسي فعلا كلامه صح ،،

الدكتور قالي اول اسبوع بيكون فيها رجيم بس بدون رياضه عشان يتعود الجسم عالرجيم ولو سويت الرياضه ممكن تتحول الدهون الا عضلات وبالتالي راح يزيد وزني مو ينقص ،،

واول اسبوع يكون صعب بس لازم تستحملي عشان تشوفي النتيجه وللعلم وربي انا ماشفت النتيجه بالميزان انا شفت النتيجه بوجهي وبجسمي ،،

طبعا طووووولت عليكم ::
والكل متحمس للرجيم بس ابي تفاعل لان صار لي اسبوع بس مع هالمركز وكل جلسه اروحها يعطيني رجيم مختلف وبنزل لكم الرجيمات اللي يعطيها لي ،،

يلآآآآآ يائمـــرآآت ابي تفاعل بعتبر بدايتي معاكم ان شاء الله احمسكم وتحمسوني ،،

" وشروووط آول اسبـــوع "

1- في حاله الجوع الشديد ما بين الوجبات يمكن تناول كمية أضافية لكن من البيض أو الجبن أو المارتديلا البقري أو التونا
لكن معقولة

2- لا يسمح في هذا الاسبوع بشرب أي نوع من عصير الفواكه

3- لا يسمح بتناول أي نوع من الفاكهة

4 لا يسمح بتناول الخضار ما عدا المكتوبة في الجدول

5 لا يسمح بشرب الحليب الخالي الدسم ولا أي منتجات قليلة السعرا ت الحرارية
ولا يضمن الدكتور أي لدى البقالات والسوبر ماركت

6 يمكن استبدال اللحم بالدجاج أو السمك أو العكس

7 يمكن تناول الشاي والقهوة بأي كمية لكن من دون سكر
او استخدام سكر الريجيمـ

8 يمكن استبدال الجبن بالمارتديلا أو التونا او البيض او العكس

9 اجباري شرب 8 أكواب ماء في اليوم الواحد (يوميا)

10 يمنع منع باتا تناول تناول أي منتجات الدايت قليلة الدهون أو السعرات اللتي تباع في الاسواق
وذلك لأنها تكون تجارية وتؤثر على البرنامج .
" رجيــم اول اسبوووع اللي بدون " رياااضه " ..

نبـــــدا

بسم الله الرحمن الرحيم

_______________________

اليوم الاول :-
* فطور *
قطعتين جبن قليل الدسم + شريحة مارتديلا بقري (35 غ )

*غداء *
ربع كيلو مشاوي تكا + صحن سلطة صغير

* عشاء *
بيضة مسلوقه أو صحن شاورما عربي بدون خبز (سبق أون طرحت الطريقة الصحية لعمل الريجيم في البيت)

___________

اليوم الثاني :-

* فطور *
بيضة مسلوقة + قطعة جبن خالية الدسم أو قليلة الدسم

* الغداء *
صدر دجاج مشوي + نصف كوب لبن أب

* العشاء *
لبنه ملعقتين خاليه الدسم أو قليلة الدسم + شريحة مارتاديلا بقري

______________

اليوم الثالث :-
* الفطور *
شريحة مارتاديلا بقري + جبنه خاليه الدسم

* الغداء *
صدر دجاج منزوع الجلد مشويأو مسلوق 200 غرام أو تكا دجاج أو خضار مسلوقة (ملفوف + قرنبيط + كوسه) مع المرق

* العشاء *
شريحة مارتاديلا + بيضة مسلوقة
___________________

اليوم الرابع :-
* فطور *
قطعة جبن خاليه الدسم أو لبنه (لايت) مقدار معقتين

* غداء *
سمك مشوي أو مسلوق

* عشاء *
كبد مشوي مقدار 200 غ + نصف كوب لبن أب

____________________

اليوم الخامس :-
* فطور *
بيضة مسلوقة + قطعة جبن خفيفة الدسم

*الغداء * صحن سلطة صغير + صدر دجاج مشوي أو مسلوق

* العشاء *
علبة سمك تونا بالماء

_____________________

اليوم السادس :-
* فطور *
2 قطعة جبن قليلة الدسم

* الغداء *
مشاوي تكا + صحن سلطة صغير

* العشاء *
شريحة مارتاديلا بقري + ملعقتين لبنه لايت

________________________

اليوم السابع والاخير في هذا الاسبوع :-
* الفطور *
2 بيض مسلوق + قطعة جبن قليل الدسم

* الغداء *
باذنجان أو كوسه أو سبانخ (مسلوق ومطبوخ مع المرقة والتوابل)

* العشاء *
جبنه خاليه الدسم + شريحتين مرتديلا بقري
_______________________

ملآآآآحظه مهمــه :

* اصعب اسبوع هو الاول " مع اني بصراحه ماشفته صعب " وراح تتعو معدتك عالاكل الخفيف ..
* انسي شي اسمه " ميزآآآن " الا بعد ماتخلصي الاسبوع الاول وصدقوني يابنات رااااح تحسوا بفررررق واااضح بالشكل قبل ماتوزنوا ..
* كل وحــده تكتب طــولها ووزنها وياليت تحط لنا شريط الوزن بالتوقيع ،،
______________________

للعلم قالي الدكتور اذا استمريت عليه راح انزل للعيد تقريبا 12 كيلوا وهاللي ابيه واتمناه وان شاء الله اوصله

الموعد الجااااي لي تاريخ 2/11/2010 ، يعني تقريبا عشرة ايام وطبعا قالي اعيد هالاسبوع بعد بنفس الرجيم بس هالمره مع رياااضه ،،

يلآآآآآآآ فديتكم من حاااابه تكووون معااااي من اليوم ان شاء الله تاريخ 24/10/2010

والله ينحفنا ياااااربي من غييير شر ..