اذيكوا يا احلى اعضاء ومشرفات واكيد كمان احلى زوار فى احلى منتدى فى الدنيا قبل ما ابداء فى موضوعى احب ابوحلكوا باسر رهيييب انا للأسف الشديد عمرى ما دخلت القسم دا وتمعنت فيه غير من بداية الحملة وعجبنى جدا (ودا طبعا تقصير منى) فياريت تسامحونى وبلاش تستعملوا معايا العنف انا هاجى لوحدى هنا علطول ان شاء الله واحب اشكر كل العضوات اللى بيترددوا عليه والمشرفات القائمين عليه وبرفعلهم القبعه وبحييهم اكبر تحيه ادخل فى موضوعى البعض من تجاربى وحلولى المنزليه 1- وداعا لرائحة الحمام الكريهة (تجربة رائعة موفقة) المطلوب اى مطهر للحمام زجاجة بلاستيك فارغة وابره ضعى ملعقتين من المطهر فى الزجاجة والباقى مياه واغلقى الزجاجة جيدا وخرميها بالأبرة حوالى خمس اخرام فى اماكن مختلفة وافتحى غطاء السيفون وضعى الزجاجة فيها مش عارفة اكمل كفاية لغة عربية اتكلم عمى شوية هههه وطبعا كل ماتعملى السيفون تظهر الرائحة الجميلة فقط بجد انا قرأت الفكرة دى فى منتدى تانى وجربتها ومن ساعتها وانا مابستغانش عنها ابدا ابدا
2-
لغلاية جديدة مليون فى المية (تجربة فوق الخيال) اعتقد ان اغلبية اللى بيستعملوا غلايات للشاى بعد فترة بيعانو من حاجتين اولا غسيلها لأنها مستحيل تنضف للآخر ثانيا التغييرالمفاجأ لطعم الشاى(ودا طبعا بسبب الأوساخ) وطبعا بقى عندى غلايه جديدة مليون فى المية بدون شك واكيد الفضل يرجع لله ثم لغدووووووووور ودا الرابط بتاع الموضوع بتاعها http://www.rjeem.com/forum/t87465.html المطلوب خل - ليمون -مية املى تقريبا ربع الغلاية خل والباقى مية واعصرى نصف ليمونة وافتحى عليهم وسبيهم ساعة تقريبا ورحى شوفى هتلاقى الأوساخ قلت جدا ولو احتاجت (زى بتاعتى ) تتفتح عليها تانى افتحى وكررى العملية دى لحد ما الأوساخ تنتهى قبل التجميل بعد التجميل
شكرا يا غدورة على موضوعك المميز تقبلى تجربتى
للتخلص من رائحة الثلاجة اثناء السفر او... (تجربة مؤكدة مليون فى المية) المطلوب كيس فانيليا فقط (اعتقد مش محتاجة صور) انا متأكدة من التجربة دى لأنى بعملها علطول لما باجى اسافر افتحوا كيس الفانيليا وفضيه فى طبق وحطيه فى الثلاجة واقفلى عليه الثلاجة بس
الخضار طازج طوال السبوع (لا استطيع الإستغناء عنها) المطلوب قطعة قماش مربعة او مستطيلة وتقفليها زى كيس المخدة بالظبت وحطى الخضار فيها قبل وضعه فى الثلاجة هايفضل يحتفظ برونقه نسيت اصور الخطوة دى ان شاء الله انزل صورها بكرة اخر تجربة لأنى حاسة انى طولت عليكو
احلى مخلل بقشر الليمون لا ترمى قشر الليمون بعد اليوم (فكرة ممتازة) والله انا مجرباها وتحفه لو هاتعملى حاجة فيها ليمون كتير زى الدقة مثلا شيليى القشر وماترميهوش وخلليه زى اى مخلل ليمون وانا عن نفسى بحبه عن اى مخلل ليمون شوفو شكله جميل ازاى وبكدة خلصت اول موضوع ليه فى القسم الرائع دا اتمنى اكون افادتكوا ولو بقليل لو عجبكوا الموضوع اتمنى تقيموه عشان اتشجع اكتر تحياتى لكم
كتبت :
فطومة محمد
-
روووووووعه ياملوكه ماشاء الله
والله انك شطوره وتستحقي جايزه وهنزل مصر مخصوص في العيد عشان اديكي الجايزه
انتظريني في العيد
كتبت :
Coeur de Rjeem
-
ملوووكه العسوله
نورتي القسم
ماشاء الله عليك
شيف و مدبره منزليه
اكيد راح تتخطفي
موضوعك رائع حبيبتي
كتبت :
✿ موكآ فرآولة ✿
-
ماشاء الله عليك يا ولا احلى
تجااااااااااااااااااارب مفيده جداااا جدااااا
ونورتي قسم التجاااارب والحلوول المنزليه وان شاء الله دائما تنوريناا يا قمر بأفكاااارك الحلوه
:)
كتبت :
randoda
-
ايه الجمال ده يا بنتى لا و الله موضوع جميييييييل
و طريقة الطرح رااائعة و مشوقة تسلمى يا سكر
كتبت :
ولا احلى
-
class="quote">اقتباس : المشاركة التي أضيفت بواسطة فطومة محمد: روووووووعه ياملوكه ماشاء الله
والله انك شطوره وتستحقي جايزه وهنزل مصر مخصوص في العيد عشان اديكي الجايزه