مجتمع رجيمالأطباق الرئيسية

ملوخيه وصينيه بطاطس وفراخ محشيه ومخلل باذنجان ( حمله سماء الابداع )




http://www.rjeem.com/up/images/na6ix3gesm3zm4fwrhn8.gif




اخواتى الحبيبات
اليوم عملت طبخه عاديه وانا بحبها جدا و حبيت اصورها لكم

اولا الفراخ
مكونات الخلطه
بصله مفرومه
نصف مكعب زبده
كوب ارز ( ينقع لمده ساعه علشان يستوى داخل الفرخه كويس )
ملح - فلفل اسمر - ورق لورى - حبهان


وممكن الكبده والقوانص بتاعه الفراخ تحطيها مع الارز
بس انا بحشى الفراخ بدون الكبد والقوانص لانهم عندى مش بيحبوهم
ودى طريقتها انك تقطعى الكبد والقوانص لقطع صغيره وتحمريها مع بصله ونفس البهارات الى ذكرتها وبعد ما تصفر الكبده والقوانص تكونى غاسله الارز وتضعيه عليها وتشحويه معاها شويه وبعدين تضعى نصف كوب ماء عليهم لحد ما تستوى شويه وبعدين تحشى بيها الفرخه

الخلطه



بعد ذلك نحشى الفراخ من الداخل ونفصل ما بين الجلد ولحم الدجاجه ونضع بداخله الارز


بعد ذلك اقوم بتخيطها ووضعها تتسلق





وهنا بعد السلق




وبعد كده شلتها من الشوربه ووضعتها فى الفرن علشان تتحمر
ودى النهايه





خلال ذلك اقوم بعمل صينيه البطاطس
مكوناتها
كيلوا بطاطس
3 بصلات
كيلوا طماطم
1 فلفل رومى
معلقتين سمن او زبده
ملح - فلفل

قمت بتقطيع هذه المكونات ووضعت الزبده



بعد ذلك خلطت الطماطم ووضعتها على صينيه البطاطس


بعد ما تتشرب صينيه البطاطس الطماطم وتتسبك اضع عليها كوب او كوبين شوربه لحد ما البطاطس تستوى
ودى فى النهايه بعد دخولها الفرن





الملوخيه

المكونات
نصف كيلوا ملوخيه
3 كوب شوربه مضبوطه الملح
5 فصوص ثوم كبار
قليل من فلفل اخضر مطحون حار
زبده او سمنه
كسبره ناشفه
مكعب مرقه دجاج


اولا اقطف الملوخيه واقوم بغسلها ووضعها فى مصفاه علشان تنشف


بعد ذلك اخلطها فى الفود بروسيسر وانتى براحتك ممكن تخليها انعم من كده



اكون فى هذا الوقت خلطت الثوم والفلفل ووضعت عليه الكسبره واخذ معلقه منهم واضعها على الشوربه واضع مكعب مرقه الدجاج واتركها لحد ما تغلى


بعد ذلك اضع الملوخيه واضربها جيدا بالمضرب اليدوى لحد ما تكون خليط واحد واتركها لحد ما تبتدى تعمل رغاوى لونها ابيض اشيلها كلها بس اترك القليل منها
واطفىء النار عليها

ثم اقوم بتحمير الثوم والفلفل والكسبره فى السمن لحد ما يصفر ( الاحمر فى الصوره فلفل احمر حار )



بعد ذلك اضعها على الملوخيه واقلبها جيدا ثم تقدم





الباذنجان المخلل


المكونات
نصف كيلوا باذنجان مسلوق
فلفل احمر واخضر مطحون
4 فصوص ثوم مطحونه
خل - ليمون
ملح - قليل من الفلفل الاسمر
فلفل رومى محمر فى الزيت ( لمن ارادت تخليله ايضا )

قمت بسلق الباذنجان وشويه فلفل حامى


وحمرت فلفل رومى احشيه بنفس الخلطه


الخلطه
( الثوم والفلفل الرومى والاحمر الحار مطحونين ومضاف اليهم الليمون والخل والملح والفلفل الاسمر )



اقوم بعد ذلك بحشى الباذنجان وحشى الفلفل واضع عليهم عصير ليمونه اخرى بعد التخليل ثم يوضع فى الثلاجه
وهذا فى النهايه



وقمت بتقديم هذا الاكل مع الارز الابيض بالشعريه




يا رب الاكله تعجبكم


الله الله يازهرة ماشاء الله عليكى

الاكل شكله يجنن

تسلم الايادى والنا معزومة عندك يوم بقى عشان ادوق الاكل الجامد ده ماينفعش اتفرج بس

وبماانى اول رد يبقى الاكل كله ليا مؤقتا


ما شاء الله اكله حلوة قوى و تفتح النفس و انا باموت فيها

تسلم الايادى يا سكر



ماشاء الله
تسلم الايادي حبيبتي زهوره الحلوة
اكله كثير طيبه وشهيه
تسلمين ياقمر
ومنتظرين كل طبخاتك الشهيه
دمتي بخير
ماشاء الله روعة

الله يعطيك العافية

ويسلم يداتك ..
ما شاء الله تبارك الله
وصفات لذيذة و رائعة
يسلمو الايادي
1 2  3  4  5  ... الأخيرة