سلطة الباذنجان المقلي ..*~*حملة سماء الابداع*~*
مجتمع رجيم / السلطات وَ المقبلات وَ الشوربات
كتبت :
كلمة صدق
-
النهاردة جايبه لكم طبق مختلف ..
ممكن نعتبره نوع من المقبلات
وبصراحة مش عارفة هو اسمه ايه ...
بس ممكن نسميه سلطة الباذنجان المقلي
باذنجان مقطع بالطول وحطيت عليه ملح وسبته عشان ينزل ميته
قليته في الزيت
وطلعته على مناديل مطبخ عشان تشرب الزيت
وبعد كده قطعت فلفل اخضر وشوحته في شويه زيت صغيرين وحطيت معااه 3 فصوص توم مفرومة
واول ما التوم بدأ يحمر ضفت 2 حبة طماطم مقطعة ناعم وقلبت لحد ما الطماطم دبلت
وبعدين ضفت الفلفل الاخضر والطماطم والتوم الى الباذنجان وملحته وضفته له خل ابيض حسب الرغبة
وده الشكل النهائي
وبالهنا والشفا