نظفي بيتك وانت تلعبين من ((بنات افكاري ))

مجتمع رجيم / الموضوعات المميزة فى التجارب والحلول المنزلية
كتبت : ام حصوصي الحلوه
-

السلام عليكم
اكيد في كثيرات منكن مثلي شغل البيت عندهن هم ما يخلص
واحس ما فيه يوم من الايام راح ينتهي
وكنت احاول ادور لي حال وكل مرة القاء طريقة بس ما استمر عليها

فقلت اسهل حل اني اجيب شغالة وافك عمري
وعلى هالاساس بردت واهملت بيتي وانا انتظر هالشغالة...

حتي جاء ذاك اليوم السعيد الا جاءوليدي من المدرسة ومعه ورقة فيها يتكلمون عن الخدم ومشاكلهم ..

وجتني صدمة وكاني صحيت من حلم الا قولوا كابوس وش كنت نويها اسوي في عمري.
ومع اني اكرهم كره العمى ولا احب احد غريب يدخل بيتي بس العجز الله يكفيكم شره .
وفوق هذا الجلوس من دون شغل راح يسبب لي زيادة في وزني وحالة خمول وكسل .
قلت وش حادني اجيب المرض لبيتي ..
قلت لازم ادبر عمري .
والحمد لله قدرت اخترع لي ثلاث طرق اغير من وحد ةالي الثانية اذا مليت ..
((بنات unsure.gif
وبما انكم غاليات علي واكيد عندك مثل مشكلتي قلت افيدكم معي
وما ابغى منك الا دعوة ان الله يشيل عني العجز والكسل
ويبعد عني الخدمات وهمهم.........

((بنات zyxr_0362.gif((بنات zyxr_0362.gif

1 الطريقة الاول (التنظيف اسبوع من كل شهر)......
يعني احدد اسبوع من كل شهر اشيل البيت شيل من الى .........
واكتب كل يوم وش القسم الي راح انظفه اليوم وهكذا.
يعني سبعة ايام بس في الشهر مشغولة وواحد وعشرون يوم فاضية .
اكون باقي الشهر فاضية بس تنظيف على خفيف مع التنظيف اليومي مثل الحمامات
والصحون يعني الا متعودة انظفهم او محتاجة انظفهم بشكل يومي .
وافضل وقت لهذي الطريقة فصل الشتاء لان الجو يكون تقريبا خالي من الغبار


((بنات zyxr_0362.gif((بنات zyxr_0362.gif

2الطريقة الثانية (اختيار ثلاث ايام في الاسبوع للتنظيف )).......
يعني احدد ثلاث ايام من كل اسبوع للتنظيف
وتكون متتالية.
اقسم عليها اعمالي كلها المهم فالاهم .
يعني مثلا السبت والاحد والاثنين واركز نشاطي في الايام الثلاث
واكون الايام الاربعة الباقية فاضية ومرتاحة من الشغل وهمه ...
وتكون اسبوع ايه واسبوع لا وكل وحدة علي حسب كبر بيته

((بنات zyxr_0362.gif((بنات zyxr_0362.gif

3 الطريقة الثلاث(تحديد وقت لكل عمل والالتزم بهذا الوقت )......
يعني امسك ورقة وقلم واحدد كل غرفة او عمل واقدر لها وقت مثلا
انا الصالة تاخذ مني 20 دقيقة
الحمامات تاخذ مني 30 دقية
والمطبخ ياخذ من ساعة ونصف
غرف النوم عدد2تاخذ من 25 دقيقة
المقلط ياخذ مني 30 دقيقة
تنظيف السيرميك كل جزء ياخذ مني 15 دقية
واكتب كل جزء من بيتي
واحدد له وقت واجمع الاعدد واشوفك كم وقت ياخذ من تنظيف البيت كله
يعني مثلا انا تنظيف بيتي ياخذا مني خمس ساعات ونص يعني 18 ساعة ونص فاضية اذا حسبت ساعات النوم ومذكرة وليدي وتصليح الغذا
اامممممممممممممم
اكون فاضية تقريبا 9ساعات لي اسوي فيها الي ابغى .
وذا اكثر من خمس ساعات اقسمه على يومين يعني .
كل وحدة وش عندها وترتب امورها على هالاساس.
ثم ابد في كل عمل واطالع الورقة واشوف كم انا محدده له من وقت ويكون عندي منبه واحدد الوقت وابد شغلي واحاول اخلص قبل المنبه ما يدق
واذا انتهيت في نفس الوقت اكتب صح علي الورق
واذا ما انتهيت احاول ازياد حتي اعرف بالضبط كم احتاج واعدل في الوقت بس اول مرة
ومن ثم التزم بالا حددت
وميزة هذا الطريقة انها تكون مثل التحدي لي يعني اكون مرة مستمتعة وان اشتغل واحاول اسرع واسبق المنبة يعني اتسابق معه
وتكون هذا الطريقة يوم وراء يوم

((بنات zyxr_0362.gif((بنات zyxr_0362.gif
واتمنى تكون فهمتم قصدي وشرحي واضح لكم ......
وكل وحدة تشوف اي طريقة تناسبها وتجربها
او تسوي مثلي تغير من طريقة الي ثانية ......
واتمني موضوعي مو متكرر ولاتنسون الدعوة يا حلوات00.
((بنات 674134eovh3ho2a3.gif
كتبت : فطومة محمد
-
والله ماشاء الله

جدولك حلو جدا وتنظيمك لوقتك والورقه والقلم فكرتيني بامي الله يحفظها كانت تعمل نظام الورقه والقلم اول ماتستيقظ من نومها

وان شاء الله اتبع نظامك ياحلوه الحلوات

وموضوعك يستاهل التقييم وشكرا ع تعبك ومجهودك ف الكتابه
كتبت : رووعــــــه
-
كتبت : كلمة صدق
-
ماشاء الله عليك يا غالية ..
طريقتك حلوة ومنظمة .. افدتيني كتير وان شاء الله اقدر اطبق واحدة منهم

تقبلي مروري
كتبت : sa semsema
-
ماشاء الله ام حصوصى الثلاث طرق احلى من بعض وسهلين

بارك الله فيكى ياغالية
كتبت : أم سلسبيل
-
يسلمووووووووو ام حصوصى
دائما مواضيعك مميزه ورائعه ومفيده
ما ننحرم منك
الصفحات 1 2  3 

التالي

فراشة..عمل فنى (حملة سماء الابداع)

السابق

اول اعمالي في حملة سماء الابداع :)))

كلمات ذات علاقة
من , افكاري , تلعبين , بيتك , بنات , وانت , نظفي