الكشرى من عند بسبوسه (( حمله سماء الابداع ))
مجتمع رجيم / الأطباق الرئيسية
كتبت :
◕‿◕β.Ő.Ṩ.Ϋ◕‿◕
-
هلا والله ومليون غلا
على احلى زائرات وعضوات ومشرفات
منتدى رجيم
منورنى فى أول موضوع لى من تصويرى الشخصى
ايييييييييييوه يعنى أنا كل ده مشرفه ولسه فاكره تنزلى موضوع دلوقتى
ده أنتى عايزه الضرب
بس بجد لاقيت الموضوع مش سهل خااااااااالص كنت فاكره انه اسهل من كده بكتيييير
ده غير انى مكسوفه اووووووى مش عارفه ليييييييييييه
زى مايكون خطيبى جاااى يشوفنى
طيب يلا كفايه رغى وأدخلى فى الموضوع بقى صدعتينا
حااضر بس أوعدونى بجد كل واحده تدخل ترد عليا وتقول رأيها بصراحه
عشان بس ارفع من معنوياتى
يلاااااااااا بقى
نبدء بأسم الله
المقادير
1 بصله
2 ونصف كوب أرز مصرى
كوب ونصف عدس بجبه
مكرونه مقصوصه وسباجيتى
حمص
طماطم
ملح وفلفل + اسود + وكمووون
الطريقه
اولا بنجيب البصله ونقطعا دوائر او نصف دايره زى ماشايفين
ونضع الزيت عشان تتحمر للون الذهبى
وده شكلها بعد ماطلعت طبعا هى كده مش ذهبى خااااااااااالص بس أعذرونى كاميرا موبايل بقى معلش
وبعدين نسيب شويه مش تشيليها كلها وبعدين حطى مقدار من المايه مع ملح وكمون عشان العدس يستوى شويه
وهنا بعد ما حطيت العدس وكان بيغلى كان داخل ع شويه من السوا
وبعدين تجيبى الارز المغسول وتضيفيه ع العدس كده وتقلبى شويه
وبعد ما المايه تتشرب هدى النااااااااااار
ده شكله بعد لما استوى
نيجى بقى للمكرووونه
هنا سلقت المكرونه عاااااااادى جداااااااا مايه وملح وحبه زيت عشان مش تلزق فى بعض
كان عندى المكرونه المقصوصه بس قلت مش مشكله بس بالاسباجيتى أحلى
وبعدين شطفتها كويس وفى نفس الحله برضه حطيت شويه زيت وحطيت المكرونه تانى ع النار دقيقتين
عشان متلزقش برضه وتكون كل واحده مع نفسها كده
الحمممممممممص
هنا انا كنت نقعت الحمص وحطيت عليه بصله وطمطمايه وملح وفلفل اسود وسيبته ع النار يستوى
دى بقى الصلصه بعد ماضربتها فى الخلاط
وبعدين فصصت الثوم ودقيته وحمرته فى شويه زيت وبعدين حطيت الخل
ودقيقتين تلاته كده حطيت الطماطم بعد ماشميت ريحه الخل مع الثوم
ياسلااااااااااااااام ع الريحه شامين طبعا
وهنا حضرت طبق الكشرى الكماله زى ما بيقوله عندنا
زوووووووووووووووووووووم اقرب
وبسسسسسسسسس بجد رأيكم يهمنى جداااااااا
وبالف هنا وشفا لحبايب قلبى الحلوين
اللى هيردوا عليا ويعبرونى
ها أنفع شيفه ولا لاااا