اسف

مجتمع رجيم / فيض القلم

كتبت : عقد الورد

أسف في حبي لك تسرعت!!!!!!

أسف في حبي لك تسرعت

ظنيت الاقي فيك شي فقدته

كنت أحسبك مجروح مثلي تولعت

جربت فرقى شخص قلبك وهبته

كنت احسبك من مر جرحك تجرعت

حبيت فيك احساس طفل لمحته

لو قلت آآآآه بوسط روحي توجعت

و لو شفت دمعاتك شعوري سكبته

و لو تطلب اعيوني ابد ما تمنعت

و اعطيك قلبي لو بعد طلبته

وصلت بك اعلى مكان و تربعت

و في قلب غيري يالغضى ماوصلته

و اصبر على صدك و اشوفك تدلعت

و اعطيك ود و ما اظنك حسبته

اذهلتني بطباعك اللي .... تطبعت

حتى قصيدي فيك ابد مافهمته

لو كان غاياتك حروفي فـــ بعت

و افرح بجرح الشاعر اللي جرحته

و أرجوك من صدك تراني تشبعت

خلك مع اللي عاجبك اوعجبته

يكفيني قهر في جيتي تواضعت

تركت غيرك لجل عينك وبعته

ياليتني عن حب مثلك ترفعت

ياليت قلبي قبل اعرفك دفنته

لكن اببعد دامني بك توهقت

يرحم حبنا اللي ذبحته

شريت الود و الحين انا بعت

و عطيتك قلبي اللي قهرته

في يوم جيتك اطلبك ود و اقنعت

نفسي بانك شخص عادي عرفته

كمل حياتك مثل ما انا توقعت

تبقى اسير الماضي الي فرضته

و لا يحزنك اني غلطان و تراجعت

حولك بدالي الف شخص عجبته

كتبت : كلمة صدق

اختيار موفق يا غالية
تسلم ايدك ..
ننتظر مزيدا من مشاركاتك

كتبت : عقد الورد

هلا وغلا كلمه صدق

منوره والله

دمتي بكل ود وأحترام

كتبت : المشتاقة للجنان

روعه حبي
تستاهلين انسان يحفظك بقلبو وروحو
والي يستهون بحبك
خسرااااااااان يا روحي و ربي يا اميرتي
انتي اروع ا نسانه بحياتي
فديييييييتك

كتبت : عقد الورد

class="quote">اقتباس : المشاركة التي أضيفت بواسطة المشتاقه الى الجنه:
روعه حبي
تستاهلين انسان يحفظك بقلبو وروحو
والي يستهون بحبك
خسرااااااااان يا روحي و ربي يا اميرتي
انتي اروع ا نسانه بحياتي
فديييييييتك

هلا حبي
الرائع وجودك
تستاهلين الطيب ياروحي
لبى عمرك
مشكوره ياروحي

كتبت : أم عمر و توتة

ما شاء الله اخر طراز..

كلمات فى منتهى الرقة و العذوبة

حبيبتى كلها احساس راق جدا..

تسلمى على هذه الكلمات..

المساجلة

آلگآمل آللهٍ ۈآلخطآ طبع {..آلآنڛآن.. }

اسف