تجهيزات ام روان لعيد الاضحي المبارك خاص لحمله سماء الابداع
مجتمع رجيم / ديكورات المنازل المميزة الغير منقوله
كتبت :
um rawan
-
العيد جانه بخيره واطلالته السعيده اعاده الله علينا بالخير واليمن والبركات ان شاء الله السنه الجايه كلنا في الحج يارب
انا حا اكتب ليكم شو عملت من الصباح لاستقبال العيد وكل وحده تقول لي شو سوت
صحيت من الصباح اول شي بعد صليت ركعتين وكانت الساعه 10 دخلت المطبخ اول حاجه عملتها بديت اسحن البهارات وانظف علب البهارات استعدادن لخروف العيد
ونحن شعب مشهور بالتوابل وباكل الشطه الحاره لازم نعدها من بدري
حضرت الليمون وملح الليمون والشطه الحمراء والشطه الخضراء والفول السوداني زبده الفول السوداني وملعقه طحينه وملح وثوم وفلفل اسود ناعم وطماطمايه واحده وكلهم وضعتهم في جك الخلاط وضربتهم ضربا مبرحا وختيتم في علبه مربه فاضيه ونظيفه ودخلتهم الثلاجه
3 انواع من الشطه وملح الليمون
كدا حبيباتي انتهيت من شطه العيد بكره اصوره واحطها
الحين صورنا الشطه والشاطره تعمله وتقولي ايه طعمها
كل المقادير في جك الخلاط
خلطنا الشطه ووضعتها في برطمان فاضي ونظيف وجاف
كدا خلصنا الثوم والشطه والحمد لله
============================================
بعد كدا غسلت الثلاجه بصابون مخصص للثلاجات من الليمون
وبخرتها بالمستكه وختيت فيها فحمه
=====================================
عملت بسكويت النشادر للشاي هنا الدنيا برد لازم البسكويت مايخلص من البيت بنشرب بيهو الشاي
مرات بعمل بسكويت حبه البركه ومرات نشادر ومرات ينسون حا انزله ليكم بس اكيد ما هنا هههههههه
رتبت دواليب المطبخ وخاصه درج المعالق والشوك والسكاكين
التعبني اكتر سحن البهارات لاني بحب اجيبه حبوب واسحن كل فتره منها شويه عشان تكون فرش
نظفت الدفريزر ورتبت اغراضه كلها والحمد لله
شغاله من الصباح لمن ازن المغرب فطرنا والحمد لله بس حسيت انو ماقادره اكمل بكره ان شاء الله اجلي المواعين ولنا لقاء غدا
وانزل ليكم صور المطبخ بعد اخلص نظافتو وترتيبو
==================================
نظفت كميه من الثوم وفرمته ودخلتو الثلاجه
فرمته الثوم في الفود بروسسر
فضيتو في علبه فاضيه ونظيفه ومجففه لازم تكون من قزاز
كدا خلصنا الثوم
================================
