صباح الجمال والحلاوة يا احلى بنات انا طبعا كنت عاملة الموضوع دا يوم الوقفة بس النت علق وزعلت جدا لأن الموضوع باظ بس هحاول افتكر اللى كنت كتباه وان شاء الله الموضوع يفيدكوا بالحنة والماسك والصنفرة هانرجع جداد ومش مستعملين ولا محتاجين نحط حاجة ولا نخبى الديفوهات طبعا انا مش هاحكيلكوا على شكى بعد التنفيض والشغل بس اللى يشوفنى ما يوصفنيش غير بحاجة واحدة محتاجة اعمل عمرة فى شكلى من راسى لرجلى
فأول حاجة عملتها شعرى عملت حمام زيت لشعرى وبدون تريقة بالسمن البلدىوزيت الزيتون انا لو قعدت اتكلم عليه وعلى تجربتى وقصتى معاه هاتقولو ببالغ واصلا هو محتاج موضوع لوحده فأحسن حاجة اكتبو على جوجل وشوفوا كلام البنات عليه انا عارفة انكو مستغربين اصل الموضوع دا مش فى المنتدى بس منتشر فى كل مكان وعن تجارب احسن حاجة رهيب بمعنى الكلمة واصلا السمنة من منتجات الألبان يعنى محدش يزعل المكونات والطريقة تجيبى ملعقة سمن بلدى وخمس ملاعق زيت زيتون وقلبيهم كويس اوى ولو السمنة لسة متجمدة حطيها تسيح مش تقدح وأبدأى فى تدليك فروة راسك ودهن شعرك بالكامل وسبيها لمدة لا تقل عن ساعتين وشوفى الشعر السايح الطرى الملظلظ هههه اه وماتنسيش تلبسى بونيه عشان السمنة ماتتجمدش تانى هههه انا سبتها اربع سعات اه اصل احنا داخلين على عيد ولسة فى سيشوار ومكواة وبعدين غسلت شعرى بشامبو كيتورال للقشرة على فكرة دا احسن شامبو للقشرة فى العالم بجد يطرد القشرة من الشعر طرد تاااااااام وبعدين عملته بلسم جونسون
بلسم جونسون روعة جميل جدا ومش بيوقع الشعر زى اى بلسم وحمام كريم وشطفت شعرى وسلكته وسبته حر طلييق ينشف عشان انا داخلة على اصعب مرحلة وبعدين نعاقبه اشد عقاب طبعا عرفتوا الحنة هههههه نجيب كيس حنة خمس خمسات تحفة وربع كوب خل وملعقتين دم غزال (خبلوا بالكوا احيانا بيبقى مغشوش ومش بيدى لون خالص)اشتره من عطار مشهور
وطبعا ماننساش الجوانتى والا الناس هايفتكروكى دبحتى ههههههه ونقلبهم كويس اوى اوى ونسيبا تتخمر ساعة بس ونحطها على الشعر ونسيبها عليه خمس ساعات ونشطف الشعر بمية دافيه او سخنه كويس جداااااااااااااااااااااااااااااااااااااااااااااااا ااااااااااااا وهاتشوفو لون الشعر روعة ازاى خصوصا لو شعرك فاتح شوية هايديكى لون كستنائى روعة وبعدين غسلته بشامبو وعملت حمام زبادى بعسل عشان يطرى الشعر وفعلا نتيجته جميلة جدا المطلوب زبادى
عسل نحل
ونقلبهم ونحطهم على الشعر وسبتهم ساعتين وغسلت شعرى تانى وطلع شعرى فى الأخر تحفة لون وطريان ولمعة وحاجة مش ممكن وبكدة نبقى خلصنا الشعر الحمد لله نروح نعمله سيشوار ومكواة ونفرح ونهيص ونعييد هههه ثانى حاجة العذاب الآخر ازالة الشعر اول حاجة عملت صنفرة لإيدى ورجلى بترمس مطحون على عسل عشان معاناة الشعر اللى تحت الجلد وبعدين عملت ازالة بالسيلك بيل عادى وعشان الشعر ما يطلعش تانى طرده بأدواتى وإمكانياتى ههه اول حاجة تلج وزنجبيل مررت الثلج على المكان وبعدين دلكته بالزنجبيل المطحون ثلاث دقائق وتركته على ايدى ساعتين وبعدين شطفته وحطيت كريم السعد اللى بيطلع الشعر بعد سنة وبيريحنى بادهنه خمس ايام بعد الإزالة وريحته حلوة ويرطب الجلد وبعدين دخلت على المرحلة الأخيرة الماسكات اول حاجة عملت حمام بخار لوشى لمدة عشر دقائق اصل انا وشى محتاج اصلاحات قوية عشان يرجع ولا احلى اول ماسك سمعت عنه كتير وقلت اجرب احنا ورانا ايه هو عبار عن دقيق وعسل ولبن بس ونخلطهم على بعض وطلع جميل بس انا وشى محتاج كذا ماسك فعملت ماسك كمان واحب اشكر فلاور لأن هى اللى قالتلى عليه عبار عن خيار ولبن وعسل وانا ضفت ردة وقلبته وحطيته على وشى ونتيجته جميلة جدا وبيفتح البشرة وختمت بالماسك بتاعى عشان ابقى عملت كل حاجة ماسك الخميرة والردة ونشا والعسل واللبن والأسبرين وكدة خلصت وشى ورجع لطبيعته بدون اى اضافات هههه