انا جيييييييييييييت
اخباركم ايه يا بنات مبروك علينا الجزء التاني ويا رب يكون اخر جزء وعلي ما يخلص نكون خسينا وبعدين نتقابل بقي في الدردشة ونرغي من غير اي حرماااااااان ولا عذاب يا رب اشوف اليوم ده بقي يا رب!!!!!!
اولا انا عايزة ارحب بالوردات الجدد البنوتة البطبوطة وفاء وبريق الدر في اليوميات التاديبية
وردة امل ايه الاحتفال الجميل ده ربنا يسعد ايامك ان شاء الله
بوندوقة يا قمر وحشاني بصي انا شايفة انكو مش توزنو بكره لانها اكيد هتكون صدمة بعد خربطة العيد انتي ابدأي الرجيم عادي واحسبي خسيتي كام كيلو من اخر وزن عشان مش تتصدمي وان شاء الله رجيم التمر واللبن هيعوض كل الاصابات
انا هابدأ معاكو رجيم التمر واللبن بس من بعد بكره لان بكره ان شاء الله ابو كوكو راجع بسلامة فهحتفل بقي مش ينفع اقضيها تمر
بيقي انا من الاحد معاكو وهبقي اوزن متاخر عنكم يوم مش مشكلة
ان شاء الله النظام اللي هاعمله هيكون 21 تمره في اليوم متقسمة علي 3 وجبات مع 3 اكواب لبن (حليب) او زبادي مع المشي من نص ساعة لساعة في اليوم حسب الطاقة لمدة 7 ايام
في حالة الجوع باقضيها مشروبات سخنة
ربنا يقوينا
انا عاجبتني فكرة العقاب اذا لغبط في وسط الدايت هامشي ساعة زيادة
خلي بالكو من نفسكو ومساء الخير لكل البنات الحلوين