التجارب والحلول المنزلية اعرضي تجاربك الجديده في الطبخ و التنظيف و التنظيم أو أي حدث مررت به ....لتعم الفائده

نصائح منزلية من واقع خبراتى الحياتية

الصورة الرمزية روعة الدنيا
روعة الدنيا
مصممة المنتدى
تاريخ الإنضمام: Oct 2010
رقم العضوية : 71223
العمر:
المشاركات: 184
نشاط روعة الدنيا
  • قوة السمعة : 100
  • الإعجاب: 1
    قديم 11-24-2010, 01:05 PM
    #1
    نصائح منزلية من واقع خبراتى الحياتية


    نصائح منزلية من واقع خبراتى الحياتية soxqx1jvnzui4clp0kk6




    [IMG]http://aminezz.***********/salam.gif[/IMG]

    نصائح منزلية من واقع خبراتى الحياتية 199034pvi7k3vb2a.gif


    اليوم راح احكى معكم عن خلاصة تجاربي


    هى نصائح بسيطة جدا لكن بتساعدنى وحبيت افيد بيها العرايس الجداد


    وعلى فكرة الموضوع من تجربتي الفعلية وغير منقول لكنها نصائح بعض الاصدقاء ونصائح امى الحبيبة على كام معلومة من التلفزيون وطبعا النت بس كلها مجربة بواسطتى


    نصائح منزلية من واقع خبراتى الحياتية 181653db0a4fkhym.gif


    1- لما تيجى تعملي فراخ بانيه او بوفتيك افردي كيس بلاستك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل


    2- لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت

    3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما

    4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن

    5- ما تمسحيش رخامات المطبخ بالكلور امسحيها بالخل بيقتل الجراسيم ومادة طبيعية

    6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة

    7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة

    8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى حترجع جديدة

    9- لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم

    10- دايما خلى عندك فرشةبايد

    وهاتى علبة شاور جل او شامبو فاضيه وحطى فيها سائل تنظيف انا بحط كلوركس كلين اول ووانتى بتغسلي وشك الصبح حطى شوية سائل وادعكى الحوض في اقل من دقيقة بقى زى الفل




    11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي باللك

    12- وانتى واقفه تعملى الشاى ولا النسكافيه على ما الماية تغلي روقى ضلفة واحدة في المطبخ تكون عاوزة تتظبط
    14- لو تقدري تجيبي واحدة زى دى هاتى بتتباع في سوبر ماركت مركاتو ب 25 جنيه
    نصائح منزلية من واقع خبراتى الحياتية q10u.jpg

    لو مقدرتيش ممكن تعملي واحدة زى دى

    نصائح منزلية من واقع خبراتى الحياتية sabilnet4.jpg


    وفي كمان بالكروشية بس للاسف مش لاقيه صورتها


    بتلم ااكياس وتريحك من دوشتها


    كمان لو عاوزة تسلقي مكرونة ومستعجلة اغلى الميه الاول في البويلر ووهى بتغلى حطيها في الحلة كدة توفري وقت انتظارك للميه لما تغلي


    وبعدين نزلى بواقى الطعام بالكيس الكبير وحطى الطبق في الحوض وهكذا لحتى يخلصوا وبعدين ابدئي بغسلهم بالماء الجارى والليفة حتلاقي الموضوع سهل لانهم بيخرجوا من النقع تقريبا نضاف












    16 - خلى عندك ريشه دائما لتنظيف اى تراب تلاقيه بسرعة وسهوله

    15- لو عندك ملابس بيضاء حصلها اى مشكلها اغليها مع الليمون في حلة وحتبقى زى الفل
    17- عندك نمل انسي انزلى اى مشتل محترم وقوليلوا عاوزة مليسيون وهاتى علبه جلانس قديمه وحطة ثلاث غطيان واملي الباقي مايه ورشي كل الاركان اول الصيف وانسي بقى للصيف اللي بعده لو شفتى ربع نمله هو رحته وحشة بس بالتهوية والمراواح بتروح في يوم واحد وانسي النمل
    19- لو حذائك الجديد ماسك على رجلك شويه حطى فيه جرايد مبلولة وسبيه في البلكونة لحد ما الجرايد تنشف حيطرى جدا في رجلك
    22- للتنظيف السجادة وهى مكانها في شامبو اسمه فاست بتتبعى التعليمات وبتبقى زى الفل وعلى فكرة موجود في السوبر ماركت ب 7 جنيه وبينفع كمان لو عندك كنبه او اى مفروشات عاوزة تنظفيها
    25- لو بتسلقى فراخ او لحمة وعاوزة تزوديها مايه اغليها في البويلر وزوديها سخنة علشان تستوي بسرعة
    27- لوعندك ملايات وفوط كتير مفيش داعى تستخدميها كلها شيلي اللي مش محتجاه في البلاكار وطلعى جزء فقط كدة ضلفة الملايات والفوط ما تبقى زحمة ومش مرتبه ونفس الوقت لما تزهقى من هذه المجموعة تبدلي مابينهم وكدة بيكون كانك اشتريتى مجموعة جديدة
    31- لو عندك اى حاجة وخايفه عليها تسوس حطى معاها ورق لورا
    18-قبل ما تنضفى الحمام حمى ولادك او اغسلي اى حاجة المهم خلى الحمام يبقى مبخر تنظيفه بيكون اسهل كتييييير

    21- لوعندك خرم في الحيطة حطى فيه معجون سنان ابيض وبالوان جواش من اى مكتبه لونى الحيطة بنفس لونها حيختفي الخرم بنسبة 80 %
    23- انقعى ليفة المواعين في مزيج من الخل والماء وقشر الليمون علشان القضاء على الجراثيم التى تنو بداخلها



    29- لوبتقشري اى خضار دايما تحطى معاكى الحاجات دى كيس الخضار وكيس فاضي للقشر اوعى تقولى حقشر في نفس كيس الخضار كدة حتتورطى في انك بعد كدة تقعدى تدورى ايه اللي اتقشر او اتفصص وايه لسه لا حطى القشر في كيس منفصل وطبعا طبق طحى فيه اللي اتقشر خلاص وبعدين ارمى كيس القشر على طول

    32- لو بتخزنى الشتوى او الصيفي وخايفة من العتة او الحشرات حطى ما بينهم شربات فيليه قديمه مليانة مسحوق غسيل يدوى زى اريال مثلا هاتى الشراب وامليه واعقديه من فوق وحطيه اولا بيمنع تماما الحشرات ثانيها لما تيجي تطلعى الهدوم تطلع ريحتها كانها لسه طالعة من الغسالة
    33- لو حتشيلي سجادة حطى فيها سرة فلفل اسود حب بيمنع العتة والحشرات تماما

    20- خلى لكل طفل زمزميه علشان مش كل شويه ماما ميه ماما ميه

    24- لو بوتجازك استنلس هاتى سبيداج وادعكى بيه البوتجاز هيرجع جديييد 30- لوعندك برطمان كنتى حاطة فيه مخلل او حاجة ريحتها نفاذه وعوزاه الريحة تروح منه حطى فيه جرايد وسبيه كام يوم

    26- لو ابنك بقع نفسه فوراااااا اغسلي البقعه بصابون الوجه ومهما كانت البقعة هتتطلع

    28- لو عندك عزومة واطباق بقى وهم هاتى كيس زبالة كبير وحطيه جنب الحوض وانقلي الاطباق للمطبخ وبعدين تكونى ماليه الحوض ماء ساخن بصابون سائل مع شوية خل علشان سهولة نزع الدهون




    دول اللي انا فاكراهم ولو في جديد حوافيكم
    لاتنسونى من دعائكم

    الصورة الرمزية أميرة كل النجمات
    أميرة كل النجمات
    وردة ذهبية
    تاريخ الإنضمام: Sep 2010
    رقم العضوية : 70108
    العمر:
    المشاركات: 498
    نشاط أميرة كل النجمات
  • قوة السمعة : 100
  • الإعجاب: 32
    قديم 11-24-2010, 01:18 PM
    #2
    افتراضي رد: نصائح منزلية من واقع خبراتى الحياتية
    مسا الخير بيشرفني كون اول وحدة رد على موضوعك
    موضوع رائعة سلمت يديكي حبيبتي
    معلومات مفيدة يعطيكي العافية
    الصورة الرمزية روعة الدنيا
    روعة الدنيا
    مصممة المنتدى
    تاريخ الإنضمام: Oct 2010
    رقم العضوية : 71223
    العمر:
    المشاركات: 184
    نشاط روعة الدنيا
  • قوة السمعة : 100
  • الإعجاب: 1
    قديم 11-24-2010, 02:40 PM
    #3
    افتراضي رد: نصائح منزلية من واقع خبراتى الحياتية
    ٫
    مسا الخير بيشرفني كون اول وحدة رد على موضوعك
    موضوع رائعة سلمت يديكي حبيبتي
    معلومات مفيدة يعطيكي العافية
    اسعدنى كثيرا مرورك العطر حبيبتى
    الصورة الرمزية %nano%
    %nano%
    رحيق الوردات مشرفة سابقة لها عبير الورد
    تاريخ الإنضمام: Jun 2009
    رقم العضوية : 45051
    العمر:
    المشاركات: 12,446
    نشاط %nano%
  • قوة السمعة : 100
  • الإعجاب: 467
    قديم 11-25-2010, 09:52 AM
    #4
    افتراضي رد: نصائح منزلية من واقع خبراتى الحياتية
    الصورة الرمزية روعة الدنيا
    روعة الدنيا
    مصممة المنتدى
    تاريخ الإنضمام: Oct 2010
    رقم العضوية : 71223
    العمر:
    المشاركات: 184
    نشاط روعة الدنيا
  • قوة السمعة : 100
  • الإعجاب: 1
    قديم 11-25-2010, 11:32 AM
    #5
    افتراضي رد: نصائح منزلية من واقع خبراتى الحياتية
    ٫
    يسلملى مرورك العطر حبيبتى في الله
    الصورة الرمزية ✿ موكآ فرآولة ✿
    ✿ موكآ فرآولة ✿
    رحيق الوردات مشرفة سابقة لها عبير الورد
    تاريخ الإنضمام: Jun 2009
    رقم العضوية : 45350
    العمر:
    المشاركات: 15,414
    نشاط ✿ موكآ فرآولة ✿
  • قوة السمعة : 100
  • الإعجاب: 368
    قديم 11-29-2010, 02:05 AM
    #6
    افتراضي رد: نصائح منزلية من واقع خبراتى الحياتية

    مشكوووره حبيبتي رووعه على المعلومات المفيده


    والف مبروك الوسآآآم


    :)

    اضافة رد

    العلامات المرجعية

    نصائح منزلية من واقع خبراتى الحياتية


    « أفكار للعيد >> من تجميعي للحفاظ على الموز فترة طويلة »

    أدوات الموضوع
    انواع عرض الموضوع


    الموضوع كاتب الموضوع المنتدى مشاركات آخر مشاركة
    لكل عضوة تبحث عن الحمل....نصائح من واقع خبيرة...و بالصور الموضحة, لا تنسينني من دعوة فارسة التحدي تأخر الحمل 69 05-25-2015 09:44 AM
    تعلمت من جدتي نصائح منزلية غير منقولة ام فيروز التجارب والحلول المنزلية 38 12-05-2012 04:17 AM
    نصائح من واقع التجربه امراة مسلمه الموضوعات الاسرية اللامنقولة 21 04-12-2012 08:11 PM
    نصائح منزلية مجربة لاتفوتكم فرشة والوان واحساس التجارب والحلول المنزلية 35 05-07-2010 09:31 PM
    نصائح منزلية هامة جدا ايهان محمد التجارب والحلول المنزلية 12 12-21-2009 04:07 PM

    الساعة معتمدة بتوقيت جرينتش الساعة الآن 12:53 AM. : .
    المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
    جميع الحقوق محفوظة Rjeem 2015
    Powered by vBulletin® Version 3.8.7, Copyright ©2000 - 2017, Jelsoft Enterprises Ltd.
    Content Relevant URLs by vBSEO 3.6.0
    منتدى رجيم منتدى مستقل