يوميآت [ الرشآقة حلمنآ ]

مرحبا نوني كيك ياعسل وحنا بعد اشتقنالك


معليش ياعمري خبصتي اليوم ...ان شاء الله بكره تلتزمي من جديد ....او بالنسبه للنقاط الزايده الي اخذتيها احرقيها بالحركه والرياضه

او بعد كذا انتي حددي لنفسك عدد من النقاط اقل من الي المفروض تاخذيها عشان لو خبصتي اشوي ماتكوني تجاوزتي نقاطك بشكل كبير

مثلا ...انتي لو مسموحلك ب18 نقطه ....انتي عودي نفسك تاكلي اقل اشوي يعني14 مثلا او وفري 4نقاط للطوارئ او لنهايه الاسبوع للجمعات والكشتات

حاولي في الوجبات الرئيسيه تاكلي اشياء نقاطها قليله ...او كثري خضار لانها صفر ...او وفري النقاط للتسالي الي اتحبيها ....بس مو كل يوم بين فتره والثانيه عشان ماتحسي بالحرمان

لا تياسي ابدا لان الياس بدايه العوده للسمنه ...او حطي في بالك دايما اني حتى لو مانزل وزني اهم شي انا مااااااايزيد

خذيها مني نصيحه انا نزل وزني 6كيلو في 4شهور او ماعجبني هالشي ابد ....او على قد ما انا فرحانه ابشكلي اواني اخيرا حطمت حاجز ال70 الا اني مو راضيه بالنتيجه ..او كيف غيري تنزل 10او15كيلو في شهر او شهرين

هالشي حسسني بالاحباط ...او وزني ثبت بعد لفتره طويله ..عشان كذا يأست او وقفت الرجيم من 4شهوراو خمسه بس النتيجه اني رجع وزني زي ماكان...

خلينا مانيأس ونشجع بعض ...والله في عون الجميع ...سوري قرقت على راسك اكثير بس معليش لازم نتحمل بعض......سلااااام

كلى ثقه يارب يعدي يومك وما تخبصين ومرحباااااااااااااااااااااااااااااا الف في صاحبتنا الجديده نورتينا ويااالله اختاري النظام الي ناسبك وشاركينا بس اهم شي التزمي برياضه
ومن ناا حيت nonyحبيبتي ان شفتي نفسك مو قادره تسيطري على نفسك خذي لك حبوب سد الشهيه ولمن تتعودين وتصغر معدتك اتركيها ومارسي نظام غذائي منتظم
مو زين الوحده تهمل نفسهاا لا فات الفوت ما ينفع الصووووت كلنا بالاول مثلك بس الحين كلنا فخر قدرنا نقضي على الافتراس الغريب للاكل
كلنا بالاول قلنا مانقدر بس حاولنا فشلنا مليون مره بس بالاخر بننجح بالاراده ربي يقويها معك

وهذي لضيفتناا الجديده