علموني الماكياج

يا بنات يا خبيرات الماكياج
انا عاوزة حد يعلمني احط ماكياج هادي في البيت يحلي برقه ولا يكون متكلف
انا بشرتي قمحيه وعندي هالات سودا حول العين
متتخضوش اوي بس برضه حلوة والحمد لله
عاوزة حد يعلمني ببساطه وبمجهوده الشخصي مش يجيبلي روابط لاني دخلت علي مية موضوع ومش عارفه برضه
وشكرا

واضح ان كلكو جهله زييييييييييييييييي

السلام عليكم اولا
بصى يا ستى الموضوع سهل جدا بس عاوز صبر منك و ممارسة
علشان الميك اب مش حيطلع مظبوط من اول مرة علشان كدى صبرى و حولى دايما
طبعا الكلام دا علشان واضح انك عمرك متعملتى مع الميك أب
واحد واحدة حنبدأ
بسم الله
أول حاجة لازم نعملها علشان الميك أب يكون شكلة حلو وصافى أننا ننظف البشرة
و دا ماسك مجرب لتنظيف البشرة حيعجبك أن شاء الله
المقادير:
1 -ملعقتين بن
2- ملعقه عسل ابيض
3- ورشه ملح بسيطه لا تكثرى
4- ونصف علبت زبادى
الطريقه:
اخلطى ذلك مع بعض ...........وضعى على وجهك بفركه بسيطه باطراف بديكى واتركيه نصف ساعه واغسلى وجهك بماء فاتر ...
بعدها ا‘ملى حمام بخار و دى حاجة بسيطة حطى حاجة على النار فيها مياة و لما تسخن حطى عليها فوطة و عرضيها للبخار و بعدها خدى الفوطة و حطيها على وشك 3 دقائق
و كررى العميلة 3 او 4 مرات
و بعدين مررى قطنة فيها ماء ورد على وجهك و كدة وشك حينور لوحدة و حتبقى زى القمرين علشان انت قمر
طبعا الموضوع دا مش كل يوم بس كل أسبوع علشان وشك يستحمل الميك أب
ماشى يا جميل
و نكمل