ياريت كلة يقرأى ويشاركنى بالرد ضرورى

اللهم اخلف علينا جميعا بالخير

حبيبتي من أول ما قرأت القصة
حسيت انه كاذب و انه كان يلعب بمشاعرك
بيتسلى يعني
و طبعا كنتي مخطئة بالخروج لمقابلته و محادثته بالتلفون و النت
انسيه و عيشي حياتك
و الله يرزقك بابن الحلال اللي يصونك و يسعدك ...
و لازم تكوني اتعلمتي من اللي حصل حتى لا تكرري الأخطاء..
و الله يوفقك..

حبيبتي ده انسان ميستاهلش دمعه واحده
حاسه من كلامك انك لسه بتحبيه
بعد كل الي عمله فيكي
حاسه انه لوجه يستسمحك ترجعيله هترضي وده وارد جدا
ليه يا حبيبتي الذل والهوان ده كله
يغور الحب الي بالشكل ده
الانسان الي يجرح كرامتي ويحطم امالي ويكسفني ادام اهلي ده ميستاهلش منك غير الكره
انتي ازاي مكرهتوش لحد الان؟ انا لو مكانك كنت كرهته كره العمي واستحقرته وعرفته علي حقيقته
ثم هل الانسان ده هو انسان تتمناه اي واحده عاقله
انسان مهزوز ولا عنده شخصيه وبه من صفات المنافق صفاتوفيره
اذا حدث كذب وهو كذب عليكي مرارا
واذا اؤتمن خان ائتمنتيه علي قلبك وحياتك فعبث بهما ثم تركك
واذا وعد اخلف فما اكثر وعوده التي اخلفت
هل تريدين انتربطي حياتك وتتزوجي بهذا الشخص
واذا حصل وتزوجته هل تتوقعي لحياتك النجاح
الي يخون مرة يخون الف فالمبدا موجود
هذا انسان لا يستحق دمعه واحده
وعمرك مازال صغيرا
واغضابك لله بعلاقتك به وعدم تمام العلاقه قد تكون نذيرا من الله لان كل شيء بامر الله يعني متكونيش فاكره انك لما تكلمي واحد غريب ويقولك انتي مراتي وحبيبتي وسكوتك ده الي هيجوزك منه؟
معلش يا رب انا هغضبك شوية بس علشان اتجوز بس وبعدين خلاص
ده ربنا مسبب الاسباب
وزواجك وحياتك وامرك كله بيده
وبطاعتك لله والتزامك باوامره تتحقق لكي امانيكي وليس بعصيانه ابدا
اعذريني علي قسوتي ولكني اريد افاقتك
اعتبريهم قلمين يفوقوكي
حبيبتي العايط في الفايت نقصان عقل
ولو كان هذا الشخص مكتوبله يكون من نصيبك لكان تزوجك رغما عن انفه مش بمزاجه والله صدقيني
ومحدش حبيبتي بيتجوز مرات حد
كله بامره
حبيبتي عاوزاكي تفوقي كده لنفسك وتستمتعي بحياتك واثبتي لنفسك ولاهلك وله وللناس جميعا انك قوية وانك سعيده واستغلي وقتك في حاجات مفيده ومتسيبيش ثانيه فاضيه من حياتك امليها كلها بطاعة ربنا هتلاقي نفسك طايره في السما واسعد من السعاده
ونصيبك هيجيلك لحد عندك متدوريش عليه ابدا هوا جاي لوحده حبيبتي
وانا متزوجه وعارفه
لكي لا تاسو علي مافاتكم ولا تفرحو لما اتاكم
الغدر وحش انا عارفه بس النسيان علاج جيد وحرام تزعلي علي واحد معندوش دم وكداب ومنافق والله ميستاهل ضفرك
وبكرة تتجوزي سيد سيده ولا تعلمي مش يمكن يجيلك الي احلي واشيك واغني منه
والي يكون عنده دين واخلاق ويهنيكي
اخت زوجي كانت بتشتغل وكانت معجبه بانسان معين لهدوئه واخلاقه وهوا ولا حاسس بيها
تصوري تزوجت واحد احلي منه بكتير واشيك ومركزه افضل واغني
نصيبك اختي جاي جاي متستعجليش
طولت عليكي معلش
ربنا يوفقك ونسمع عنك سمع خير حبيبتي

انتى ياحبيبتى احسن مكسب ليكى انك سبتيه لانه باين من كلامك انه انسان مخادع كداب كان ناويلك على نيه وحشه ولما لقاكى صدتيه ابتدى يبعد شويه شويه وبيحسسك انك اهم واحده وهو بيرسم على وحده تانيه انتى والله ربنا بيحبك انه بعدك عن الانسان ده وياريت مايدخلش عليكى الحركات ايلى بيعملها والله لو بكى بدل الدموع دم متفكرى فيه هو شكله بيحن للبيرميه لكن ايلى شاريه هو ايلى برميه هو عارف وواثق انك هترجعيله تانى فى اى وقت مهما عمل فيكى واكيد هيلف لفته ويرجعلك لما ايلى عرفها دى هتسيبه ماهو ايلى زى ده ربنا مش هيريحه من ايلى بيعمله مع بنات الناس صلى وادعى ربنا انه يبعد عنك الشر ده تقربى لربنا وان شاء الله بكره هتنسيه ربنا انعم علينا بنعمة النسياااااااااااااااان لانها نعمه حلوه اووووووووى لوفكرتى ترجعيله اعرفى انك بتجرحى نفسك وبتهينى نفسك صدقينى ايلى زى ده مش امين عليكى ابدااااااا لاقبل جواز ولا بعد جواز تقبلى كلامى وربنا يهديكى ويهدينا جميعا

كلام على النت بالساعات رسايل وخروج لبخ كتير متزعليش منى انا ام ومانعه بناتى من الجلسه امام النت مش هاقولك غير شىء واحد احمدى ربنا انها جت على قد كده الغلط دايما بيوصل لغلط

السلام عليكم
عزيزتى احمدى ربنا ان الشخص ده ظهر على حقيقته انا من اول القصه ومتنباه انه يسالك انك تروحى معاه شقته طبعا انت فاهمه والحمد لله انك مارحوتيش معاه لانه بعد كده كان هيقنعك انك تتجوزوا عرفى حتى توافق مامته وده بيتكرر كتير الايام ده وقصه مكرره لوعندك قليل من الفطنه فاحمدى الله انه انقذك من قصه كانت ممكن تدمر حياتك كلها مع العلم انه ممكن يحاول يرجع لك تانى وممكن يكون بعد ما يتجوز ويرجع يحكى عن ماساته فى حياته الزوجيه فحذذذذذذذذذذذذذاااااررررررررر ان تستمعى اليه او تردى عليه مع ارق الامنيات بحياه سعيده موفقه