ياريت كلة يقرأى ويشاركنى بالرد ضرورى

السلام عليكم ورحمة الله وبركاتة

انا فتاة على قدر من الجمال ودى طبعا نعمة من ربنا سبحانة وتعالى من اسرة متوسطة الحال اسرة متدينة متعلمة تعليم عالى متخرجة بقالى سنتين اثناء دراستى اتعرفت على شاب مهندس يعمل فى سيبر مكنتش اعرف عنة حاجة غير انة مهندس لسة متخرج عايز عقد عمل علشان يسافر يكون نفسة كان مجرد شخص ماسك سيبر اناكنت باخد فية كورس ايام الدراسة الجامعية
قالى انة معجب بية جدا وباخلاقى بس هوة بيحب قريبتة من سنين بس هية مش بتحبة
انا اتشديتلة جدا جدا ولاخلاقة واتمنيت ان دة يكون نصيبى
خلصت فترة الكورس واتقطعت اخبارة دارت الايام وعرفت انة خطب قريبتة دى وبعدها بكام شهر قابلتة صدفة على النت وعرفت انة ساب خطيبتة وطلب رقم موبايلى وادتهولى وكلمنى وبعد شهر قالى انة بيحبنى وانة كان معجب بية من زمان وعرف ان انا الانسانة اللى تناسبة بعد مابعد عنى
انا كنت فعلا وقتها معجبة بية وباخلاقة لانة متدين وكان على خلق وبيصلى بالناس امام
المهم طلب منى انى استناة يرجع فى الصيف ويتقدملى
وكلم والدتى وقالها اللى بينا كان بينا حب كبير كان بيكلمى 24 ساعة سالتة انت ممكن تسبنى وترجع لخطيبتك قالى انا ممكن اموت لكن ارجعلها لا وحلفلى واقسم بالله انا صدقتة لانة حج بيت ربنا
وبعد 6شهور اتقطعت اخبارة عنى نت مش بيفتح اتصال مفيش حتى رد على موبايلة مفيش
كنت بموت علية من القلق عمرى ماتخيلت انة سبنى
بعد شهر ادور علية وكنت هاتجنن علية ببساطة باعتلى رسالة على النت
يقولى انى فعلا انسانة ممتازة وانة بيتمنالى كل خير بس هوة حلم بخطيبتة ومش هايقدر يكمل علشان مايظلمنيش

اكملكم موضوعى
وانسحب من حياتى من غير مايواجهنى سابنى كدة مرة واحدة كنت بموت كنت بثق فية من غير حدودو حبيتة حب كبير اوى عارفين قالى انة ماحبنيش وانة كان بيحاول ينساها بية ومقدرش
بعدها مرضت وفضلت 4ايام مش بتكلم كانت حالة نفسية وفين وفين لما صوتى بدأ يرجع بالتدريج
وحاولت انسى مقدرتش حاولت ارتبطت تانى واعيش فشلت
لفت الايام وبعد سنة ونصف تقريبا اتقابلنا تانى وكان بيدور علية علشان محتاجلى عرفت انة ساب خطيبتة تانى
عارفين على قد مافرحت ان ربنا اخدلى حقى على قد ماصعب علية علشان علشان وجع القلب صعب
المهم فضلنا نتكلم مدة تقريبا شهر وبعدها قالى انة بيحبنى بجد المرة دى وانة مش هايقدر يعيش من غيرى
قلتلة انى مش حمل اى وجع تانى قالى انة عمرة ماهايوجعنى وانة قدامة شهرين وهايجى وكل حاجة هاتبقى تمام وقالى ماتفكريش انا المرة دى بجد بحبك قلت استنى
واجى بعد شهرين وكلم والدتى ووالدى وطلب منهم مهلة لغاية قبل ما يسافر باسبوع علشان يضبط امورة مع اللى فى البيت
هوة الحالة المادية مرتاحة جدا والدة دكتور هوة من عيلة كبيرة وغنية وعايشين فى السعودية بقالهم سنين طويلة
وانا من عيلة موسطة الحال بس اهلى الحمد للة متدينين
المهم عشنا احلى حب احلى ايام كنا بنتكلم طول الوقت بنشوف بعض كل يوم واول ما اجى الميعاد اعتزر لماما وقالها ان اهلة رفضوا علشان هوة خطب وساب
وجابلى دبلة وقالى خلى دى معاكى انا هاغيب سنة واحدة وراجعلك علشان مقدرش اعيش من غيرك وواطى على جزمتى وباسها وجاب كتاب ربنا وحط ايدة علية وقالى واقسم بعزة جلال الله انة عمرة ماهايتخلى عنى تحت اى ظرف من الظروف وانة مش ممكن يلعب بية وانة هايعمل المستحيل علشانى وانة مش ممكن يوجعنى ولا يخدعنى تانى
وسافر ليلة رمضان طول الشهر اهتمام منة وحب وحنان وكل حاجة حلوة كان بيقولى انتى مراتى مسؤلة منى حلمنا بكل حاجة كنا بندور على فرش للشقة من على النت واتفقنا على كا حاجة وقالى انا هاجى فى العيد علشان مش هاقدر اقعد سنة مش اشوفك
وفعلا اجى فى العيد
انتوا عارفين كان بيقف تحت شباكى بالساعات علشان بس اخرج ويلمحنى اكلنا عيش وملح سوى لما كنت برفض اخد منة فلوس كان بيزعل ويقولى ازاى انا جوزك مسؤل عنك
من اول مارجع وانا حاسة ان فى حاجة متغيرة خناقنا بدأيزيد اهتمامة بدأ يقل
بصوا كان معايا يوم الخميس وقعدنا وصفينا كل خلافتنا بس قلبى كان مش مرتاح
يوم الجمعة كان تحت شباكى بيعيط علشان عايز يشوفنى السبت شوفتة مع العلم اننا كنا متخانفين واتصالحنا الخميس علشان طلب منى انى اروح معاة شقتة اللى هانتجوز فيها ولما اتخنقت معاة قالى انة كان بيختبرنى وانة حج بيت ربنا وانة ماكنش ممكن يعمل كدة ابدا
وصدقتة ونسيت وجابلى يومها هدية خاتم دهب وصالحنى
يوم الاحد الصبح قالى احنا مش هانكمل ماما حلفت انى مش هاتجوزك
وانسحب من حياتى انهارت وكنت هاموت
المهم حصلت مناقشات وحوارات وفى الاخر قالى ان والدتة رفضانى وانة مش هايقدر يعمل حاجة غصب عنها قلتلة اوكى فين وفين قالى انها رفضانى علشان انا مش دكتورة ولا مهندسة وعلشان والدى موظف عادى
قالى انها عايزة واحدة من مستواهم او اعلى لكن ااقل لا
قلتلة اوكى وانت فين رأيك دى حياتك صمم اعمل حاجة قالى مش هاقدر
طلبت منة جوباتى وحاجتى واخدت كل هدياة وحاجتة وروحت علشان اديهالة طلبت منة يمسح رسايلى قالى مسحتها
اخدت تليفونة علشان اتاكدت لقيتة باعت رسايل لواحدة تانية وهية كمان بعتالة دكتورة كل كلام الحب اللى كان بيقولهولى كاتبهولها
وبيقولها انها زوجة المستقبل
بجد وقتها فقدت عقلى ات فى الشارع اخدت الموبايل من غير وعى وجريت وقتلة مش هاتاخدة
اكتشفت انة كان جاى الاجازة علشان يخطبها علشان والدتة كلمتة وقالتة عليها وهوة كان جاى علشان يشوفها ويخطبها
كان بيحلم معايا ويوعدنى وهوة بيرتب لجوازة
راح قالى لاهلة انى سرقت موبايلة علشان انا رديت على خطيبتة وشتمتها وقالهم انى بجرى وراة وعايزاة يتجوزنى بالعافية
مهما اكتب مش هايكون زى الواقع فى الاخر لما هديت رجعتلة التليفون بعد كل الاحلام الجميلة والوعود اتخلى عنى
كان بيقولى انتى اجمل شئ فى حياتى
لما كنت اسالة ممكن تتخيل حياتك من غيرى يقولى فى حد بيعيش من غير روحة من غير نفسة انتى دنيتى ومراتى
لما كنتا نتخانق واقولة نبعد كان يقولى حتى لو بينا مشكل كتير نكون مع بعض وتخانقين اهون من ااننا نبعد عن بعض
يااااااااااااااااااااااااااااااااااااااااااااااااا اااااااااااااااة
مهما قلت تخيلوا انة انسحب اخد كل الوعود والاحلام ماعملش حساب اى عيش وملح قسمة بربنا فين
فين كل دة
قالى كل اللى بينا انتهى فى لحظة
عارفين دلوقت بيفرش شقتة اللى احنا كنا بنحلم بفرشها سوى
كان بيقولى انا بحلم باليوم اللى نتجوز فية واعرف انك شايلة جواكى حتة منى
كنا بنحلم بكل لحظة هانعيشها ازاى وبنعمل فيها اية
يااااااااااااااااااااااااااااااااااااااااااااااااا ااااااااااااااااااااااااة
بجد انا تعبانة بجد انا فى مأساة انا كنت خلاص رتبت حياتى على كل حاجة
انا انسانة بجد عمرها ما ارتاحت ولا عرفت الراحة والحنان
انا مش عارفة هوة لية اتخلى عنى بالشكل المؤلم دة
هوة حبنى ولا لأ ولو حبنى لية يعمل كدة انا عمرى ماكنت اوافق ارتبط بية غصب عن اهلة
بس ازاى هونت علية وهانت علية احلامنا ببساطة يرتبط بغيرى
اخر لحظة بينا قالى انة عارف انة ظلمنى وانى ماغلطتش فى حقة
وقالى انة شاف اسعد واحلى ايام عمرة اللى عمرة ماهايشوفها تانى
انا بجد مجروحة موجوعة
شاركونى قولولى اعمل اية
كل لما اتخيل ان فى لحظة حياتى راحت انة مع انسانة غيرى بموت بموت

بسم الله الذى لايضر مع اسمه شىء فى الارض ولا فى السماء وهو السميع العليم