أيه أصعب يوم فى حياتك ؟ ( حملة سماء الابداع)

مجتمع رجيم / موضوعات النقاش المميزة .. لا للمنقول

كتبت : قلب المنتدى

طبعا كلنا فى حياتنا مواقف وايام صعبة مانقدرش ننساها ومن شدة المواقف دى أصبنا أكتئاب واحباط لكن أكيد كل واحد فينا ليه أسلوبة للخروج من المواقف دى ونسيان الايام الصعبة

وانا بالنسبة لى أصعب يوم فى حياتى كان يوم وفاة والدى كنت أنا وهو أصحاب قوى وكان ليه كل حاجة وفجأة توفى من غير أى مرض ولا أي شيئ وطبعا الشيئ الوحيد اللى صبرنى ايمانى بالله ربنا يرحمة

ياريت نتناقش ونشوف كل واحد عديت عليه الايام الصعبة دى أزاى واتغلب عليها أزاى؟

كتبت : كلمة صدق

مبروك الوسام مقدما يا غالية
انا زيك بالضبط اصعب يوم في حياتي يوم وفاة والدي ..
كنت هنا مع زوجي عايشين حياة طبيعية وفجأة عرفت ان والدي دخل العناية المركزة وزوجي ربنا ما يحرمني منه سمح لي اني انزل عشان اقعد مع والدي .. وللاسف الشديد يوم ما نزلت كل اللي قعدتهم معاه ساعتين فقط وبعد كده دخل في غيبوبة ومات تاني يوم ساعة ادان صلاة الجمعة ..
بجد مصدقتش انه مات وفضلت فترة متوقعة انه هيدخل علينا لابيت واسمع صوته وياخدني في حضنه ..
قلبتي عليا المواجع يا قلب ...

اللهم ارحم والدي واغفر له وادخله فسيح جناتك ..

شكرا لك يا قمر على الموضوع مرة تانية
دمت بكل الود

كتبت : %nano%

قلبتى عليا المواجع

طبعا الموضوع جمييييييل جدااااااااااا
بصى يوم وفاة بابا

انا اتهزيت قوووووووووووووووى
بس كانت ماما معايا
لكن يدوب 3 شهور وماما ماتت

مش عايزة اقولك
ده كان الا سوء بجد
ويوم ما قفلت شقة امى وامبى واخويا سا فر
والشقة اتقفلت

تم التقيييييييييييم

بس انا عايزة اقولك انا مش عارفة اتغلب لحد لا ن على ده

كتبت : المشتاقة للجنان

اصعب يوم بحياتي كان يوم وفاه ابو زوجي وهو بمثابه
بابا

وده حصل قبل اسبوع من زواجنا

كنا ساعتها عندهم بالبيت ويوزعو المكاتيب فهو وجالس مع والدي اغمي علي ومن يومها مصحيش
واعلنو عن وفاتو باول اسبوع زواج ليا

كانت اكبر صدمه علي بحياتي ومقدرش انساها ابدا
الله يرحمه ويسكنه فسيح جناته

كتبت : randoda

تسلمى حبيبتى اصعب يوم فى حياتى يوم كان فيه نقاش مع زوجى

و خرجت منه كلمات ما كنت اتصور يقولهالى ابدا

الصراحة من يومها و انا اتعامل كل معاملتى لوجه الله حتى لا احزن او احبط لانى بجد كنت حاموت ساعتها

دلوقتى مهما حد زعلنى باراجع نفسى طيب انتى بتتاعملى مع هذا الانسان ليه

لو لوجه الله لن احزن و لو لشىء اخر فيجب اراجع نفسى

كتبت : * أم أحمد *

السلام عليكم ورحمة الله وبركاته
حبيباتي آجركم الله على مصائبكم وأخلفكم الله خيرا منهم
من منا لم يرى يوما صعبا في حياته
وأنا كان أصعب يوم في حياتي يوم قامت الحرب على بلدنا الحبيب
من الأعداء الأمريكان حيث كنت في وقتها قد دخلت شهري التاسع
حينها بقيت حائره أين سوف ألد طفلي الثاني أألده تحت الأرض الملجأ حيث الناس يهرعون اليه؟
وقت الغاره علينا أم ألد مع أهلي البعيدين عني تركت الأمر لله وتركنا العاصمه الى المحافظات البعيده عن العاصمه
ولا أطيل عليكم رجعنا الى العاصمه وبوش يدك بغداد دكا وأنا في منتصف شهري الأخير
لا أعرف هل ساموت أنا وطفلي أم لا بقيت مع بيت أخي الى أن جاءت ساعة الولاده
مع الأسف في منتصف الليل والذي يخرج في هذه الساعات هو المسؤول عن نفسه
ودخلت المستشفى وأنا لا أعلم هل سأخرج ميته أم حيه
وأدخلوني تحت الأرض في الملجأ لألد أبني أحمد وكان بوش اللعين يرسل صواريخ تخترق حتى الملاجئ
وأنا ألد وأنظر الى السقف هل سيخترقني الصاروخ أنا وأبني ومع كل هذا لم اغفل عن الدعاء وذكر ربي
ومع كل هذا القصف العشوائي المخيف المدمر طاقم الطبيبات والممرضات يوجهون لي الصراخ واللوم بأن لاأتكلم ولا كلمه
هل في أقسى من مثل هذا الظرف وكان الجو باردا في الشتاء
أخواتي طولت عليكم لكن هذا غيض من فيض وأخيرا الحمد لله ولدت أبني (أحمد)
وخرجت بسرعه من المستشفى فجراعلى مسؤوليتي
ووصلت بيت أخي وقلت لهم سوف أموت وأوصيتهم بأولادي خيرا لما تأذيت من ولادتي
لكن الحمد لله الله لطف بي وبأولادي وهذا كله أمي وأبي في مكان وزوجي في مكان
ولا أحد يعلم بالثاني لأن كل وسائل الإتصال مقطوعه
والحمد لله على كل حال ولا تزال المصائب تنهل علينا نحن الشعب العراقي المظلوم
ولا نقول غير لا حول ولا قوة إلا بالله
وننتظر الفرج من الله عز وجل
وفي مثل يقول ( أنظرالى مصيبة غيرك عندها مصيبتك تهون)
أرجوا منكم أخواتي الدعاء للشعب العراقي المظلوم
وتقبلوا ودي وتقديري

أيه أصعب يوم فى حياتك ؟ ( حملة سماء الابداع)

مجتمع رجيم / موضوعات النقاش المميزة .. لا للمنقول

}{لما لا يكون الحب والحوار هو أساس تعامنا مع الأبناء ومع جميع الناس }{

الفيس بوك ؟؟(حملة سماء الابداع)