حملة وداعا للسمنة واهلا بالرشاقة.....

لاحظت كثير من البنات يلتزمون يوم او يومين ويقولون ليه مانحفنا ...
يجربوون اسبوع اسبوعين ويقولون مانحفنا ...
طيب انتي لما زدتي كل هالوزن ماجلستي شهور ماجلستي سنوات وانتي تراكمي ..
طيب تبغين وبكل سهوله تفقدي الوزن اللي جلستي تراكمي فيه ..

فكري دايم انتي تجلسي اسابيع حتى تبغين تنزلين ولو كيلو واحد فقط ...
فهل تسمحين بلحظة ضعف بسيطه تهدمين كل اللي بنيتيه طول هالفتره ...
تعبتي ... سهرتي ... حرمتي نفسك ... شفتي التعب والالم ... شفتي العذاب .. شفتي النظرات تحيط فيك من كل الجهات ... ياما سمعتي كلام يجرح من هنا وهناك
ويمكن حتى الاطفال مرات سمعتي منهم كلام يجرح ..
شنو موقفك لما طفل يقولك يادوبا ...
شنو موقفك لما تروحي السوق وتلاقي مافي شيء موجود
مقاسك مع انه يعجبك كثير لكن لما تبغي اكبر شيء وتطلبيه
ويقولك صاحب المحل مافي شيء مقاسك ..
وربي قمة الاحراج وقمة الالم ...
مريت بمعاناتكم تألمت كثير صحت كثير سمعت كلامـ كثير ومن أقرب الناس لي ...
لكن في اللحظه اللي فكرت فيها اني ابدأ طريق الرشاقه حسيت انها هذي البدايه الصحيحه
وبعد طول هالفتره اثبت لكم هذي المقوله سعادتنا برشاقتنا
رح تتغير نظرتك لنفسك .. رح تتغير نظرت الناس لك
رح تتغير كل الاشياء اللي حولك ...
باختصار رح تتغيرين ماراح اقول 360درجه حتى ماتقولين تبالغ رح اقول لكم 300 درجه
رح تتكلمين رح تتناقشين بدون أي احراج ماراح تحسين بنظرات من الناس كلها اشمئزاز من شكلك ومظهرك رح تلاحظي انك صرتي مصدر اعجاب الجميع والكل أو الاغلب رح يقول ماشاء الله ...
ماعاد الشخص الحسود رح تلاحظيه مايحب لك الخير رح يقول لك سابقا احلى ... كيف سابقا احلى ؟؟؟
يعني الدهون والشحوم اللي احنا فيها احسن ..خطر اصابتنا واحتمال الاصابه بالأمراض احسن لالالا اكيد ماراح تفيدنا صحتنا ورشاقتنا احسن شيء ...
وأثمن شيء عندنا صحتنا إذا راحت صحة الوحده كأنها تنعدم من الوجود ...
فكري دايم شنو رح تفيدك الحلويات والزيوت لو ظليتي تاكليها ومع الاستمرار رح تلاحظي وزنك رح يزيد بشرتك رح تتغير ..
يعني باختصار مضارها اكثر من فوايدها مية مره ..
فكري دايم لذة الاكل لحظات او دقائق اما لذة الرشاقه سنوات واعوامـ ...
خلاص اشتهيتي شوكلت اكلي قطعه يعني لازم تاكلي العلبه
حتى ترتاحي شنو استفدتي طعم الحبه الاولى نفسه في الثانيه نفسها في الثالثه ...الخ
يعني ماتغير في الطعم شيء فقط تغير اكتساب الجسم سكريات يصعب يتخلص منها بسهوله ..
تجين تخبصين مرات ومرات او تلتزمين اسبوع واسبوعين وبعدين تخبصين وترجعين كل اللي فقدتيه في فتره طويله
بمـــــــدهـ قصيره جدا ...
انا الان رح اقول لكمـ كلنا مرة علينا لحظات نخبص فيها انا وحده اعترف وكلنا مع الضغوطات ومع الفتره الطويله نخبص فيها لكن هل استفدنا ؟؟؟
اكيد لا انا وحده لما اخبص مااحس بنفسي إلا بعدين واجلس الوم نفسي الف مره طيب هل اللوم فيه فايده لو زدت وزن من هالتخبيص هل لما الوم نفسي بخسره اكيد لا
طيب اكلنا واكلنا وزاد وزنا بنضطر نرجع ونتعب نفس التعب اللي تعبناه في البدايه حتى نوصل للي نبغيه او حتى نخسر الوزن للي رجعناه من تخبيصنا ..
كيلو أو كيلوين تزيدينهم سهل يمكن تفقدينهم لكن لما يكونون اكثر هذا الكارثه ..
انا الان خلال هالفتره خبصت مراااات ويمكن كثير لكن ماوقفت تخبيص إلا لما شفت الزياده ولو كيلو واحد ..رح تحسين بالفرق وبالقهر انك تعبتي فتره طويله وبعدين يزيد وزنك ..آآآآآهـ قمت المعاناهـ ..
حاولي مع تثبيت وزنك لما توصلين لهدفك تكون فتره مراقبه للوزن بحيث أي زياده تقدرين تفضي عليها على طول
بحيث ماتسمحين ولو لجرام واحد انه يخرب وزنك ..
خلك قويه دايمـ لاتحبطين لما يثبت وزنك وانتي تبغين ينزل
عادي يثبت اسبوع او اسبوعين وبعدها بينزل لكن انتي استمري وتعبي بحيث حتى لو مانزل وزنك صدقيني شكلك ومقاساتك رح تفرق كثير ...
وبعدها رح ينزل وزنك تذكري فرحتك لما ينزل وزنك وتشوفي نتيجة تعبك اسبوعيا .. وانتي تطلعي على الميزان وتلاقين انك ناقصه من وزنك وتقولي ..
انا قويه انا قدرت اسوي شيء انا قدرت اتغلب على وزني واكسب صحتي ...
وكل طريق يبدأ خطوهـ
وطريق الرشاقه خطوهـ بدايتها عندك وبعدها رح تجي خطوات وتلاقينها سهله بإذن الله ...
لكن توكلي على الله ... ومثل مااقول انا دايمـ
الارادهـ ثم الاراده ومافي شيء مستحيل على رب العالمين

صباح الخير

بنات كيفكوا رح اغير باليوميات لانو امبارح صار معي وجع موت في جنبي واعطوني ابرة ت روقت ودوا كتير قوي لازم اكل منيح رح اغير نظام الرجيم انوا يكون اكل صححي

البداية غدا

6-12-2010

عاااشقه سجليني معاج ..
انا مسجلة بققروب ثاني بس قروبي ما يدخلون وايد
وانتي ما شاء الله عليج لاحظت كثرة تواجدج ..وانا نفسج تقريبا
يعني اقعد على المنتدى مرتين او 3 باليوم
وابي حد على طوول معاي يشجعني ^_^

اتمنى تقبليني معاج
الاسم: تباشير الفجر
الطول: 159
الوزن: يوم السبت ان شاء لله
الهدف الاول: 69
الهدف الثاني: 65
الهدف الثالث: 63

class="quote">اقتباس : المشاركة التي أضيفت بواسطة عاشقة الهوى:
البداية غدا

6-12-2010