نكات عن المساطيل لحمله سماء الابداع
مجتمع رجيم / الموضوعات المميزه فى ساحة مرح
كتبت :
um rawan
-
السلام عليكم حبيباتي
حابه افرافش معاكم شويه
وياريت ادخل الضحكه في قلوبكم
ويلا مع بعض نشوف مساطيل في مساطيل
بسم الله نبدا
مساطيل قاعدين يعوموا في نص الظلط جا واحد ماشي واستغرب واتلفت يمين وشمال لقي واحد قاعد بعيد يتفرج عليهم قال ليه يا ابن العم انصح الجماعة ديل صاحبك طلع مسطول قال ليه والله أنا قلت ليهم المكان ده غريق ما تعوموا فيه
مسطول قاعد جمب امريكي قام المسطول قاليهو : هاك دي سجارة تضبط مخك
الامريكي قاليه : سوري ما بدخن
المسطول اخد ليهو صنة كدا وتاني رجعليهو قاليهو طيب هاك ده كاس مش يضبط مخك يقلبو ليك فوق تحت
الامريكي قال : شكرا ما بشرب
المسطول زعل قاليه: وطيب الكافر ليها شنو
مسطول خاطر بي حياتو ودخل بيت قايمة فيهو حريقة طلع اربعة اشخاص,
لكن بالرغم من كده انسجن ليه؟
..
...
عشان الاربعة الطلعم ديل ناس المطافي
مسطول سايق تكسى وقفو واحد قال ليهو بالله نادى الاسرة . قال ليهو ناديهم لوحدك
قال ليك خمسة مساطيل دايرين يركبو لمبة قلووز واحد مسك اللمبة واربعة لفو الحيطة
مسطولة ماشة في الشارع نافشة شعرها سألوها مالك قالت إسبوووووووووع الشجرة
سوداني وامريكي بيتناقشو في الدمقراطيه قام الامريكي قال للسوداني انحنا عندنا ديمقراطيه ما بتتلقي في دوله في العالم قل ليهو انا ممكن اقيف قدام البيت الابيض واقول اللعنه عليك يا اوباما ومافي زول يسألني قام السوداني قال ليهو نحنا عندنا نفس الشي انا كمان ممكن اقيف قدام القصر الجمهوري واقول اللعنه عليك يا اوباما ومافي زول يسألني
مسطول دخل بيت بيكاء حضن احلا بت وبقا يبكي البت قالت ليهو انا ما من ناس البكا قاليها انتي المبكيه المنطقه كلها
مسطول مشى بيت صحبو دق الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لمايجي بكلمو ليك
قاليها كلميهو انتي قايلاني خايف منو؟
اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله
مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو
واحـد عندو أرنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت
*مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟
*مسطول جا جنب لافته
طلمبة أجب
طلع بالسلم وكتب بعدها
بلا أو نعم
*مسطول بيضرب بوهية
قالو ليهو خت جريدة تحتك
قال: لا لا كدة محصل
*سواق حافله مسطول الكمساري قال ليه: اللستك نزل, قال ليهو: ما تشيل منو
*مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز
*مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟
*مسطول مرتو ماتت قالوا ليه :نديك اختها قال:دي نسابة ولا شركة تأمين
*مسطول عجبتو بت في المكرو بص لما
نزلت شال رقم المكرو بص
مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد
مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف
مسطول اخد حبوبتو ومشى بها مدرسة البنات قال ليهم ادوني لها فكة !!
واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي
منو نسخة
مسطول في المدرسة سمع الاستاذ بقول المثابرة تولّد النجاح قال لى زميلوا :
مــــــــتين هى المثارة بقت داية .
بت بتسطل خطيبها رسل ليها خطاب عاطفي وبين كل فقرة والثانية كتب ليها آه.. آه..
ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟
حبيباتي اكتبي لي اكتر واحده اضحكتك لو سمحتي
