يااااااااااااااه......اذا ما دخلتن يا بنات انتو الخسرانين...بجد لازم تدخلو لازم

مجتمع رجيم / مقهى وردات رجيم
كتبت : محبة الله و رسوله
-

مرحبا يا بنوتات
كيف صباحكن اليوم؟؟؟
جبتلكن قصيدة للداعية مصطفى حسني من مصر
جزاه الله خيرا
و الله انفتح قلبي لهاي القصيدة الجميلة
اتمنى انكن تقرأوها بتمهل و باستشعار



يا رب بحبك وحاسس بقربك

وشفت حاجات كتير بتبين لي حبك

وبشوف حواليا كم ليك عليا من أيادي

ولولا فضلك عليا ما كنت عرفت النبي الهادي

وياما ادتني نعم كثير

وانا مستحقش...بس أنت الكبير

اغلط وانت تسامح...واعصي وانت تغفر

وكل ما اشوف خيرك حبك في قلبي يكبر

ولو الكل سابوني بتبقى معايا في وحدتي

وبحس بحنيتك وقربك في شدتي

تنّزل النعمة... اتشغل عنك بيها

ماتاخدهاش مني...ده انت بتبارك لي فيها

وفي عز ما احتاج لك الاقيك جنبي

تهديلي بالي وتريح لي قلبي

حصل لي مشكلة، الشيطان قال لي "ايه اللي بيحصل فيك...

واشمعنى انت بالذات المصايب نازلة عليك؟!"

قلت له "يا مسكين...اللي ابتلاني ده ربنا...

اللي ادانا كل حاجاة حلوة عندنا

أكيد خير لأن محبوبي

عليم باللي ينفعني ويصلح لي عيوبي"

وشكرا يا رب انك فاتح لي بابك

اصوم واذكر واصلي جنب أحبابك

ولما واحد جه ينصحني قلت "ده ربنا حابب يهديني"

ولما قبضت مرتبي حسيت ان الكريم اللي بيديني

اتمشى في الجناين أشوف 100 ألف وردة

قلت يا رب ايه كل الجمال ده!

حسيته بيقول لي يا عبدي...انا حابب امتع عينيك

وافرجك على حاجات كتير حلوة...واوسع عليك

بس يا عبدي لما تشوفها شوف جمالي وقربي

واعرف اني بالجمال ده بعبر لك عن حبي

يا عبدي لو عرفتني حبي هيكبر جواك

وهتحس في كل لحظة اني دايما معاك

معاك في فرحتك...معاك في حزنك ومحنتك

معاك في رزقك...معاك في صلاتك وسامع دعوتك

وفي كل حاجة شايفها قدامك اتعرف على صفاتي

واعرف اكتر لما تشغل عقلك وتتفكر في تصرفاتي

فاكر...
فاكر لما عصيتني بالليل وانا كنت جنبك بحافظ عليك

ولما طلع الصبح مانتقمتش منك...ده انا بسطت ايديا ليك

ليتوب مُسئ الليل...وانت كنت واحد منهم

لو بس رجعولي لو كانوا ملايين هقبلهم

انا ربك اللي بحبك...اعرفني عشان توصل لي

وتحس بقربي منك وانت واقف بين ايديا تصلي
كتبت : KEERA
-
كلمات جميلة
اللهم انى اسألك حبك وحب من يحبك وحب كل عمل يقربنى الى حبك
سلمتِ وسلمت اناملك يا غاليه
وافادك الله ونفع بك
كتبت : سبلة
-
كلمات رائعة فعلا
ولازم نعمل فيها

التالي
السابق