مجتمع رجيمالاطباق المتنوعة

بالصور طريقة عمل الخبز بالبيت

التوست الدائري





نفس عجينة ساندوتشات الهامبرجر ونفس طريقة اللف

اذا عندك صينية فرن عميقه ومتساوية الطول مثل الاسطوانه
استخدميها
انا هنا استخدمت قدر صغير المونيوم عندي (قدر عادي يستخدم للطبخ )
ندهنه بالزيت ورش خفيفه دقيق
ونحط العجينه بعد فردها ولفها


لازم كمية العجينه تناسب حجم القدر
واعملي حساب انه العجينه راح ترتفع الضعف
لازم العجين ترتفع الى مستوى السطح وما تزيد لانه عند الخبز راح ترتفع كمان



خلي التخمير يكون اقل من اللي بالصوره ان كنت بذاكر لابني فنسيت وتخمرت زياده

تخبز وتاخذ وقت في الفرن لانها عاليه وانا حطيتها النص ساعه الاول على درجه
200والنص لساعه الباقيه على 170 درجه

بعد ما تتوي وتتحمر تترك لتبرد خمس دقايق ثم تقلب على رخام نضيف
تلف في منشفه نضيفه ولا تقطع الا بعد ان تبرد تماما



يزال الراس الزايد (يقطع بسكين منشار)



وتقطع شرايح



وهنا صار جاهز للاكل

بعد ما نحشيها باللي بدنا نحمص الساندوتش بالشوايه الكهربائيه






خبز الشعير



المقادير
ملعقه كبيره عسل مذابه في نص كوب ماء+ملعقه صغيره خميره
ملعقه صغيره ملح
كوب دقيق شعير
كوب ونص دقيق ابيض
كوب بر فاخر



ثلاثة ارباع كوب ماء للعجن

الطريقه
تعجن جميع المقادير مع بعض اذا كانت العجينه قاسيه تبل اليد بالماء ونستمر في العجن
واذا كانت طريه نرش دقيق ونعجن

كل ماطالت مدة العجن كل ما كان الخبز احسن

تغطى وتترك لترتاح حوالى ثلث ساعه

بعد ما ارتاحت العجينه
نشغل الفرن يسخن
تقرص العجينه الى دواير متساويه وتغطى لترتاح خمس دقايق فقط

يرش السطح اللي راح نفرد عليه بالدقيق

يفرد الخبز

وحتى يكون دايري متساوي
لما تبدي بالفرد كل مره تقلبي العجين فيها
يعني تمرري الشوبك على العجين تمسكي العجين وقلبيها وتمريري الشوبك
او الفراده على العجينه وترفعي العجين وتقلبيها على الوجه الثاني
وبكذه راح تتطلع دائره حلوه وهذي الدايره كل ما استمريتي في الفرد راح تكبر
وتوقفي عند الحجم المناسب المهم انها ما تكون رفيعه ورقيقه مره

يعني لاتضغطي على الفراده بقوه ومره واحده تفردي العجين بحجم كبير
لا على مراحل
ترص ويفصل بين كل قرص والثاني من مناديل المطبخ او مناشف صغيره نظيفه

تترك لترتاح
تخبز في فرن حااااااااااار











ــــــــــــــــــــــــــــــ ـ

وصحه وعافيه
خبز الدخن




المقادير
كاس ونص ابيض
نص كوب دخن
نص كوب ماء مذاب فيه ملعقه عسل وملعقه صغيره خميره




ربع كوب ماء للعجن

الطريقه والخطوات نفس خبز الشعير





رقايق السمبوسه



المقادير

3 كاسات دقيق
ثلاث ملاعق كبيره زيت
ماء حوالي كوب
ملح ملعقه صغيره
ملعقه كبيره سمنه مذوبه لدهن العجينه في النهايه اثناء الفرد

الطريقه
نعجن العجين ونستمر في العجن حتى نحصل على عجين ناعم الملمس معتدل لاقاسي ولا لين وسط
تترك لترتاح 5 دقايق
تقسم الى كور صغيره بحجم الليمون الصغير
ترص في صحن عميق قليلا ويصب عليه حوالي نص كوب او اقل زيت
تترك لترتاح حوالي ثلاث ساعات او اكثر

نجيب صينيه واسعه او مقلى تيفال او صاج او اي شي عندك ممكن يستخدم حتى لو صينية الفرن الكبيره
انا هنا استخدمت الصينيه الكبيره (التبسي )اللي بنحط فيها الاكل وعارفه انها متوفره في كل بيت وكمان ميزتها انها تسخن بسرعه

نفرد العجينه على رخام نضيف نمسح العجينه بالسمن البسيط (مسح خفيف حتى يسهل الفرد)
ثم توضع على الصاج


في كذا طريقه لوضع العجين المفروده على الصاج

الطريقه الاولى وهي الاسهل واللي انصحكم فيها
انك تفردي العجين عادي بدون رق زياده

بعدين ترفعي العجينه وتحطيها على الصاج من غير ما تولعي النار
لما تحطيها على الصاج حطيها من الطرف الاول واسحبي وانت تنزلي الطرف الثاني على الصاج حتى تنمط معك كمان
وتكملي فرد العجينه وهي على الصاج
فرد العجينه يكون بالضغط على الاطراف بشويش مثل كانك بتهمزي
لا تبالغي برق العجينه
تولعي النار وتشديها على الاخر تحطي الصاج على النار
تحركي الصاج بحيث الحراره توصل الى الاطراف
وبسرعه اقلبي العجينه بمجرد مالونها يصفر واطفي النار اضغطي بيدك على الاجزاء اللي مازالت لونها ابيض (والنار مطفيه )حتى تتختفي وتصير كلها صفراء
طبقيها (مهمه هذي الخطوه لانها تحافظ على الرقاق انه ما ينشف اثناء رفعه )


افتحيها وحطيها في صينيه فرن مستطيله وغطيها بسفره بلاستك


خذي قطعه ثانيه من العجين افرديها وحطيها في الصاج ولعي النار عدي لحد الخمسه وطفي النار(لان الصاج بيكون لسه حار فبيسخن اسرع من اول ) تكون استوت اقلبيها بسرعه طبقيها ارفيعيها وافتحيها مره ثانيه وافرديها فوق الرقاقه الاولى غطيها وهكذاااااااااااا حتى تخلصي العجين كله


الطريقه الثانيه
هي انك تفردي العجين وتخلي الصاج يسخن كويس تتطفي النار وتحطي الرقاقه
وثواني او ما تصفر كلها اقلبها بسرعه طبقيها ارفعيها افرديها في صينيه
وغطيها

الطريقه الثالثه
هوانك تولعي النار على الصاج واول ما تحطي الرقاقه في نفس اللحظه تتطفي النار تضغطي عليها حتى تصير كلها لونها اصفر تقلبيها وتطبقيها
وترصيها في صحن مسطيل له حواف وتغطيها بسفره بلاستك وهكذااا حتى تخلص الكميه

ملاحضه مهمه

في كل الحالات الوقت اللازم لسوى العجينه ما ياخذ اكثر من 10 ثواني بالتمام

ــــــــــــــــــــــــــــــ ــــــــــــــــــــــــــــــ ــــــ
وهذي الخطوات بالصور













بعد ما نخلص تكون الصينيه عندنا مليانه رقاق

نجيب سكين حاد جدا



نقطع الاطراف




نجيب مسطره نقيس عرض العجين ونقسمه بحيث تكون الاحجام متساويه



افضل عرض لرقايق السمبوسه هو 7 سم والطول عادي على حسب رغبتك









تغلف وترفع في الثلاجه او تستخدم



1  2  3  4 5  6  7  8  ... الأخيرة
كلمات ذات علاقة
الخبز , بالبيت , بالصور , عمل , طريقة